Biblia Todo Logo
Bìoball air-loidhne

- Sanasan -




२ कोरीन्‍थी 6:7 - ल्होमी

7 दीम्‍बे केच्‍च्‍य ॱस्‍यो़प्‍पल, को़न्‍ज्‍योक्‍की ॱस्‍यीक् युङल, लक्‍प ॱये धङ् ॱयेल्‍ल ढङ्‌बु हीम्‍बे छो़न्‍ज्‍य ज्‍येम्‍बल धङ् हुन्‍दुक् झ्‍यीब ॱनजो गुजो घन्‍दुक् झ्‍यीबलरङ् हीन्‍न अक्, ङीत् को़न्‍ज्‍योक्‍की ॱयोक्‍पु ॱङो़न्‍ने हीम्‍बल थो़ङ्‌गो़त्।

Faic an caibideil Dèan lethbhreac




२ कोरीन्‍थी 6:7
27 Iomraidhean Croise  

हीनी हुब घल अक् फीन्‍न ॱसोस्‍सोल केच्‍च्‍य ॱनेम्‍बु ॱस्‍येप्‍प बेत्। ॱनी हुबल चोव ज्‍यीन्‍दक्‍की दगु जेत्‍न हुबे ॱस्‍येप्‍पे केच्‍च्‍य दी धक्‍पर् हीम्‍ब युङ्‌ज्‍येल यीक् छ्‌यीम्‍मी़ लेगी ता घयेत् झ्‍युङ बेत्।]


ॱनी हुबल चोव ज्‍यीन्‍दक्‍की छ्‌यक्‍की दगु जेत्‍नी, मी गज्‍येङ्‌गी चोव ज्‍यीन्‍दक्‍ल छ्‌य स्‍यक्‍न खोङ्‌गी छ्‌यल युङ बेत्।


ॱनी को़न्‍ज्‍योक्‍की भो़बे मी दी यहुदीरङ् हीन्, ग्रीक्‍की मीरङ् हीन्‍न अक्, हुल कुरुस्‍तु ढोङे ख्रीष्‍ट् को़न्‍ज्‍योक्‍की ॱनङे ॱस्‍यीक् धङ् झ्‍यी़रीक् हीम्‍बल युङ्‌गेन् बेत्।


खोङ् ज्‍यीक्‍च्‍ये मीप्‍प यो़प्‍पे कप्‍ल खोङ् कुरुस्‍ल ताब बेत्। ॱनी हीन्‍न अक्, को़न्‍ज्‍योक्‍की ॱस्‍यीक्‍की यङ् खोङ् ॱसोम्‍बुल ॱलोङ्‌न यो़क्‍केन् बेत्। हुगो डस्‍सी खोङ्‌दङ् मत् ढेब यो़क्‍केन् झ्‍यीनी, ङीत् इत् ज्‍यीक्‍च्‍ये मीप्‍प यो़त्। ॱनी हीन्‍न अक्, खीत्‍रङ्‌गी घुङ्‌दु स्‍यप्‍च्‍यी़गी ले झ्‍यीप्‍पल ङीत् इत् को़न्‍ज्‍योक्‍की ॱस्‍यीक्‍की ख्रीष्‍ट्‌तङ् कङ्‌ज्‍यीक्‍ल ॱसोम्‍बुल सो़न यो़क्‍केन् बेत्।


को़न्‍ज्‍योक्‍की ढीक्‍ल मी गज्‍येङ्‌गी छोङ् डस्‍सी झ्‍यीन रोरङ्‌सो़ युङ्‌ज्‍यी़ तेन तम् ॱस्‍यो़क्‍केन् बेत्। ॱनी ङीत् हुब डस्‍सी मेम्‍ब, को़न्‍ज्‍योक्‍की को़बे मी झ्‍यीनी, खोङ्‌गी ढुङ्‌दु ङीक्‍की ॱसीम् चङ्‌म खुर्न ख्रीष्‍ट्‌की ॱयोक्‍पु झ्‍यीन ॱस्‍यो़क्‍केन् हीन्।


केत्‍मीक्‍की ङु छागी ले घयेत्, ॱयोज्‍यी़ ठम्‍ज्‍यी़गी ले धङ् को़न्‍ज्‍योक्‍की ॱसुङ्‌रप् ॱहेन्‍ज्‍योक्‍प ॱस्‍यो़क्‍केङ्‌गी ले घयेत् ङीक्‍की फङ्‌न स्‍यक्‍पेन्। बोर को़न्‍ज्‍योक्‍की ढुङ्‌दु सङ् ङेन् नम् च्‍यो़त् ॱस्‍यीगेन्, मी रीदङ् रीगी ङीक्‍की केच्‍च्‍य दी दीम्‍ब हीम्‍ब ॱह घो छुज्‍येल ङीक्‍की मी घयेत्‍ल केच्‍च्‍येल्‍ल तो़न्‍न ॱस्‍यो़क्‍को़त्।


खीत्‍रङ्‌गी ढीक्‍ल ङे एल्‍ला तीतस्‍ल ङोम्‍ज्‍येत् ॱस्‍येप्‍पल पीब ङल हुन्‍दो ङु छय मीप्‍प झ्‍युङ्। ङीक्‍की खीत्‍रङ्‌ल ॱस्‍येप्‍पे केच्‍च्‍य घयेत् दीम्‍ब डस्‍सी ङीक्‍की तीतस्‍ल ॱस्‍येप्‍पे ङोम्‍ज्‍येत् हुगो ओक् दीम्‍बल झ्‍युङ बेत्।


खीत्‍रङ्‌गी इक् हुगो डस्‍सी थर्वे दीम्‍बे केच्‍च्‍य ॱनेम्‍बुल छ्‌य स्‍यक्‍न यो़क्‍केन् बेत्। हुनी को़न्‍ज्‍योक्‍की छ्‌यो़त्‍तुम् जेप्‍पे धम्‍बे थु खीत्‍रङ्‌ल ॱनङ्‌न खीत्‍रङ्‌गी ॱसीम्‍ल ङोत्‍ताल झ्‍युङ्‌न यो़क्‍केन् बेत्।


हज्‍यरङ्‌गी ॱसीम्‍ल ले जेक्‍केन् को़न्‍ज्‍योक्‍की ॱस्‍यीक्‍ल पीब हज्‍यरङ्‌गी स्‍यी़ब धङ् ॱसीम्‍ल ॱनो़बले एक् ॱल्‍हक्‍मागी ले खोङ्‌गी जेत् छुगेन् बेत्।


हुगो खीत्‍रङ्‌गी ॱह घोन यो़क्‍केन् बेत्। येशुदङ् मत् ढेब यो़प्‍पे मी झ्‍यीनी, खोङ्‌गी दीम्‍बे केच्‍च्‍य खीत्‍रङ्‌ल ॱस्‍यो़च्‍च्‍ये यो़क्‍केन् बेत्।


खीत्‍रङ्‌गी ढीक्‍ल तेङ् यी़न दक्‍सुम् झ्‍यीन स्‍यक्‍न यो़प्‍प दी गन्‍दीय थोप्‍केन् बेत् ॱनो़बे रीगो दी खीत्‍रङ्‌ल यो़क्‍केन् झ्‍यीनी, हुनी क खीत्‍रङ्‌गी हुगो डस्‍सीगी लेमु झ्‍यीक्‍केन् बेत्। हीगी रीगो हीगो खीत्‍रङ्‌गी गोम दीम्‍बे केच्‍च्‍य ॱह घोवे यङ्‌नीरङ् झ्‍यी ॱस्‍यीदुक्।


हुब डस्‍सी मेम्‍ब, हज्‍यरङ् ङीम्‍मु मेङ्‌गे छ्‌योल यो़क्‍केन् झ्‍यीनी, ॱसीम् ॱनो़जो़त् घङ्‌बी़ ॱवङ्‌ल ॱमत् तङ दो़त् गोगेन् बेत्। हज्‍यरङ्‌गी छ्‌य स्‍यक्‍प दी धङ् झ्‍यम्‍सीम् दी ॱमक्‍मीगी ढङ्‌गोक् छ्‌योप्‍केन् च्‍यागी घो़ घो़म्‍ब डस्‍सी युङ् गोगेन् बेत्। ॱनी छी थर्व युङे रीगो दी ॱमक्‍मीगी गोल छ्‌योप्‍केन् च्‍यागी स्‍यमुङ् घो़म्‍ब डस्‍सी युङ् गोगेन् बेत्।


को़न्‍ज्‍योक्‍की तेबल रङ् छ्‌यप्‍स्‍यक् च्‍येम्‍मल झ्‍युङ्‌न ङु छ मीत् गो़गेङ्‌गी लेमीय धङ् दीम्‍बे केच्‍च्‍य डीक्‍पोक्‍म ॱस्‍यो़त् ॱस्‍यीगेल्‍ल युङ कले च्‍येत्‍न थो़न् छुब झ्‍यीज्‍यीत्।


ङे घङ् खे खे झ्‍यीन ज्‍युक्‍री चीय दी ज्‍युक्‍तक् च्‍येत् छरेन्। ङे छ्‌य स्‍यक्‍पे लम्‍ल तेम्‍बोक्‍म झ्‍यीन युङेन्।


हुबे केच्‍च्‍य हीगो धक्‍तेन् हीन् धङ् मेल्‍ल को़न्‍ज्‍योक्‍की यीक् छ्‌यीम्‍मी़ लेगी ता, यम् छेम्‍मे ले, ॱस्‍यीक् छ्‌यीम्‍मी़ ले गज्‍येन् झ्‍यीत्‍तु ची़प्‍प धङ् खोङ्‌गी थुल यो़प्‍पल पीब धम्‍बे थुगी कबप् मी घयेत्‍ल खोङ्‌गी ॱनङ्‌न धक्‍पर् जेप्‍प बेत्।


खोङ्‌गी छ्‌यादु ची़प्‍प घयेक्‍की छीक्‍नी हज्‍यरङ् खोङ्‌गी फी़त्‍ल युङ्‌ज्‍ये यो़प्‍पल खोङ्‌गी थुल ॱसम्‍न दीम्‍बे केच्‍च्‍ये लम्‍नी हज्‍यरङ् कीदु ची़प्‍प बेत्।


Lean sinn:

Sanasan


Sanasan