छङ्म थम्ज्येत् कुरीक् ङे यप्की ङे लक्ल टेत्न यो़क्केन् बेत्। ॱनी ॱरेबु दीम्बरङ् ङु ॱस्यीगेन् दी यप् मेन्द, ॱयोङ् ॱसु उक् मीप्प बेत्। ॱनी यङ् यप् दीम्बरङ् ङु ॱस्यीगेन् दी इक् ॱरेबु धङ् ॱरेबी़ ॱसुल ङोस्स्यीन् टो़च्च्ये ॱनो़न टेत् यो़दङ् हुगी मेन्द, ॱयोङ् ॱसी़ इक् ङु ॱमीत् ॱस्यीगेन् बेत् सीन्न ॱसुङ बेत्।
२ कोरीन्थी 4:6 - ल्होमी6 मेन्नक्ल मेङ्ग युङ स्योक्च्यीत् सीन्न को़न्ज्योक्की ॱसुङ बेत्। (छ्यारप् १:३) ॱनी हुन्दुक् ॱसुङ्गेन् खोङ्गी तो़प्पे ओ़त् दी ख्रीष्ट्की स्यारेनी थो़न्न युङ बेत्। ॱनी हुगो ङीक्की ॱसीम्ल आक् ॱसल्च्ये यो़प्पल सीन्न ङीक्की ॱसीम्ल खोङ्गी मेङ्ग पेक्च्युङ्। Faic an caibideil |
२ कोरीन्थी 4:6
35 Iomraidhean Croise
ॱनी हुगी ॱसुङ्स्येत् दी क कोलीमील कीन युङ्न हज्यरङ् मी घयेक्की घुङ्दु स्युब बेत्। खोङ् म दीरङ् यप् को़न्ज्योक्की ॱरेबु च्यीगी च्यीक् हीम्ब खोङ्ल यप्की तो़त्वङ् छ्यीम्मु ॱनङ्न यो़प्प ङीक्की थोङ्ज्युङ्। खोङ्ल यप् च्यानी झ्युङे थुज्यी धङ् दीम्ब छङ्न यो़प्प ङीक्की ॱस्यीज्युङ्।
हुब घयेक्की ॱसीम्बे ॱमीक् दी भीदु ची़त्न मेन्नक्नी मेङ्गल, शैतान्गी लक्नी को़न्ज्योक् ङो़ल युङ्ज्येल धङ् ङल छ्य स्यक्पे लम्नी दीक्प घयेत् धक्न को़न्ज्योक्की धक्पर् हीम्बल सो़बे मी घयेक्की घुङ्दु हुब घयेत् युङ् छुज्ये यो़प्पल ङे रङ् हुब घयेत् च्याल तोङ्गेन् सीन्न ॱङाज्युङ्।
को़न्ज्योक्की खीत्रङ् घन्दुक् झ्यीबे रीगोल भो़ब बेक्क, खोङ्गी मी चङ्म घयेत्ल घन्दुक् झ्यीबे तो़प्प च्येम्मे थर्वे फक् स्यक्न यो़प्प बेक्क, हज्यरङ् छ्य स्योक्केन् घयेक्की घुङ्दु ले जेक्केन् खोङ्गी ॱस्यीक् दी घन्दुक्मे छ्यीय यो़प्प बेक्क हुगो खीत्रङ्गी ॱसीम्गी ॱमीक् दी भीन थोङ्ज्ये यो़प्प तोङ् सीन्न ॱसुव तप् तब झ्यीक्को़त्।
खोङ्ल को़न्ज्योक्ल यो़प्पे तो़त्वङ्गी ओ़च्च्य दी थोङ्गेन् बेत्। खोङ् को़न्ज्योक् ठोक् यो़क्केन् बेत्। खोङ्गी ॱस्यीक् छ्यीम्मी़ ॱसुङ्स्येक्की ॱस धङ् ॱनम् हीगो जेङ् सुङ्न यो़क्केन् बेत्। दीक्प धक्तु ची़क्केङ्गी ले खोङ्गी जेत् छर्नी, खोङ् हुन्दो इगी थोरी चीदु स्युगेन्, ॱवङ् की़न् च्येम्मे ज्याबी़ ॱये छ्योन स्युन यो़क्केन् बेत्।
तेङ् यी़नी मक्की छ्यो़मल चक्की तेन, ॱसीम्ल नम् लोङ्न, धम्बे थु थोप्न, को़न्ज्योक्की ॱसुङ्रप् गस्सी हीम्ब छोर्न तीङ्मागी धी़गी यङ्ल युङ्गेन् ॱस्यीक् छ्यीम्मी़ ले घयेत् ज्यी़ यो़क्केन्, हुन्दुक् झ्यीबे मी घयेत् हुबे रोरङ्सो़ धेप्प दी ॱलो़ तङ्न यो़त्न ॱनी, फीच्च्य हुब ॱसीम् ज्युर्न ॱङर् डस्सील ॱलोक् ॱमीत् छुगेन् बेत्। घन्ड हीन् सीन्न हुन्दुक् झ्यीबे ले हुगो को़न्ज्योक्की ॱरेबु रोरङ्सो़ फीच्च्य यङ् कुरुस्ल तान ॱम पोप्केन् हीम्बल डोगेन् बेत्।
ॱनी हुबे ॱस्येप्पे कलुङ् दी रोरङ्सो़ फेन्दोगी ढीक्ल मेम्ब, हुगो दङ् हरीङ् हज्यरङ्गी ढीक्ल धङ्बुदु को़न्ज्योक्की हुबल तो़न्न ॱस्यो़त्तु ची़प्प बेत्। ॱनी हुगो दङ् हरीङ्गी केच्च्य ॱनेम्बु हील डोगेन् बेत्। ॱनी दङ् हरीङ् हीगो ॱस्येत्न टोम्गेन् घयेत्ल तेङ् यी़नी तङे धम्बे थुगी दगु जेत्नी, हुबे खीत्रङ्ल हीगो जेङ् ॱस्येत्न यो़क्केन् बेत्। ॱनी हीगी केच्च्ये धो़न् हील तेङ् यी़गी भङ्ज्येम्ब घयेक्की इक् दो़न्दो़त् तगीन् थेप्प झ्युङ बेत्।
खीत्रङ् हुब डस्सी मेम्ब, को़न्ज्योक्की दम्बे मीस्सीर्, ख्रीष्ट् ज्याबी़ छ्यो़प्पो़न्, को़न्ज्योक्की खोङ् रोरङ्गी ढीक्ल पी़प्पे ज्यी़त् धङ् खोङ् रोरङ्गी दुङ्ज्यी़त् बेत्। खीत्रङ् खो़च्च्ये दी खीत्रङ् मेन्नक्नी यम् छेम्मे मेङ्गल भो़क्केन् को़न्ज्योक्की जेप्पे ले छ्यीम्मु घयेत् मी कुरीक्ल ॱस्यो़च्च्येगी ढीक्ल बेत्।
हुगो झ्युङ थोङ्नी धङ्बु कलुङ् ॱस्यो़क्केन् घयेक्की ॱङो़स्स्यीगी केच्च्य घयेत् हुगो दीम्बरङ् बेत् ॱनो़ब ङीक्की ॱह घोज्युङ्। हुगी ॱङो़स्स्यीगी केच्च्य घयेत् हुगो मेन्नक्ल पेक्केन् बत्तीदङ् छ्येत्मीत् झ्यीनी, थोरङ् कच्च्येन् ॱस्यर्न युङदङ् छ्येत्मीत् ख्रीष्ट् फीच्च्य झ्यो़न्न, नम् खीत्रङ्गी ॱसीम्ल नम् लोङ् लोङ् थुक्ल खीत्रङ् हुल धोनङ् झ्यीज्यीत्। हुन्दुक् झ्यीन खीत्रङ्गी धोनङ् झ्यीन ॱनी, हुगो फेन्सी युङ्गेन् बेत्।
Sanasan