२ कोरीन्थी 13:9 - ल्होमी9 ङीत् ज्यीक्च्ये मीप्प यो़त्न अक्, खीत्रङ् ज्यीक्पोक्म थो़न्न ॱनी, ङीत्ल गव युङ्गुक्। ॱनी खीत्रङ् ओङ्बु छङ्देन् ॱलीच्च्ये यो़प्पल ङीक्की ॱसुव तप् तब झ्यीक्को़त्। Faic an caibideil |
२ कोरीन्थी 13:9
21 Iomraidhean Croise
ह स्युक् थदु पी़न्ज्यासो गेस झ्यीज्यीत्। ओङ्बु छङ्देन् ॱलीब झ्यीज्यीत्। च्यीक्तङ् च्यीक्ल ॱलोप्स्यीक् टो़त्री चीज्यीत्। ॱसीम् च्यीक् ली़ च्यीक् झ्यीन दो़च्च्यीत्। छ्यम्बोक्म झ्यीन दो़च्च्यीत्। हीनी क झ्यम्ब धङ् स्यीव ॱनङ्गेङ्गी को़न्ज्योक् खीत्रङ्दङ् दल स्युगेन् बेत्।
खोङ् ज्यीक्च्ये मीप्प यो़प्पे कप्ल खोङ् कुरुस्ल ताब बेत्। ॱनी हीन्न अक्, को़न्ज्योक्की ॱस्यीक्की यङ् खोङ् ॱसोम्बुल ॱलोङ्न यो़क्केन् बेत्। हुगो डस्सी खोङ्दङ् मत् ढेब यो़क्केन् झ्यीनी, ङीत् इत् ज्यीक्च्ये मीप्प यो़त्। ॱनी हीन्न अक्, खीत्रङ्गी घुङ्दु स्यप्च्यी़गी ले झ्यीप्पल ङीत् इत् को़न्ज्योक्की ॱस्यीक्की ख्रीष्ट्तङ् कङ्ज्यीक्ल ॱसोम्बुल सो़न यो़क्केन् बेत्।
ॱनी खीत्रङ् च्येन्नी युङे मी ख्रीष्ट् येशुगी ॱयोक्पु इपाफ्रास्की खीत्रङ्ल छ्यक्सुम् थेमु सीगुगो। को़न्ज्योक्की थुल यो़प्पे केच्च्य दी खीत्रङ्गी कुरीक् ॱह घोज्ये यो़प्प धङ् फी़न्सुम् छङल ॱसोङ्न खोङ्गी लम्ल तेम्बर् झ्यीन डो छुज्ये यो़प्पल इपाफ्रास्की खीत्रङ्गी ढीक्ल छीगङ् गन्दीक्म ॱसुव तोप्कुगो।
को़न्ज्योक्की थुल यो़प्पे लेमु घयेत् झ्यीत् छुज्ये यो़प्पल खीत्रङ्ल गो़बे खोज्येत् घयेत् थोप्च्ये यो़प्प तोङ्। खोङ् थु गुवे लेमु घयेत् येशु ख्रीष्ट्की लम्नी हज्यरङ्गी ॱसीम्ल डुप्च्ये यो़प्प तोङ्। ख्रीष्ट्ल धी़ नम ज्यी़न्दु तो़प्प युङ् युङ युङ्ज्ये यो़प्प स्योक्च्यीत्। आमेन्।
हुगो झ्यीनी ख्रीष्ट्की ढीक्की केच्च्य गोम क क आमे ॱलोप्सदङ् छ्येत्मीत् फीच्च्य यङ् ॱसप्तेन् तीङ्गेङ्गी लेमु डस्सी मत् झ्यीदोङ्। ॱस्यीस्सल च्यो़गेङ्गी ले घयेत् ॱलो़ तङ्न ॱसीम् ज्युर् गोगेन्, को़न्ज्योक्ल छ्य स्योक् गोगेन्, ठी़ ज्यक्केन् बप्तीस्की लेमु घयेक्की ढीक्की ॱलोप्स, लक्पे ॱवङ् को़बे ढीक्की ॱलोप्स, ॱस्यीनी यङ् ॱसोम्बुल लोङ्गेङ्गी ॱलोप्स धङ् फुगी ढीक्ल छ्येप्प फोक्केन् हीम्बे ॱलोप्स हुन्दुक् झ्यीब हुगो कुरीक् क क आमे ॱलोप्स डस्सीरङ् बेत्। उजो़त् च्यीक्की ॱमीत् छ्येप्प, धो़न् कुरीक् ॱस्यीन फी़न्सुम् छङ युङ झ्यीत् गोगेन् बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
Sanasan