२ कोरीन्थी 4:4 - ल्होमी4 हुन्दुक् झ्यीब छ्य मीत् स्योक्केन् घयेक्की ॱसीम्बे ॱमीक् दी हीगी जम्बुलीङ्गी ॱल्ह सीक्केन् दी़त् हुगी कक्न स्यक्न यो़क्केन् बेत्। हुगो झ्यीनी को़न्ज्योक्तङ् डगेन् ख्रीष्ट्की तो़त्वङ्गी केच्च्य ॱनेम्बी़ मेङ्ग पेक्प दी हुबे ॱमीत् थोङ्गेन् बेत्। Faic an caibideil |
२ कोरीन्थी 4:4
42 Iomraidhean Croise
ॱनी हुगी ॱसुङ्स्येत् दी क कोलीमील कीन युङ्न हज्यरङ् मी घयेक्की घुङ्दु स्युब बेत्। खोङ् म दीरङ् यप् को़न्ज्योक्की ॱरेबु च्यीगी च्यीक् हीम्ब खोङ्ल यप्की तो़त्वङ् छ्यीम्मु ॱनङ्न यो़प्प ङीक्की थोङ्ज्युङ्। खोङ्ल यप् च्यानी झ्युङे थुज्यी धङ् दीम्ब छङ्न यो़प्प ङीक्की ॱस्यीज्युङ्।
हुब घयेक्की ॱसीम्बे ॱमीक् दी भीदु ची़त्न मेन्नक्नी मेङ्गल, शैतान्गी लक्नी को़न्ज्योक् ङो़ल युङ्ज्येल धङ् ङल छ्य स्यक्पे लम्नी दीक्प घयेत् धक्न को़न्ज्योक्की धक्पर् हीम्बल सो़बे मी घयेक्की घुङ्दु हुब घयेत् युङ् छुज्ये यो़प्पल ङे रङ् हुब घयेत् च्याल तोङ्गेन् सीन्न ॱङाज्युङ्।
ॱनी हुगी ॱङो़स्स्यील च्यप्को़ल्ल को़न तङे ख्रीष्ट्ल दुक्स्यी नोङ्न ढोङ् गो़ ॱस्यर्केन् बेत्। हुनी यङ् खोङ् ॱसोम्बुल लोङ्गेन् बेत्। ॱनी ॱस्यीनरनी ॱएन्स्युक्ल ॱसोम्बुल लोङ्गेन् दी खोङ् झ्यीनी ॱनी, यहुदी घयेत् धङ् ज्यी़त् ॱयोङ् ॱयोङ्गी मी घयेत्ल अक् मेङ्ग पेक्केन् दी खोङ् युङ्गेन् बेत्।
एल्ला ॱमत् तो़म्बे ॱङीङ्बु चा छ्यीम्मी़ केच्च्य हीगो ज्यी़त् ज्यी़त् घयेत्ल तो़न्ज्ये ॱनो़ब को़न्ज्योक्की थुल झ्युङ बेत्। हीगी केच्च्ये ॱङीङ्बु दी ख्रीष्ट् खीत्रङ्गी नङ्ल स्युन यो़क्केन् दी बेत्। हुगो झ्यीनी खीत्रङ्ल आक् इगीगी तो़त्वङ् च्येम्मे ओ़च्च्य झ्यीस्सल ॱलीक्केङ्गी रीगो यो़क्केन् बेत्।
खोङ्ल को़न्ज्योक्ल यो़प्पे तो़त्वङ्गी ओ़च्च्य दी थोङ्गेन् बेत्। खोङ् को़न्ज्योक् ठोक् यो़क्केन् बेत्। खोङ्गी ॱस्यीक् छ्यीम्मी़ ॱसुङ्स्येक्की ॱस धङ् ॱनम् हीगो जेङ् सुङ्न यो़क्केन् बेत्। दीक्प धक्तु ची़क्केङ्गी ले खोङ्गी जेत् छर्नी, खोङ् हुन्दो इगी थोरी चीदु स्युगेन्, ॱवङ् की़न् च्येम्मे ज्याबी़ ॱये छ्योन स्युन यो़क्केन् बेत्।
तेङ् यी़नी मक्की छ्यो़मल चक्की तेन, ॱसीम्ल नम् लोङ्न, धम्बे थु थोप्न, को़न्ज्योक्की ॱसुङ्रप् गस्सी हीम्ब छोर्न तीङ्मागी धी़गी यङ्ल युङ्गेन् ॱस्यीक् छ्यीम्मी़ ले घयेत् ज्यी़ यो़क्केन्, हुन्दुक् झ्यीबे मी घयेत् हुबे रोरङ्सो़ धेप्प दी ॱलो़ तङ्न यो़त्न ॱनी, फीच्च्य हुब ॱसीम् ज्युर्न ॱङर् डस्सील ॱलोक् ॱमीत् छुगेन् बेत्। घन्ड हीन् सीन्न हुन्दुक् झ्यीबे ले हुगो को़न्ज्योक्की ॱरेबु रोरङ्सो़ फीच्च्य यङ् कुरुस्ल तान ॱम पोप्केन् हीम्बल डोगेन् बेत्।
हुगो झ्युङ थोङ्नी धङ्बु कलुङ् ॱस्यो़क्केन् घयेक्की ॱङो़स्स्यीगी केच्च्य घयेत् हुगो दीम्बरङ् बेत् ॱनो़ब ङीक्की ॱह घोज्युङ्। हुगी ॱङो़स्स्यीगी केच्च्य घयेत् हुगो मेन्नक्ल पेक्केन् बत्तीदङ् छ्येत्मीत् झ्यीनी, थोरङ् कच्च्येन् ॱस्यर्न युङदङ् छ्येत्मीत् ख्रीष्ट् फीच्च्य झ्यो़न्न, नम् खीत्रङ्गी ॱसीम्ल नम् लोङ् लोङ् थुक्ल खीत्रङ् हुल धोनङ् झ्यीज्यीत्। हुन्दुक् झ्यीन खीत्रङ्गी धोनङ् झ्यीन ॱनी, हुगो फेन्सी युङ्गेन् बेत्।
Sanasan