२ कोरीन्थी 6:4 - ल्होमी4 घन्डरङ् झ्युङ्न अक्, ङीत् को़न्ज्योक्की ॱयोक्पु ॱङो़न्ने हीम्बल थो़ङ्गो़त्। गुर् थेक्पल, छ्यी मी दुक्प अयेक्प तङल, दुक्स्यी नोङल, घाबे कप्ल, Faic an caibideil |
खीत्रङ् ङदङ् मत् ढेब देत्न ॱनी, खीत्रङ्ल ॱसीम् दीव युङ्गेन् बेत्। हुगो युङ्ज्येल ङे केच्च्य घयेत् हीगो ॱस्येत्न स्यक्पेन्। जम्बुलीङ् हीदु खीत्रङ्ल दुक्प अयेक्प नोङ्गेन् बेत्। ॱनी हीन्न अक्, हुल खीत्रङ् ॱलोप्स्यीक् छ्यीजो़त् झ्यीन दो़च्च्यीत्। घन्ड हीन् सीन्न जम्बुलीङ् हीले ङ ज्यला थो़न् छर बेत् झ्यीब बेत्।
ॱवे इस्राएल्की मी घयेस्सो, ङे तम् हील नेर्रो झ्यी। नासरत्की येशु खीत्रङ्गी ढीक्ल को़न्ज्योक्की को़न तङ्न युङ खुङ्देन् हीन् धङ् मेल्ल खोङ्गी लक् ज्यी़त्नी को़न्ज्योक्की ॱस्यीक् छ्यीम्मी़ ले, यम् छेम्मे ले धङ् यीक् छ्यीम्मी़ लेगी ता घयेत् जेप्प बेत्। हीगो खीत्रङ् घयेक्की घुङ्दु झ्युङ्नी, खीत्रङ्ल हीगो ॱस्यो़च्च्ये यो़क्केन् बेत्।
ङ हुदु खीत्रङ्दङ् दल दो़प्पे यङ्ल ङल गो़बे खोज्येत् घयेक्की ढीक्ल ङे खीत्रङ् ॱसुल आक् गेन् ॱमत् के। ङल मीत् स्यङ घङ् यो़प्प घयेत् मासीडोनीयागी लुङ्बनी युङे पी़न्ज्या घयेक्की बीन्ज्युङ्। ॱनी हुन्दुक् झ्यीन खीत्रङ्ल ङे घन्डे ढीक्ल अक् गेन् ॱमीत् को़ ॱनो़न तोक्स्यीप् झ्यीन देप्पेन्। ॱनी हरुङ् तीङ्ला आक् हुन्दुक् दीरङ् झ्यीच्च्ये ॱनो़ब यो़त्।
केत्मीक्की ङु छागी ले घयेत्, ॱयोज्यी़ ठम्ज्यी़गी ले धङ् को़न्ज्योक्की ॱसुङ्रप् ॱहेन्ज्योक्प ॱस्यो़क्केङ्गी ले घयेत् ङीक्की फङ्न स्यक्पेन्। बोर को़न्ज्योक्की ढुङ्दु सङ् ङेन् नम् च्यो़त् ॱस्यीगेन्, मी रीदङ् रीगी ङीक्की केच्च्य दी दीम्ब हीम्ब ॱह घो छुज्येल ङीक्की मी घयेत्ल केच्च्येल्ल तो़न्न ॱस्यो़क्को़त्।
को़न्ज्योक्की थुल डीक्पे ॱसीम्दुक् झ्युङ हुगी खीत्रङ्ल घन्दुक् झ्यीबे डेबु छ्याब बेक्क हुल तो़। घन्दुक्मे धेप्प छ्यीयल झ्युङ बेक्क। हुगी ङीब हुल खीत्रङ्गी मेङ्गी मेन् सीक्केल्ल झ्युङ बेत्। हुगी ङीबे ढीक्ल खीत्रङ् ॱयोङ्म घयेत् घन्दुक्मे खोङ्डोक् झ्युङ बेक्क। घन्दुक्मे ज्यीब झ्यीक्को़प्प। ङल घन्दुक्मे ढेम्ब झ्यीगो़प्प। ङ ङो़ल हुन्दुक्मे छ्योरीगी ज्यीक्प झ्युङ्न, हुल म दीरङ् छ्येप्प को़ज्ये ॱनो़ब झ्यीक्केन् बेत्। हुन्दुक् झ्यीन हुगी ढीक्ल खीत्रङ् घन्डल अक् धक्पर् झ्यीन नक्चक् मीप्पल थो़न्दुक्।
ॱनी पी़न्ज्यासो, खीत्रङ्ल हरुङ् ॱलोप्स ज्यक्केन् हीनो। खीत्रङ् नङ्दु ॱअर्स्यीय गीर्च्यम् ॱस्यो़क्केन् घयेत्ल लप्स्य तोङ्ज्यीत्। ॱङीङ् च्युङेत्मु च्येम्म घयेत्ल ॱलोप्स्यीक् टो़च्च्यीत्। ॱलोप्स्यीक् मीप्पे मी योक् योक्म घयेत्ल रोरम् झ्यीज्यीत्। मी कुरीक्तङ् ङङ्रीन् झ्यीज्यीत्।
ङे ॱस्येप्पे केच्च्य घयेत् हीगो रङ्गी उन यो़प्पे पी़न्ज्या घयेत्ल ॱस्येत्न बीन्न ॱनी, रङ् ख्रीष्ट् येशुगी स्यप्च्यी़ब गङ्ज्येन् हीम्ब युङ्गेन् बेत्। हुनी रङ्गी छ्य स्यक्पे लेमी़ केच्च्ये लम् दीनी धङ् रङ्गी चीन युङे दीम्बे ॱलोप्स दीनी रङ्गी ॱसीम्ल आक् खङ्गी डुप्केन् बेत्।
हुगो झ्यीनी हज्यरङ्गी चोव ज्यीन्दक्की ढीक्की केच्च्य ॱस्येत्न टो़प्पल ङु छय मत् झ्यीज्यीत्। खोङ्गी ढीक्ल चो़ल्ल ॱस्योर्न यो़क्केन् ङे ढीक्ल अक् ङु छय मत् झ्यीज्यीत्। बोर केच्च्य ॱनेम्बी़ ढीक्ल नोङे दुक्प रङ्गी इक् गुर्च्यीत्। हुल पीबे ॱस्यीक् को़न्ज्योक्की ॱनङ्गेन् बेत्।
खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्।