२ कोरीन्‍थी 12:7 - ल्होमी

⁷ ङल नुक्‍मे ज्‍यीक्‍पे केच्‍च्‍य ॱसल्‍तु ची़त्‍नी, हुनी ङ तम्‍दो़त् लङ्‌ज्‍ये मीप्‍पे ढीक्‍ल ङे सी़ल चङ् चुब डस्‍सीगी दुक्‍स्‍यी तोङ्‌दु शैतान्‍गी लेङेन् च्‍यीक् को़न्‍ज्‍योक्‍की तङ्‌ज्‍युङ्।

२ कोरीन्‍थी 12:7 Iomraidhean Croise

मत्‍ती 26:67

हुनी हुब घयेक्‍की खोङ्‌गी झ्‍येत्‍ङेल छ्‌युप्‍स्‍या कप्‍न खोङ्‌ल मुर्चोक् बेम्‍ब बेत्। ॱनी यरीगी यङ् डम्‍ज्‍यक् बेन्‍न

मत्‍ती 4:10

हीनी येशुगी हुल ॱवे शैतान्, रङ् हीनी ज्‍युक्। ॱसुङ्‌रप्‍ल ढीन यो़क्‍केन् बेत्। चोव ज्‍यीन्‍दक् को़न्‍ज्‍योक्‍लरङ् छ्‌यक् छेन धेप्‍प दी खोङ्‌लरङ् क झ्‍यीत् गोगेन् बेत्। (ठीम्‍लु ६:१३)

लुका 13:16

तेदे अब्राहाम्‍गी ज्‍यी़त् हीगो शैतान्‍गी लक्‍ल ॱस्‍योर्नी, लोङ च्‍यप्‍च्‍येच्‍चो़त् ॱसोङ बेत्। ॱनी हीगी भुमु हीगो ङीत्‍तुवे ङील्‍ल हुगी लक्‍नी या टो़ज्‍ये मीत् युङ्‌गेन् बेत् सीक्‍केन् ॱनी? झ्‍यीब बेत्।

१ कोरीन्‍थी 4:11

हजो़त् थुक्‍ल ङीत् ॱनी तोब धङ् कोम्‍बल दो़त् गो़ झ्‍युङ्। घो़ बदुक्‍की होक्‍ल दो़त् गो़ झ्‍युङ्। दुङ्‌दक् गुर् गो़ झ्‍युङ्। ॱलोङ्‌गेन् डस्‍सील थो़च्‍च्‍युङ्।

१ कोरीन्‍थी 5:5

हुगी मी हुगो शैतान्‍गी लक्‍ल ची ज्‍यक् गोगेन् बेत्। हुगी सी़ दी खरप्‍ल डोवल धङ् ॱनी ॱसीम् दी चोव ज्‍यीन्‍दक्‍की हुगी ङीङ्‌गी यङ्‌ल थर्च्‍ये यो़प्‍पल ची ज्‍यक् गोगेन् बेत् सीक्‍को़त्।

२ कोरीन्‍थी 10:10

घन्‍ड हीन् सीन्‍न ङे ढीक्‍ल उन यरीगी पावल् हुगी यीगी दील चुप्‍पोक्‍म धङ् ज्‍यीक्‍पोक्‍म ढीन तोङ्‌गुक्। ॱनी हुगो रोरङ् हीदु यो़प्‍पे यङ्‌ल ज्‍यीक्‍च्‍ये मीप्‍प धङ् हुगी तम् दी इक् खेज्‍ये मीप्‍प ॱस्‍यो़क्‍कुक् सीगुक्।

२ कोरीन्‍थी 10:5

को़न्‍ज्‍योक्‍की ढीक्‍ल ॱह घोदु ॱमीत् ची़क्‍केन्, भर्च्‍येत् तोङ्‌गेन् ॱनोक्‍सम् अयेक्‍प घयेत् धङ् तम्‍दो़त् लङ्‌गेङ्‌गी लेमु घयेत् ङीक्‍की मीत्‍तल तङ्‌न हुगी ॱनोक्‍सम् घयेत् दी कुरीक् सुङ्‌न ख्रीष्‍ट्‌की ॱवङ्‌गी होक्‍ल दो़क्‍केल्‍ल सो़न स्‍योक्‍को़त्।

२ कोरीन्‍थी 11:20

ॱयोङ्‌नी युङे मी ॱसी़ खीत्‍रङ् ॱयोक्‍ल कुगुक्‍क, ॱसी़ खीत्‍रङ्‌ल स्‍येन्‍दोङ् झ्‍यीगुक्‍क, ॱसी़ खीत्‍रङ्‌ल ॱयोङ्‌गोर् ज्‍यक्‍कुक्‍क, ॱसी़ रोरङ् छ्‌यीया हीन् ॱनो़ब झ्‍यीक्‍कुक्‍क, ॱसी़ खीत्‍रङ्‌ल डम्‍ज्‍यक् बेङ्‌गुक्‍क हुगो खीत्‍रङ्‌गी कुरीक् गुर्केन् बेत्।

२ कोरीन्‍थी 12:1

फेन्‍दो मीत्‍न अक्, ङे ॱस्‍येप्‍पे तम्‍दो़त् हीगो ॱस्‍यो़त् गो़ झ्‍युङ्। ॱनी ह हीनी झ्‍यीनी चोव ज्‍यीन्‍दक्‍की ङल तो़न्‍न, ङे थोङे थोङ्‌नङ् धङ् ङल ॱसल्‍न तो़म्‍बे केच्‍च्‍य घयेत् ॱस्‍यो़क्‍केन्।

गलाती 4:13

ङे हुदु खीत्‍रङ्‌ल गोम केच्‍च्‍य ॱनेम्‍बु ॱस्‍यो़च्‍च्‍ये दी ङ थङ्‌ज्‍ये मीप्‍प झ्‍युङ्‌न लेनी ॱस्‍येप्‍पेन्। हुगो खीत्‍रङ्‌ल ॱस्‍यो़च्‍च्‍ये यो़क्‍केन् बेत्।

१ तीमोथी 3:6

छ्‌य स्‍यक्‍चो़त् च्‍येम्‍मे मी ॱसम्‍बल हीगो मीत् डीक्‍केन् बेत्। स्‍येन् हुगो तम्‍दो़क्‍की ज्‍यीङ्‌ब बोम्‍बुल ॱसोङ्‌न, हुल दी़क्‍की चोल फोक्‍पे छ्‌येप्‍प डस्‍सी फोक्‍केन् बेत्।