२ कोरीन्थी 8:2 - ल्होमी2 उन यो़प्पे छ्यो़ छो घयेत्ल दुक्प अयेक्प नोङ्न, हुन्दुक्मे छो़त्लीन् छ्यीय झ्युङ्न अक्, रोसो गेस छ्यीम्मु झ्यीब बेत्। हीगो झ्यीनी हुब घयेत् म दीरङ् टङ्बु दुक्सी यो़त्न अक्, तीच्च्येगी छ्योल गस्सी फो़त्न, गज्येन् टेप्प बेत्। Faic an caibideil |
२ कोरीन्थी 8:2
20 Iomraidhean Croise
ॱलोप्स्यीक् टो़त् ॱस्यीगेङ्गी कबप् यो़प्प च्येम्मे ॱलोप्स्यीक् दी टो़च्च्यीत्। ॱयोङ्ल फेन् थोब तीक्केङ्गी कबप् यो़प्प च्येम्मे ॱसीम्नी फो़त्न टो़च्च्यीत्। गोयो़प्प झ्यीक्केङ्गी कबप् यो़प्प च्येम्मे टेत् च्येत्न गोयो़त् दी झ्यीज्यीत्। ॱयोङ्ल फेन् थोब ॱङीङ्ज्यी झ्यीक्केङ्गी कबप् यो़प्प च्येम्मे ॱसीम् गवे झ्यीज्यीत्।
ङीक्की ङोम्ज्येत् दी हीगो यो़त्। जम्बुलीङ्गी मी घयेक्की घुङ्दु धङ् हुले धक्पा खीत्रङ्गी घुङ्दु ङीक्की मीजीगी छ्यलु दी को़न्ज्योक् थु गुव धङ् धक्पर् ॱसीम् चङ्म खुर्न युङेन्। हीगी ढीक्ल सङ् ङेन् च्यो़त् ॱस्यीगेन् ङे ॱसीम्बे धक्पर् झ्यीक्केन् बेत्। हीगो कोलीमीगी झ्यी़रीक् रीक्पे मेम्ब, को़न्ज्योक्की थुज्यीगी बेत्।
खीत्रङ्गी ॱनङे ॱनङ्ज्येक्की ले हुगी खीत्रङ्गी धेप्प दी गस्सी यो़प्प हीम्ब कुरीक्की ॱह घो छुगेन् बेत्। हुनी ख्रीष्ट्की ढीक्की केच्च्य ॱनेम्बुल खीत्रङ्गी ख यच्च्येक्की छ्युवक् मेम्ब, क धङ् धम्ल चीन, लक् यङ्बोक्म झ्यीन हुब घयेत्ल धङ् हुनी ॱयोङ्माल आक् टेत्न, दगु झ्यीबे ढीक्ल हुब घयेक्की को़न्ज्योक्ल तो़प्प पुगेन् बेत्।
ङे झ्यम्बे पी़न्ज्यासो, हीगो ॱह घोव झ्यीज्यीत्। छ्य स्यक्न युङे लेमुल छ्युक्पु युङ्ज्ये यो़प्प धङ् को़न्ज्योक्की खोङ् रोरङ्ल झ्यम्ब यो़प्प च्येम्म घयेत्ल टो़प्पे छ्यो़त्तुम् जेप्पे ज्यागक्की फक् दी थोप्च्ये यो़प्पल जम्बुलीङ्गी टङ्बु हीन्दोक्प च्येम्म घयेत् खोङ्गी दम्ब मेम्बेक्क ॱनी?
Sanasan