२ कोरीन्थी 7:11 - ल्होमी11 को़न्ज्योक्की थुल डीक्पे ॱसीम्दुक् झ्युङ हुगी खीत्रङ्ल घन्दुक् झ्यीबे डेबु छ्याब बेक्क हुल तो़। घन्दुक्मे धेप्प छ्यीयल झ्युङ बेक्क। हुगी ङीब हुल खीत्रङ्गी मेङ्गी मेन् सीक्केल्ल झ्युङ बेत्। हुगी ङीबे ढीक्ल खीत्रङ् ॱयोङ्म घयेत् घन्दुक्मे खोङ्डोक् झ्युङ बेक्क। घन्दुक्मे ज्यीब झ्यीक्को़प्प। ङल घन्दुक्मे ढेम्ब झ्यीगो़प्प। ङ ङो़ल हुन्दुक्मे छ्योरीगी ज्यीक्प झ्युङ्न, हुल म दीरङ् छ्येप्प को़ज्ये ॱनो़ब झ्यीक्केन् बेत्। हुन्दुक् झ्यीन हुगी ढीक्ल खीत्रङ् घन्डल अक् धक्पर् झ्यीन नक्चक् मीप्पल थो़न्दुक्। Faic an caibideil |
२ कोरीन्थी 7:11
54 Iomraidhean Croise
खीत्रङ्गी मत् ओ़बे ढङ् घन्ड अक् झ्यीच्च्ये मीप्पे ढीक्ल ङीक्की को़न्ज्योक्ल ॱसुव तोप्को़त्। हीगो ङीत्ल झ्युङे छो़त्लीन् घयेत्ल ङीत् ज्यला थो़म्ब हीम्ब कुरीक्की ॱह घोज्येल मेम्बेत्। बोर ङीत् हुगी छो़त्लीन् हुल फम्नर डस्सी झ्युङ्न अक् झ्युङ्। म दी गो़स्योल खीत्रङ्गी ढङ्बी़ ले झ्यीच्च्ये यो़प्पे ढीक्ल हीन्।
ॱनी तीतस् युङे हुगी ॱलोप्स्यीक् हुगो छ्युवक् मेम्ब, रोल खीत्रङ् च्यानी थोबे ॱलोप्स्यीक् दी घोनी, हुगी इक् ङीत्ल गस्सी फेन्ज्युङ्। खीत्रङ्गी ङ दो़न्दो़त् ढेम्ब झ्यीगुक् सीर, हुनी ज्यो़प्प लङ्न ॱसीम्दुक् झ्यीगुक् सीर धङ् ॱनी ङ ङो़ल गन्दीक्म छ्योरी झ्यीगुक् सीर ॱस्येत्नी, हुनी ॱसुम्ब गेस गन्दीक्म झ्युङ्।
ॱनी हुन्दो ङल गेस यो़त्। ॱनी हीगो खीत्रङ्ल ॱसीम्दुक् झ्युङ्नी, ङल गेस लङ मेम्बेत्। खीत्रङ्ल ज्यो़प्प लङ्न, हुगी ॱसीम्दुक्की खीत्रङ् ॱएङ्गी लम्नी ॱसीम् ज्युर्न युङे ढीक्ल झ्युङ्। खीत्रङ्गी ॱसीम्दुक् हुगो को़न्ज्योक्की थुल डीक्प यो़क्केन् झ्यीनी, ङीत् च्यानी खीत्रङ्ल च्यो़न् घन्ड अक् मत् युङ बेत्।
टो़च्च्येमे लेल खीत्रङ्गी ॱलो़नी ॱसीम्नी टो़क्केन् हीम्ब ङल ॱस्यो़च्च्ये यो़त्। अखैया लुङ्बन यो़क्केन् खीत्रङ् घयेक्की ननीङ्नीरङ् टो़च्च्येम ठोक्क झ्यीन यो़क्केन् बेत् सीन्न मासीडोनीयागी पी़न्ज्या घयेत्ल ङे खीत्रङ्गी ढीक्ल ङोम्ज्येत् ॱस्येत् छरेन्। खीत्रङ्ल हुन्दुक् झ्यीबे स्यीदङ् यो़प्प दी ॱह घोनी, हुब घयेत् मङागी ॱसीम्ल आक् हुगो डस्सीगी स्यीदङ् लङ्सोङ्।
Sanasan