१ तीमोथी 6:14 - ल्होमी14 हज्यरङ्गी चोव ज्यीन्दक् येशु ख्रीष्ट् नम् झ्यो़न् झ्यो़न् थुक्ल रङ्ल झ्युङे क दील चीन नक्पी़ जी धङ् च्यो़न् मीत् युङे लेमु झ्यीज्यीत्। Faic an caibideil |
१ तीमोथी 6:14
28 Iomraidhean Croise
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
ये डोगेङ्गी ॱसीर् त धक्तेन् हीन् धङ् मेन् स्यी़न् तङ्न तगुक् सीन्न ॱनी, खीत्रङ्गी छ्य स्यक्प दी ॱसुम्ब हुले चा छ्यीया बेत्। हुगी छो़त्लीन् तये यङ्ल खीत्रङ्गी छ्य स्यक्प दी धक्तेल्ल थो़न्न ॱनी, ख्रीष्ट् कुरीक्की थोङ्सल झ्यो़न्नी, खोङ् च्यानी खीत्रङ्ल यस्सो, तो़प्प धङ् इगीनी मक्की ओ़च्च्ये तो़प्प छ्यीम्मु थोप्केन् बेत्।
झ्यम्बे दगुसो, हज्यरङ् को़न्ज्योक्की भीज दीरङ् बेत्। ॱनी तीङ्ला हज्यरङ् घन्दुक् झ्यीबल ज्युको़र्दङ् हुगो हुन्दो कुरीक् क ॱस्यो़च्च्ये मीप्प बेत्। ॱनी हुन्दो ॱस्यो़च्च्ये यो़प्प दी ख्रीष्ट् इगीनी मल्ल झ्यो़म्बे यङ्ल खोङ् घन्दुक् झ्यीब यो़दङ् हुगो हज्यरङ्गी ॱङो़सल् थोङ्नी, हुगो डस्सीरङ् हज्यरङ् अङ् झ्युङ् डोगेन् बेत्।
Sanasan