२ पत्रुस् 1:11 - ल्होमी

¹¹ हुनी हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट्‌की इगीगी फु तक्‍पे ज्‍यागक्‍ल स्‍युक्‍पे यङ्‌ल हज्‍यरङ्‌ल ॱसुमी़ थोप्‍केन् बेत्।

२ पत्रुस् 1:11 Iomraidhean Croise

मत्‍ती 25:34

हुनी ज्‍याबु दीगी खोङ् रोरङ्‌गी ॱये छ्‌योदु स्‍यक्‍प घयेत् दील ङे यप्‍की ॱमेल्‍लम् थीबे मी घयेत् ॱस्‍योक्। खीत्‍रङ् घयेक्‍की ढीक्‍ल ॱस धङ् ॱनम् छ्‌यादु ची़प्‍पनी स्‍यङ्‌न स्‍यक्‍पे ज्‍यागक् दी खीत्‍रङ्‌गी ॱहक्‍ल लीन्‍न झ्‍यी।

युहन्‍ना 10:10

ॱनी ङ हुब घयेत्‍ल ॱमेल्‍लम् च्‍येम्‍मे छी थोप्‍च्‍ये यो़प्‍पल टो़त्‍तु सीन्‍न युङ हीन्। की़न्‍ज्‍येन् घयेत् कुदु, ॱसो़त्‍तु धङ् खरप्‍ल तोङ्‌दु सीन्‍नरङ् युङ्‌गेन् बेत्।

रोमी 2:4

को़न्‍ज्‍योक्‍की घन्‍दुक्‍मे गय धङ् ङङ्‌रीन् धङ् गुर् थेक्‍प जेक्‍कुक्‍क हुगो खोक्‍की आक्‍तोक्‍ल तोङ्‌गेन् ॱनी? खोङ् हुन्‍दुक्‍मे गय यो़क्‍केन् हुगो रङ्‌गी ॱसीम् दी ॱएङ्‌गी लम्‍नी ज्‍युर्न युङ्‌गो़ट्‌टो ॱनो़बे ढीक्‍ल बेत्। हीगो खोक्‍की ॱह मीत् घोयेक्‍क ॱनी?

१ कोरीन्‍थी 15:24

हुनी ॱनी स्‍युक् थमे धी़ दी ॱलीक्‍केन् बेत्। हुगी कप्‍ल ॱवङ् च्‍योङ्‌गेन्, ॱवङ् च्‍येम्‍म धङ् ॱस्‍यीक् च्‍येम्‍म घयेत् मीप्‍पल सो़नी ज्‍यागक् च्‍योङ्‌से ठी दी खोङ्‌गी यप् को़न्‍ज्‍योक्‍ल ची ज्‍यक्‍केन् बेत्।

२ कोरीन्‍थी 5:1

ॱस जम्‍बुलीङ्‌न यो़प्‍पे घुर् डस्‍सी झ्‍यीबे ङीक्‍की सी़ हीगो ॱरम्‍न न ॱनी, इगी तेङ् यी़दु कोलीमी लक्‍पे मत् सो़ब, फु तक्‍केङ्‌गी खीम् को़न्‍ज्‍योक्‍की ङीत्‍ल ॱनङ्‌गेन् हीम्‍ब ङीत्‍ल ॱस्‍यो़च्‍च्‍ये यो़त्।

एफीसस् 3:20

हज्‍यरङ्‌गी ॱसीम्‍ल ले जेक्‍केन् को़न्‍ज्‍योक्‍की ॱस्‍यीक्‍ल पीब हज्‍यरङ्‌गी स्‍यी़ब धङ् ॱसीम्‍ल ॱनो़बले एक् ॱल्‍हक्‍मागी ले खोङ्‌गी जेत् छुगेन् बेत्।

१ तीमोथी 6:17

जम्‍बुलीङ्‌दु नोर् गज्‍येन् यो़प्‍प च्‍येम्‍मसो, ज्‍यीङ्‌ब बोम्‍बु मत् झ्‍यीज्‍यीत्। फु ॱमीत् तक्‍केन् हुन्‍दुक् झ्‍यीबे नोर्ल ॱलो ॱमत् को़ब, बोर हज्‍यरङ्‌ल गस्‍सी युङल मो़त् ढाब कुरीक् ॱनङ्‌गेन् को़न्‍ज्‍योक्‍ल ॱलो को़ज्‍यीत् सीन्‍न ॱस्‍यो़त्।

२ तीमोथी 4:18

हुगो झ्‍यीनी तीङ्‌ला ङल आक्‍पागी ढङ् घन्‍ड झ्‍युङ्‌न अक्, चोव ज्‍यीन्‍दक्‍की ङ हुन्‍दुक् झ्‍यीबनी छ्‌यीन खोङ् रोरङ्‌गी इगी तेङ् यी़गी ज्‍यागक्‍ल तेन्तेन् ठीक्‍केन् बेत्। खोङ्‌ल धी़ नम ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।

२ तीमोथी 4:8

ह ठीम्‍बो़न् ढङ्‌बु चोव ज्‍यीन्‍दक् झ्‍यो़म्‍बे ङीङ्‌गी यङ्‌ल मी ढङ्‌बुल थोप्‍केन्, थोप् छ्‌यीम्‍मी़ स्‍यमुङ् दी खोङ्‌गी ङे ढीक्‍ल इगीन स्‍यक्‍न यो़क्‍केन् बेत्। ॱनी ङल छ्‌युवक् मेम्‍ब, हुगो खोङ् इगीनी मल्‍ल झ्‍यो़म्‍बल रीगो झ्‍यीन गुक्‍केन् कुरीक्‍ल थोप्‍केन् बेत्।

हीब्रु 6:17

ॱनी हीगो डस्‍सी को़न्‍ज्‍योक्‍की इक् ॱसुल टो़प्‍पे छ्‌यो़त्‍तुम् जेत् यो़दङ् हुगो ॱङो़न्‍ने ॱमीत् टो़त् रीगी खोङ्‌गी ढो़ दी ज्‍युर्स मीप्‍पे ॱन झ्‍यीब बेत्।

२ पत्रुस् 1:1

येशु ख्रीष्‍ट्‌की ॱयोक्‍पु धङ् ठीक्‍नल ङ शीमोन् पत्रुस्‍की ङीत्‍तङ् च्‍यीक्‍प छ्‌य स्‍योक्‍केल्‍ल झ्‍युङ्‌न यो़क्‍केन् घयेत्‍ल हीगो ढीन तोङ्‌गो़त्। ॱनी हीगी चा छ्‌यीम्‍मी़ छ्‌य स्‍यक्‍पे लेमु हीगो हज्‍यरङ्‌गी को़न्‍ज्‍योक् धङ् च्‍यप्‍को़न् येशु ख्रीष्‍ट् ढङ्‌बु हीम्‍बे लम्‍नी झ्‍युङ बेत्।

२ पत्रुस् 1:5

हीगो झ्‍यीनी खीत्‍रङ्‌गी छ्‌य स्‍यक्‍प दील ॱसीम् सङ्‌बु गो़गेन्, हुनी ॱसीम् सङ्‌बु दील को़न्‍ज्‍योक्‍की धो़र्रीक् गो़गेन्,

२ पत्रुस् 2:20

स्‍येन् हुबे एल्‍ला हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट् ङु ॱस्‍यीन जम्‍बुलीङ्‌गी स्‍यीलोक्‍सीगी ङीब घयेत्‍नी थर्न युङ बेत्। ॱनी हुब यङ् हुगी ॱङीङ् दीलरङ् सीन्‍न हुगी ॱवङ्‌ल ॱसोङ्‌नी, हुब एल्‍लाले हरुङ् दुक्‍तु डोगेन् बेत्।

२ पत्रुस् 3:18

हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट्‌की थुज्‍यीगी धो़र्रीक् खीत्‍रङ्‌ल ज्‍येबर् युङ्‌ज्‍ये यो़प्‍प धङ् खोङ्‌गी धो़र्रीक् खीत्‍रङ्‌गी गदु ॱस्‍यीज्‍ये यो़प्‍प झ्‍यीज्‍यीत्। खोङ्‌ल हुन्‍दो धङ् धी़ ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।

ॱसाल्‍केत् 3:21

ङ ज्‍यला थो़न्‍न युङ्‌नी यप्‍की ॱवङ् च्‍येम्‍मे स्‍युडील खोङ्‌दङ् दल दो़च्‍च्‍ये ॱनोङ्‌न यो़त्। ॱनी हीगो डस्‍सी मी ॱसु ज्‍यला थो़न्‍न युङ्‌गुक्‍क हुगो ओक् ङे ॱवङ् च्‍येम्‍मे स्‍युडील ङदङ् दल दो़च्‍च्‍ये यो़प्‍प सोगेन्।

ॱसाल्‍केत् 5:10

हुनी हुब घयेत् ङीक्‍की को़न्‍ज्‍योक्‍की ज्‍यागक्‍की मीस्‍सीर्ल धङ् खोङ्‌गी छ्‌यो़प्‍पो़ल्‍ल सो़ब बेत्। हुनी हुबे तीङ्‌ला जम्‍बुलीङ्‌ल आक् ॱवङ् च्‍योङ्‌गेन् बेत्।