२ कोरीन्थी 3:3 - ल्होमी3 हुदु ङीक्की स्यप्च्यी़गी लेगी झ्युङे ख्रीष्ट्की ढीबे यीगी दी खीत्रङ्सो घयेत् झ्युङ्न यो़क्केन् बेत्। हुगो ॱनक्चागी ढीब मेम्ब, ॱसोम्बु हीम्बे को़न्ज्योक्की थुगी ढीब बेत्। हुगो दो ॱयम्बक्ल ढीब मेम्ब, कोलीमी ॱसीम्ल ढीन स्यक्न यो़क्केन् बेत्। Faic an caibideil |
२ कोरीन्थी 3:3
35 Iomraidhean Croise
को़न्ज्योक् स्युसे छ्यो़गङ्दङ् कु घयेत् घन्दुक् दी झ्यीन डीक् छुगेन्? घन्ड हीन् सीन्न हज्यरङ्गी सी़ हीगो ॱसोम्बु हीम्बे को़न्ज्योक् स्युसे छ्यो़गङ् बेत्। हीगी ढीक्ल को़न्ज्योक्की हीन्दुक् ॱसुङ थो़ङ्गेन् बेत्। ङ हीगी मी हीबे घुङ्दु देत्न हीबदङ् मुल डोगेन्। ङ ॱनी हीबे को़न्ज्योक् धङ् हीब ङे मीस्सीर्ल युङ्गो़त्। (लेवी २६:१२)
इस्राएल्की मी घयेत्तङ् ङ हीन्दुक् झ्यीबे कगो़त् धम्स्यक् च्यीक् स्योक्केन् सीन्न चोव ज्यीन्दक्की ॱसुङ्गुगो। तीङ्ला हुगी धी़ल ङे छ्यो़डीम्गी क घयेत् हुबे ॱसीम्ल स्युक्तु ची़त्न हुबे ॱसीम्बे यीक्ल ढीन स्योक्केन्। हुनी ङ हुबे को़न्ज्योक् धङ् हुब ङे मीस्सीर् हीम्ब युङ्गेन् बेत्।
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
हीगो सार्डीस्की छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो को़न्ज्योक्की थु दी़न् धङ् कर्म दी़न् यो़प्प च्येम्मे सीगुगो झ्यीज्यीत्। खीत्रङ्गी घङ् झ्यीप्पे ले घयेत् कुरीक् ङल ॱस्यो़च्च्ये यो़त्। खीत्रङ् ॱसोम्बु हीन् त कुरीक्की सीक्केन् बेत्। हुगो मेम्ब, खीत्रङ् ॱस्यीनर हीम्ब ङल ॱस्यो़च्च्ये यो़त्।
हीगो फीलाडेल्फीयागी छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो धक्पर् धङ् दीम्बर् यो़क्केन्, ज्याबु दाऊद्गी च्यी थोप्न यो़प्प च्येम्मे सीगुगो झ्यीज्यीत्। हीगी गोच्च पीक्सोङ्न ॱनी, ॱसी़ इक् च्यो़त् ॱमीत् छुगेन् बेत्। ॱनी यङ् हीगी गोच्च च्येस्सोङ्न ॱनी, हुगो ॱसी़ इक् पीक् ॱमीत् छुगेन् बेत्।
Sanasan