२ कोरीन्थी 5:1 - ल्होमी1 ॱस जम्बुलीङ्न यो़प्पे घुर् डस्सी झ्यीबे ङीक्की सी़ हीगो ॱरम्न न ॱनी, इगी तेङ् यी़दु कोलीमी लक्पे मत् सो़ब, फु तक्केङ्गी खीम् को़न्ज्योक्की ङीत्ल ॱनङ्गेन् हीम्ब ङीत्ल ॱस्यो़च्च्ये यो़त्। Faic an caibideil |
२ कोरीन्थी 5:1
25 Iomraidhean Croise
हीगी घुर् हील यो़प्पे यङ्ल खेदे चीर डस्सी हज्यरङ् ॱहुवी ॱहुवी ॱस्योर्केन् बेत्। ॱनी हीगो घो़ पीक्प डस्सी हज्यरङ्गी हीगी सी़ हीगो ॱलो़ तङ् तोङ् गो़ न? ॱनो़बे लेमु मेम्ब, हीगी ॱस्यी डोगेङ्गी सी़ हीगो ॱमीत् ॱस्यीगेङ्गी छी तक्पल ज्युर्च्ये यो़प्पल तेङ् यी़गी सी़ हुगो लीङ्गीन् थेप्पे, हीगी सी़ हील यो़स्स्यीङ् भोर्ल ॱहुवी ॱहुवी ॱस्योर्कुक्।
हुगो झ्यीनी ङल हीगो डस्सीगी दुक्प छीगङ् नोङ्गुक्। ॱनी हीन्न अक्, हीगी ढीक्ल ङ ङु छय मीत् झ्यीत्। घन्ड हीन् सीन्न ङे ॱसुल छ्य स्यक्तुक्क हुगो ङे ङु ॱस्यीगो़त्। ङे गेल्ल खोङ्गी घङ् स्यक्न यो़प्प दी खोङ् रोरङ् झ्यो़म्बे ङीन् थुक्ल खोङ्गी छ्योप्न स्योक् छुगेन् हीम्बल ङ ॱलो खीन यो़त्।
दङ् हरीङ्गी हीगी गागी ढङ्गी लेमी़ छ्यो़प्पो़न् चो छ्यीस्स्यो दील ख्रीष्ट् खो़त्न यो़क्केन् बेत्। ॱनी खोङ् कोलीमी लक्पे सो़बे घुर्की छ्यो़गङ्ल मेम्ब, हीले चा छ्यीया धङ् छङा यो़क्केङ्गी छ्यो़गङ्ल स्युन यो़क्केन् बेत्। ॱनी हीगी छ्यो़गङ् हीगो छ्यादु ची़प्पे जम्बुलीङ्गी नङ्ल मीत् युङ्गेन् बेत्।
हुन्दुक् झ्यीन म दीरङ् कुरीक् खरप्ल टप् डोगेन् झ्यीनी, हुनी खीत्रङ् घन्दुक् झ्यीब युङ् गोगेन् बेक्क? को़न्ज्योक्की हुगी ङीन् युङ हुल ॱसम्न ज्योक्सी युङ्दु ची़क्केन् खीत्रङ्सो धेस्सीम् छ्यीम्मु धङ् छ्यलु चङ्म युङ झ्यीत् गोगेन् बेत्। ॱनी हीगी ङीङ्गी यङ्ल इगी ॱनम्न घङ् यो़प्प घयेत् मी छीक्न खरप्ल डोगेन् बेत्। ॱसल यो़प्पे ढङ् घयेत् ढो़क्की स्यु डोगेन् बेत्।
हीनी क हज्यरङ् दीम्ब ङो़गी मी हीम्ब ॱह घोगेन् बेत्। हुनी हज्यरङ्गी ॱसीम्ल ॱसीम् मत् दीय, ङीबे ॱनोङ् घन्ड युङ्गो़दङ् हुगो को़न्ज्योक्की ढुङ्दु दीन्दीक्मल सो छुगेन् बेत्। हज्यरङ्गी ॱसीम्बे ॱनोक्सम्ले को़न्ज्योक् गज्येङ्गी छ्यीया यो़क्केन् झ्यीनी, खोङ्ल कुरीक् हुन्दुक् झ्यीब घयेत् थुज्यी युङ्गेन् बेत्।
झ्यम्बे दगुसो, हज्यरङ् को़न्ज्योक्की भीज दीरङ् बेत्। ॱनी तीङ्ला हज्यरङ् घन्दुक् झ्यीबल ज्युको़र्दङ् हुगो हुन्दो कुरीक् क ॱस्यो़च्च्ये मीप्प बेत्। ॱनी हुन्दो ॱस्यो़च्च्ये यो़प्प दी ख्रीष्ट् इगीनी मल्ल झ्यो़म्बे यङ्ल खोङ् घन्दुक् झ्यीब यो़दङ् हुगो हज्यरङ्गी ॱङो़सल् थोङ्नी, हुगो डस्सीरङ् हज्यरङ् अङ् झ्युङ् डोगेन् बेत्।
Sanasan