२ कोरीन्‍थी 3:2 - ल्होमी

² मी कुरीक्‍ल ॱस्‍यो़च्‍च्‍ये यो़क्‍केन्, कुरीक्‍की डोक् ॱस्‍यीगेङ्‌गी ङीक्‍की ङोस्‍स्‍यीङ्‌गी यीगी दी खीत्‍रङ् बेत्। हीगो ङीक्‍की ॱसीम्‍ल आक् ढीन यो़त्।

२ कोरीन्‍थी 3:2 Iomraidhean Croise

रोमी 1:8

ॱङो़न् धङ्‌बुल ॱअल खीत्‍रङ् घयेक्‍की ढीक्‍ल येशु ख्रीष्‍ट्‌की लम्‍नी को़न्‍ज्‍योक्‍ल थु छ्‌यी पुगेन्। घन्‍ड हीन् सीन्‍न खीत्‍रङ्‌गी छ्‌य स्‍यक्‍न युङे लेमी़ केच्‍च्‍य दी जम्‍बुलीङ्‌ल घल अक् धर्न खुर दी ङे घोज्‍युङ्।

१ कोरीन्‍थी 3:10

को़न्‍ज्‍योक्‍की थुज्‍यी ॱनङल पीब सोबो़न् खेबोक्‍मे ले डस्‍सी ङे हुदु ॱसप्‍तेन् डेन्‍न स्‍यक्‍पेन्। ॱनी हुगी थोक्‍ल सो़न डोगेन् दी हस्‍सो़त् ॱयोङ्‌मा घयेत् युङ्‌गेन् बेत्। ॱनी हुगो ॱसु हीन्‍न अक्, हुल खेजो़त् झ्‍यीन गन्‍दीक्‍म तेन सो़ज्‍यीत्।

२ कोरीन्‍थी 11:11

ङे खीत्‍रङ् च्‍यानी घन्‍ड अक् मीत् लीन् सीक्‍केन् हुगो खीत्‍ल ङे च्‍यीब मीत् झ्‍यीक्‍केन् बेत् ॱनो़गुक्‍क? हीगो मेम्‍बेत्। ङे खीत्‍रङ्‌ल च्‍यीब झ्‍यीप्‍प मीत् झ्‍यीप्‍प को़न्‍ज्‍योक्‍ल ॱस्‍यो़च्‍च्‍ये यो़क्‍केन् बेत्।

२ कोरीन्‍थी 12:15

खीत्‍रङ्‌गी ॱसीम्‍ल फेन् थोब झ्‍युङ्‌न, बोर ङल यो़प्‍पे नोर् दीरङ् हीन्, ङरङ्‌गी ली़बु छङ्‌म दीरङ् हीन्‍न अक्, खीत्‍रङ्‌गी ढीक्‍ल टो़प्‍पल ङल गव यो़त्। ङे खीत्‍रङ्‌ल नुक्‍मे झ्‍यम्‍ब छ्‌यीय झ्‍यीक्‍को़त्‍न अक्, खीत्‍रङ्‌गी झ्‍यम्‍ब दी ङल हरुङ् को़न्‍दु को़न्‍दु डोगेन् बेत्।

२ कोरीन्‍थी 3:1

खीत्‍रङ्‌गी ङे केच्‍च्‍य हुल यङ् तम्‍दो़त् ॱस्‍यो़क्‍कुक् सीगो़ट्‌टो। ङीत् खीत्‍रङ् च्‍याल युङ् गो़ झ्‍युङ्, यङ् खीत्‍रङ् च्‍यानी ॱयोङ्‌ल डो गो़ झ्‍युङ्‌न अक्, ॱयोङ्‌माल गो़गेन् डस्‍सी ङीत्‍ल घन्‍डे ङोस्‍स्‍यीङ्‌गी यीगीगी गो़ज्‍येत् दी यो़प्‍प?

२ कोरीन्‍थी 7:3

हीगो खीत्‍रङ्‌ल ॱनोङ् लङ्‌दु ची़च्‍च्‍येल ङे सीक्‍केन् मेन्। घन्‍ड हीन् सीन्‍न ङीत् खीत्‍रङ्‌दङ् दल ॱस्‍यी गो़रङ् झ्‍युङ्, यङ् दो़त् गो़रङ् झ्‍युङ्‌न अक्, ङीक्‍की ॱसीम्‍ल यो़प्‍पे च्‍यीब झ्‍यम्‍ब दी ज्‍युरुव मीप्‍प यो़त् सीन्‍न एल्‍लादु उक् ॱस्‍येप्‍पेन्।

फीलीप्‍पी 1:7

खीत्‍रङ् ङे ॱङीङ्‌गी नङ्‌गी मी हीम्‍ब झ्‍यीनी, हीन्‍दुक् झ्‍यीबे ॱसीम्‍ब ॱनो़गुक्। ङ हुदु चो़ल्‍ल यो़प्‍पे यङ्‌ल, केच्‍च्‍य ॱनेम्‍बी़ खबाल लोङ्‌न धक्‍पर् झ्‍यीप्‍पे यङ्‌ल धङ् केच्‍च्‍य ॱनेम्‍बु चव चुक्‍पे यङ्‌ल खीत्‍रङ् ङदङ् दल को़न्‍ज्‍योक्‍की थुज्‍यी च्‍यीक्‍की होक्‍ल छ्‌य झ्‍यीन युङ बेत्।

१ थीस्‍सलोनीका 1:8

खीत्‍रङ्‌गी हुनी चोव ज्‍यीन्‍दक्‍की केच्‍च्‍य दी मासीडोनीया धङ् अखैयागी लुङ्‌बल टम्‍न ॱस्‍येप्‍प छ्‌युवक् मेम्‍ब, खीत्‍रङ्‌गी को़न्‍ज्‍योक्‍ल छ्‌य स्‍यक्‍न युङे लेमी़ केच्‍च्‍य दी इक् घल अक् धर्न खुर्तुक्। हीगी ढीक्‍ल खीत्‍रङ्‌ल ङीक्‍की तम् ॱयोङ् घन्‍ड अक् ॱस्‍यो़त् गो़दोक्‍प मीन्‍दुक्।