२ कोरीन्‍थी 1:5 - ल्होमी

⁵ ख्रीष्‍ट्‌ल दुक्‍प अयेक्‍प गज्‍येन् नोङ डस्‍सी हज्‍यरङ्‌ल अक् नोङ्‌गुक्। ॱनी हीगो डस्‍सी ॱलोप्‍स्‍यीक् दी इक् खोङ्‌गी च्‍यानी गज्‍येन् ॱङीक्‍कुक्।

२ कोरीन्‍थी 1:5 Iomraidhean Croise

लुका 2:25

ॱनी हुगी यङ्‌ल यरुशलेम्‍न मी शीमीयोन् सीक्‍केन् च्‍यीक् यो़प्‍प बेत्। हुगो ढङ्‌बु को़न्‍ज्‍योक्‍ल धेप्‍प छ्‌यीम्‍मु झ्‍यीक्‍केङ्‌गी मी बेत्। ॱनी इस्राएल्‍की मीस्‍सीर्ल थर्व दी ह नम् युङ्‌गो़दङ् ॱनो़न हुगो गुक्‍कीन् दो़क्‍को़प्‍प बेत्। हुगी ज्‍यप्‍ल धम्‍बे थु यो़प्‍प बेत्।

ठीक्‍नल 9:4

हुनी शावल् म दीरङ् ॱसल डीनर बेत्। हुनी केत् च्‍यीक्‍ल ॱवे शावल्, शावल् ङल घन्‍डल दुक्‍प अयेक्‍प तोङ्‌गेन् सीर रोरङ्‌गी ॱह घोव बेत्।

रोमी 8:17

हज्‍यरङ् को़न्‍ज्‍योक्‍की भीजल झ्‍युङ्‌नी, हुनी पब च्‍यानी भीजल थोबे नोर्की फक् दी हज्‍यरङ्‌ल ख्रीष्‍ट्‌तङ् कङ्‌ज्‍यीक्‍ल थोप्‍केन् बेत्। ॱनी खोङ्‌दङ् कङ्‌ज्‍यीक्‍ल दुक्‍प गुर्रो झ्‍यीन ॱनी, खोङ्‌दङ् कङ्‌ज्‍यीक्‍ल तो़त्‍वङ्‌गी फक् दी इक् हज्‍यरङ्‌ल थोप्‍केन् बेत्।

फीलीप्‍पी 1:20

ङ ॱस्‍यीन आक्, ॱसो़न आक्, ॱङच्‍च्‍यी़न् तबु ङल हुन्‍दो ओक् ज्‍यीक्‍टक् मीत्। ङल तीङ्‌ला आक् ङु छ गोगेङ्‌गी ले घन्‍ड अक् मीत् युङ, ङे मीजीनी ख्रीष्‍ट्‌ल तो़प्‍प युङे देङ्‌जो़त् यो़त्।

फीलीप्‍पी 2:1

ख्रीष्‍ट्‌तङ् या मत् ढेब यो़क्‍केन् झ्‍यीनी, खीत्‍रङ्‌ल ॱलोप्‍स्‍यीक् धङ् खोङ्‌गी झ्‍यम्‍बे लम्‍नी ॱसीम्‍ल ॱस्‍यीक् ॱङीक्‍केन् धङ् धम्‍बे थुदङ् कङ्‌ज्‍यीक्‍प युङ्‌गेन् बेत्। हुनी क खीत्‍रङ् नङ्‌दु चीदुङ् धङ् ॱङीङ्‌ज्‍यी युङ्‌गेन् बेत्।

फीलीप्‍पी 3:10

खोङ् गदु ङु ॱस्‍यीज्‍ये यो़प्‍प, खोङ् ढोङ्‌नी, यङ् ॱसोम्‍बुल लोङ्‌गेङ्‌गी ॱस्‍यीक् दी ङल अक् ॱङीच्‍च्‍ये यो़प्‍प, खोङ्‌ल नोङे दुक्‍प गुर्रो झ्‍यीच्‍च्‍ये यो़प्‍प धङ् खोङ् ढोङे लेमु डस्‍सी ङल अक् युङ्‌ज्‍ये यो़प्‍प तोङ् सीक्‍को़त्।

कलस्‍सी 1:24

खीत्‍रङ्‌ल फेम्‍ब युङे ढीक्‍ल हुन्‍दो ङल यो़प्‍पे दुक्‍प हील ङ गेस दुक्। घन्‍ड हीन् सीन्‍न ख्रीष्‍ट्‌की सी़बु हीम्‍बे छ्‌यो़ छोल फेम्‍ब युङे ढीक्‍ल ख्रीष्‍ट्‌की दुक्‍स्‍यी ॱमत् छङ दी ङे ङरङ्‌गी सी़ल गुर्न छङल सोगो़त्।

२ तीमोथी 3:11

ॱनी ङल एन्‍टीयोक्, आइकोनीयम् धङ् लीस्‍तरा सार्तु घन्‍दुक्‍मे दुक्‍प अयेक्‍प तङ्‌सोङ, हुगो ङे घन्‍दुक्‍मे गुर् थेक्‍प झ्‍यीसोङ हुगो कुरीक् रङ्‌गी थोङ्‌न ॱस्‍यो़च्‍च्‍ये यो़क्‍केन् बेत्। ॱनी हुन्‍दुक्‍मे दुक्‍प अयेक्‍प घयेक्‍की लक्‍नी चोव ज्‍यीन्‍दक्‍की ङ छ्‌यीज्‍युङ्।

१ पत्रुस् 4:13

बोर ख्रीष्‍ट्‌ल नोङे दुक्‍स्‍यीगी फक् च्‍यीक् ङल अक् नोङ्‌ज्‍युङ् ॱनो़ब ॱसम्‍न हुल गेस झ्‍यीज्‍यीत्। तीङ्‌ला ख्रीष्‍ट् तो़त्‍वङ्‌गी ओ़च्‍च्‍यल इगीनी मल्‍ल कुरीक्‍की थोङ्‌सल झ्‍यो़म्‍बे यङ्‌ल खीत्‍रङ्‌ल आक् गेस छ्‌यीम्‍मु युङ्‌गेन् बेत्।