२ कोरीन्थी 1:7 - ल्होमी7 हीगो झ्यीनी खीत्रङ्गी हुगो गुर् थेक्केन् बेत् ॱनो़बे रीगो ङीक्की थीरी झ्यीक्को़त्। घन्ड हीन् सीन्न दुक्प नोङ्गेन् हज्यरङ् च्यीक्प हीम्ब झ्यीनी, ॱलोप्स्यीक् दी इक् हज्यरङ्ल च्यीक्परङ् युङ्गेन् हीम्ब ॱस्यो़च्च्ये यो़क्केन् बेत्। Faic an caibideil |
२ कोरीन्थी 1:7
16 Iomraidhean Croise
दीक्पल च्युगेङ्गी छो़त्लीन् खीत्रङ्ल घन्दुक् झ्यीब युङ्गो़दङ् हुगो मी घयेत्ल युङे छो़त्लीन्जो़त् मेन्द, मीत् युङ्गेन् बेत्। को़न्ज्योक् ज्युरुव मीप्प तेम्बर् यो़क्केन् बेत्। खोङ्गी खीत्रङ्ल गुर् ॱमीत् थेक्केङ्गी छो़त्लीन् ॱमीत् तोङ्गेन् बेत्। छो़त्लीन् युङ्न ॱनी, खोङ्गी गुर् थेक्पे ॱलोप्स्यीक् ॱनङ्न यङ् हुनी थर्तु ची़क्केन् बेत्।
ङ हुदु युङ्नी, खीत्रङ्गी ढीक्ल ङे ॱसीम्ल ॱनो़बे रीगो दी डस्सी खीत्रङ् ॱमीत् ठेक्को़ट्टो ॱनो़ब धङ् ङे ढीक्ल खीत्रङ्गी ॱसीम्ल ॱनो़बे रीगो दी डस्सी ङ अक् ॱमीत् ठेक्को़ट्टो ॱनो़न ङल च्युगा लङ्गुक्। घन्ड हीन् सीन्न खीत्रङ्गी छीक्न थक्मु, सीगुक्, खोङ्डोक्, रङ्ज्यी़, च्योम, फालप्, ज्यीम्गेत् धङ् स्यीव डीक्प मीप्पे लेमु यो़प्प ठेत् योङ् ॱनो़ब दुक्।
ॱनी हुन्दो ङल गेस यो़त्। ॱनी हीगो खीत्रङ्ल ॱसीम्दुक् झ्युङ्नी, ङल गेस लङ मेम्बेत्। खीत्रङ्ल ज्यो़प्प लङ्न, हुगी ॱसीम्दुक्की खीत्रङ् ॱएङ्गी लम्नी ॱसीम् ज्युर्न युङे ढीक्ल झ्युङ्। खीत्रङ्गी ॱसीम्दुक् हुगो को़न्ज्योक्की थुल डीक्प यो़क्केन् झ्यीनी, ङीत् च्यानी खीत्रङ्ल च्यो़न् घन्ड अक् मत् युङ बेत्।
खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्।
Sanasan