१ तीमोथी 6:4 - ल्होमी4 हुगी मी हुगो तम्दो़क्की ज्यीङ्ब बोम्बुल ॱसोङ्न घन्ड अक् ॱह मीत् घोगेङ्गी मी बेत्। ॱनी तम् घन्डे ढीक्ल अक् हुन्दुक् झ्यीबे मी छीक्ल छीक् थुक्च्येल ॱनक्केन् बेत्। हुन्दुक् झ्यीब च्यानी ठदोक्, थक्मु, ॱमो़म्बी़त्, ॱसम्ल ङेम्ब ॱनो़गेन् Faic an caibideil |
१ तीमोथी 6:4
44 Iomraidhean Croise
तेङ् यी़गी भङ्ज्येम्ब घयेत्ल धेप्प झ्यीक्केन् ॱनोम्ज्युङ् हीन्दोक्पे मी ॱसी़ खीत्रङ्ल हीगो डस्सी मीत् झ्यीप्पेत् सीन्न खीत्रङ्गी गोल थो़न्न च्यो़न्स्यो़त् ॱस्यो़त्तु युङ्गुक्क हुगो घन्ड अक् मेम्बेत् ॱनो़ब ॱसम्ज्यीत्। हुगी रोरङ्गी थोङ्नङ् घयेत्ल ॱसम्न, रोरङ्गी ॱसीम्बे ॱनोक्सम्ल ॱस्योर्न गो बो़न धो़म्मीक्की तम्दो़त् ॱस्यो़क्केन् बेत्।
हुनी मीत् दीम्बे केच्च्य घयेक्की ॱवङ्ल धङ् जोज्ये मीप्पे पुबु ॱमुमी़ दुङ्ज्यी़क्की थो स्यङ् स्यक्पे केच्च्य घयेक्की ॱवङ्ल ॱसीम्ब तोङ्दु ॱमत् ची़च्च्यीत् सीन्न ङे रङ्ल एल्ला आक् ॱङाबेन्। ॱनी हुन्दो ओक् ॱङक्केन्। घन्ड हीन् सीन्न हुगो धो़म्मीक्की केच्च्य बेत्। हुगी छ्य स्योक्पे लेमुल धङ् को़न्ज्योक्की लेल फेन्दो घन्ड अक् मीत् युङ्गेन् बेत्।
हीगी केच्च्य घयेत् हीगो हुदु मी घयेत्ल ॱस्येत्न ढेन्सो़ ॱलोङ्ज्यीत्। हुदु केच्च्ये छीक्टल थुक्री चीगेन् घयेत्ल थुक्री ॱमत् ची सीन्न को़न्ज्योक्की ढुङ्दु ज्यीब ॱलङ्न लप्स्य तोङ्ज्यीत्। हुगो घो ॱमीत् छ्यो़त् बेत्। हुगी ॱयोङ्म नेङ्गीन् यो़प्पे ॱसीम्ब आक् मीत्तल तोङ्गेन् बेत्।
Sanasan