3 ङीक्की ॱस्यो़क्केङ्गी केच्च्य ॱनेम्बु हील योले कक्न यो़प्प डस्सी थोङ्गो़त्न ॱनी, हुगो खरप्ल डोगेन् घयेत् दीबेरङ् थोङ्गेन् बेत्।
हीगो सीन्नी येशुगी को़न्ज्योक्ल हीन्दुक् ॱसुङ बेत्। तेङ् यी़ धङ् ॱस जम्बुलीङ्गी चोव ज्यीन्दक्, पब, नीज्यरङ्गी हीगो मी खेबा धङ् ॱस्यीब च्येम्म घयेत्ल ॱमत् तो़म्ब, भीज डस्सी झ्यीबे मी घयेत्ल तो़न्न युङ बेत्। हीगी ढीक्ल नीज्यरङ्ल थु छ्यी, थु छ्यी।
हुन्दुक् झ्यीबे मी ॱसीम्ल बेन स्यक्पे केच्च्य घयेक्की ढीक्ल को़न्ज्योक्की येशु ख्रीष्ट्की लम्नी ठीम् च्यो़प्पे ङीङ्गी यङ्ल हस्सो़त् हुबे ॱसीम्ल ढीन यो़प्प दी ॱह घोगेन् बेत्। ॱनी हीगी लेमु हीगो ङे ॱस्येप्पे केच्च्य ॱनेम्बुल डीक्केन् बेत्।
कुरुस्की ढीक्की केच्च्य हीगो खरप्ल डोगेन् घयेक्की धो़म्मीक्की केच्च्य हीम्ब ॱसम्गेन् बेत्। हज्यरङ् थर्वे लम्ल डोगेन् घयेत्ल हीगो को़न्ज्योक्की ॱनङे ॱस्यीक्ल डोगेन् बेत्।
ॱनी हीन्न अक्, फी़न्सुम् छङल झ्युङे मी घयेत्लरङ् क झ्यी़रीक्की केच्च्य हीगो ॱस्यो़क्को़त्। हीगी झ्यी़रीक्की केच्च्य हीगो धी़ धीङ्सङ्गी झ्यी़ मेम्बेत्। ख भोक् डोगेन् दङ् हरीङ्गी ॱवङ् च्येम्म घयेक्की झ्यी़ इक् मेम्बेत्।
ख्रीष्ट्की ढीक्की केच्च्य ॱनेम्बु ॱस्यो़त्तु ङ त्रोआस् सार्ल फीम्बेन्। ॱनी हुदु ॱस्यो़त् छुज्ये यो़प्पल ङल चोव ज्यीन्दक्की गोच्च पीक्न स्यक्तुक्।
इस्राएली घयेक्की ॱसीम् दी गट्टक्प झ्यीनी, कगो़त् धम्स्यक् ॱङीङ्बे ॱसुङ्रप् डोन अक्, हुबे ॱह मीत् घोज्ये दी हुबे ॱसीम्ल मोशागी झ्येत्ङेल कक्पे घो़ हुगो डस्सीगी हजो़त् थुक् कक्न यो़क्केन् बेत्। घन्ड हीन् सीन्न हुब ख्रीष्ट्की लम्ल युङ्न मेन्द, हुगो मीत् भीगेन् बेत्।
हुन्दुक् झ्यीब छ्य मीत् स्योक्केन् घयेक्की ॱसीम्बे ॱमीक् दी हीगी जम्बुलीङ्गी ॱल्ह सीक्केन् दी़त् हुगी कक्न स्यक्न यो़क्केन् बेत्। हुगो झ्यीनी को़न्ज्योक्तङ् डगेन् ख्रीष्ट्की तो़त्वङ्गी केच्च्य ॱनेम्बी़ मेङ्ग पेक्प दी हुबे ॱमीत् थोङ्गेन् बेत्।
एल्ला ङीक्की खीत्रङ्ल ॱस्येत्न टेप्पे केच्च्य ॱनेम्बु हुगो ङीक्की नुक्रङ्गी केच्च्य मेम्ब, ङीत्ल धम्बे थुगी ॱस्यीक् ॱङीत्न, दीम्बरङ्गी केच्च्य हीन्। हुगी यङ्ल खीत्रङ्ल फेम्ब युङल ङीक्की झ्यीबे छ्यलु दी खीत्रङ्ल ॱस्यो़च्च्ये यो़क्केन् बेत्।
ॱनी हीगो गय च्येम्मे को़न्ज्योक्की ङल ॱलो टेत्न ॱनङे तो़त् ओ़बे केच्च्य ॱनेम्बुल आक् डीक्केन् बेत्।