२ कोरीन्‍थी 3:8 - ल्होमी

⁸ धम्‍बे थुगी लुल यो़क्‍केङ्‌गी स्‍यप्‍च्‍यी़गी लेल ॱसुम्‍ब हुले ज्‍यीक्‍पागी तो़प्‍प युङ्‌गेन् मेम्‍बेक्‍क ॱनी?

२ कोरीन्‍थी 3:8 Iomraidhean Croise

युहन्‍ना 1:17

छ्‌यो़डीम् म दी को़न्‍ज्‍योक्‍की मोशागी लम्‍नी ॱनङ बेत्। ॱनी थुज्‍यी धङ् दीम्‍ब दी येशु ख्रीष्‍ट्‌की लम्‍नी युङ बेत्।

युहन्‍ना 7:39

हीगो म दी येशुगी रोरङ्‌ल छ्‌य स्‍योक्‍केन् घयेत्‍ल धम्‍बे थु थोप्‍केङ्‌गी ढीक्‍ल ॱस्‍येप्‍प बेत्। ॱनी हीगी यङ्‌ल येशु खोङ् रोरङ्‌गी तो़त्‍वङ् च्‍येम्‍मे ओ़च्‍च्‍यल मत् लोक्‍पल धम्‍बे थु तङ्‌न मत् युङ बेत्।

१ कोरीन्‍थी 3:16

खीत्‍रङ् को़न्‍ज्‍योक् स्‍युसे छ्‌यो़गङ् धङ् खीत्‍रङ्‌गी नङ्‌ल को़न्‍ज्‍योक्‍की थु स्‍युन यो़प्‍प हीम्‍ब खीत्‍रङ्‌ल ॱस्‍यो़च्‍च्‍ये यो़ट्‌टो।

२ कोरीन्‍थी 11:4

घन्‍ड हीन् सीन्‍न ङीक्‍की खीत्‍रङ्‌ल ॱस्‍येप्‍पे येशुगी केच्‍च्‍यल मेम्‍ब, मी ॱयोङ्‌म युङ्‌न हुबे येशु ॱयोङ्‌मागी ढीक्‍ल ॱस्‍येप्‍पे केच्‍च्‍य धङ् खीत्‍रङ्‌ल एल्‍ला थोबे धम्‍बे थु दी मेम्‍ब, थु ॱयोङ्‌मा थोप्‍केङ्‌गी ढीक्‍ल ॱस्‍येप्‍पे केच्‍च्‍य धङ्, ॱनी खीत्‍रङ्‌गी एल्‍ला घोवे केच्‍च्‍य ॱनेम्‍बु दी मेम्‍ब, केच्‍च्‍य ॱयोङ्‌मा हुबे ॱस्‍येप्‍प घयेत् दी खीत्‍रङ्‌गी फी़न ॱमीत् तोङ, हरुङ् क हुल नेङ्‌गेन् बेत्।

२ कोरीन्‍थी 3:17

चोव ज्‍यीन्‍दक् ॱनी धम्‍बे थु बेत्। ॱनी चोव ज्‍यीन्‍दक्‍की थुगी ले घदु जेक्‍को़दङ् हुदु मी घयेत् रङ्‌मो़ल थो़ङ्‌गेन् बेत्।

२ कोरीन्‍थी 3:6

ङीत् खोङ्‌गी कगो़त् धम्‍स्‍यक् ॱसम्‍बे स्‍यप्‍च्‍यी़ ज्‍युक्‍केल्‍ल ओ़बे मील सो़ज्‍युङ्। हीगी कगो़त् धम्‍स्‍यक् हीगो यीगील ढीब हुगो डस्‍सीगी लुल मेम्‍ब, धम्‍बे थुगी लुल यो़क्‍केन् बेत्। यीगील ढीब हुगी च्‍यानी ॱस्‍यीव युङ्‌गेन् बेत्। ॱनी धम्‍बे थु च्‍यानी छी युङ्‌गेन् बेत्।

२ कोरीन्‍थी 3:7

दो ॱयम्‍बक्‍ल ढीबे यीगी दी ॱनङे यङ्‌ल मोशागी झ्‍येत्‍ङेल झ्‍युङे तो़प्‍पे ओ़त् टक्‍सी दील इस्राएली घयेक्‍की फोरी त ॱमत् छुब बेत्। हुगो ये डोगेङ्‌गी तो़प्‍पे ओ़त् बेत्। ॱनी ॱस्‍यीवे लुल यो़क्‍केङ्‌गी स्‍यप्‍च्‍यी़गी ले हुल अक् त हुन्‍दुक्‍मे तो़प्‍पे ओ़त् युङ्‌न ॱनी,

२ कोरीन्‍थी 3:9

छ्‌येप्‍प फोक्‍केन् हीम्‍बे स्‍यप्‍च्‍यी़गी लुल अक् त हुन्‍दुक्‍मे तो़प्‍पे ओ़त् युङ्‌न ॱनी, ॱनम्‍बर् धक्‍पल तो़म्‍बे स्‍यप्‍च्‍यी़गी लु हुल ॱसुम्‍ब हुले गज्‍येङ्‌गी ज्‍यीक्‍पागी तो़प्‍प युङ्‌गेन् बेत्।

गलाती 3:14

ख्रीष्‍ट् येशुगी हज्‍यरङ् ॱली़बे धो़न् दी को़न्‍ज्‍योक्‍की अब्राहाम्‍ल ॱनङे ॱमेल्‍लम् दी ज्‍यी़त् ॱयोङ् ॱयोङ्‌गी मी घयेत्‍ल अक् थीप्‍च्‍ये यो़प्‍पल धङ् धम्‍बे थु ॱनङे छ्‌यो़त्‍तुम् जेप्‍प दी छ्‌य स्‍यक्‍पे लम्‍नी हज्‍यरङ्‌ल थोप्‍च्‍ये यो़प्‍पल बेत्।

गलाती 5:5

ॱनी ङीत् हुब डस्‍सी मेम्‍ब, छ्‌य स्‍यक्‍पे लम्‍नी को़न्‍ज्‍योक्‍की ॱनम्‍बर् धक्‍पल तो़ङ्‌गेन् बेत् ॱनो़बे रीगो यो़त्। हीगो धक्‍तेन् हीम्‍ब धम्‍बे थुगी तो़न्‍न यो़क्‍केन् झ्‍यीनी, ङीत् हील गुक्‍कीन् दो़क्‍को़त्।

एफीसस् 2:18

खोङ्‌गी कुट्‌टीङ्‌गी हज्‍यरङ् ज्‍यी़त् ॱङीक्‍कर् यप्‍की ढुङ्‌दु धम्‍बे थु च्‍यीक्‍की लम्‍नी डो छुगेल्‍ल झ्‍युङ बेत्।

२ थीस्‍सलोनीका 2:13

चोव ज्‍यीन्‍दक्‍की झ्‍यम्‍बे पी़न्‍ज्‍यासो, खीत्‍रङ्‌गी ढीक्‍ल ङीत् को़न्‍ज्‍योक्‍ल छीगङ् थु छ्‌यी पु पुब झ्‍यीक्‍को़त्। घन्‍ड हीन् सीन्‍न खीत्‍रङ्‌गी दीम्‍बल छ्‌य स्‍यक्‍पे लम्‍नी धम्‍बे थुगी खीत्‍रङ् धक्‍पर्ल सो़न, को़न्‍ज्‍योक्‍की खीत्‍रङ् गोमनीरङ् थर्वे लम्‍ल दम्‍ब बेत्।

१ पत्रुस् 1:2

खीत्‍रङ् घयेत् दम्‍बे धो़न् दी यप् को़न्‍ज्‍योक्‍की थुल यो़प्‍पल धम्‍बे थुगी लम्‍नी धक्‍पर् हीम्‍बल सो़न, येशु ख्रीष्‍ट्‌की कल चीन युङ्‌ज्‍ये यो़प्‍पल धङ् खोङ्‌गी ठक्‍की दीक्‍प धक्‍च्‍ये यो़प्‍पल बेत्। खीत्‍रङ्‌ल खोङ् च्‍यानी थुज्‍यी धङ् ॱसीम् दीव दी ज्‍येबर् युङ्‌ज्‍ये यो़प्‍प स्‍योक्‍च्‍यीत्।