ॱनी यङ् तेङ् यी़गी ज्यागक्की लेमु हीगोदङ् छ्येत्मीत् च्यीक् युङ्गेन् बेत्। स्यीङ्गल तीर् च्यीक् बेन स्यक्न यो़क्केन् बेत्। ॱनी हुगी तीर् दी मी च्यीक्की थोङ्नी, गेस लङ्न यङ् बेक्ले झ्यीन स्योक्केन् बेत्। ॱनी हुगो रोरङ्ल थोप्च्येल रोरङ्गी घङ् यो़प्प घयेत् दी चोङ्नी हुगी स्यीङ्ग दी नोगेन् बेत्।
२ कोरीन्थी 4:7 - ल्होमी7 ङीत् च्यानी थो़न्दोक्पे यम् छेम्मे ॱस्यीक् छ्यीम्मु हुगो ङीत् च्यानी मेम्ब, हुगो को़न्ज्योक् च्यानी थो़म्ब हीम्ब कुरीक्की ॱह घोज्ये यो़प्पल ङीत्ल ॱसल्न युङे तीर् हुगो जमे ॱनो़च्च्ये नङ्ल ॱलुक्न यो़क्केन् बेत्। Faic an caibideil |
२ कोरीन्थी 4:7
31 Iomraidhean Croise
खीत्रङ् ङदङ् मत् ढेब देत्न ॱनी, खीत्रङ्ल ॱसीम् दीव युङ्गेन् बेत्। हुगो युङ्ज्येल ङे केच्च्य घयेत् हीगो ॱस्येत्न स्यक्पेन्। जम्बुलीङ् हीदु खीत्रङ्ल दुक्प अयेक्प नोङ्गेन् बेत्। ॱनी हीन्न अक्, हुल खीत्रङ् ॱलोप्स्यीक् छ्यीजो़त् झ्यीन दो़च्च्यीत्। घन्ड हीन् सीन्न जम्बुलीङ् हीले ङ ज्यला थो़न् छर बेत् झ्यीब बेत्।
खोङ् ज्यीक्च्ये मीप्प यो़प्पे कप्ल खोङ् कुरुस्ल ताब बेत्। ॱनी हीन्न अक्, को़न्ज्योक्की ॱस्यीक्की यङ् खोङ् ॱसोम्बुल ॱलोङ्न यो़क्केन् बेत्। हुगो डस्सी खोङ्दङ् मत् ढेब यो़क्केन् झ्यीनी, ङीत् इत् ज्यीक्च्ये मीप्प यो़त्। ॱनी हीन्न अक्, खीत्रङ्गी घुङ्दु स्यप्च्यी़गी ले झ्यीप्पल ङीत् इत् को़न्ज्योक्की ॱस्यीक्की ख्रीष्ट्तङ् कङ्ज्यीक्ल ॱसोम्बुल सो़न यो़क्केन् बेत्।
एल्ला ॱमत् तो़म्बे ॱङीङ्बु चा छ्यीम्मी़ केच्च्य हीगो ज्यी़त् ज्यी़त् घयेत्ल तो़न्ज्ये ॱनो़ब को़न्ज्योक्की थुल झ्युङ बेत्। हीगी केच्च्ये ॱङीङ्बु दी ख्रीष्ट् खीत्रङ्गी नङ्ल स्युन यो़क्केन् दी बेत्। हुगो झ्यीनी खीत्रङ्ल आक् इगीगी तो़त्वङ् च्येम्मे ओ़च्च्य झ्यीस्सल ॱलीक्केङ्गी रीगो यो़क्केन् बेत्।
Sanasan