१ तीमोथी 6:12 - ल्होमी12 छ्य स्यक्पे लम् दील रङ् खेजो़त् झ्यीन दुर्न ज्ये छुब झ्यीज्यीत्। एल्ला रङ्गी मी गज्येङ्गी दोङ्दु दीम्बरङ् छ्य स्योक्केन् हीन् सीन्न केच्च्य गस्सी ॱस्यो़प्पे यङ्ल रङ्ल थोप्न यो़प्पे फु तक्पे छी दी सुङ् सुङ झ्यीज्यीत्। को़न्ज्योक्की भो़च्च्ये दी इक् रङ् हीगी ढीक्लरङ् बेत्। Faic an caibideil |
१ तीमोथी 6:12
39 Iomraidhean Croise
खीत्रङ्गी ॱनङे ॱनङ्ज्येक्की ले हुगी खीत्रङ्गी धेप्प दी गस्सी यो़प्प हीम्ब कुरीक्की ॱह घो छुगेन् बेत्। हुनी ख्रीष्ट्की ढीक्की केच्च्य ॱनेम्बुल खीत्रङ्गी ख यच्च्येक्की छ्युवक् मेम्ब, क धङ् धम्ल चीन, लक् यङ्बोक्म झ्यीन हुब घयेत्ल धङ् हुनी ॱयोङ्माल आक् टेत्न, दगु झ्यीबे ढीक्ल हुब घयेक्की को़न्ज्योक्ल तो़प्प पुगेन् बेत्।
ङे भु तीमोथी, रङ्गी ढीक्ल एल्ला युङे ॱङो़स्स्यीगी केच्च्य दी ढेन्सो़ झ्यीज्यीत्। हुल डीक्पे क च्यीक् रङ्ल हरुङ्द टो़क्केन्। रङ्गी छ्य स्यक्प दी तेम्बोक्म झ्यीन ॱसीम् सङ्बु खुर्न ॱनोङ् मीत् युङे लेमु झ्यीज्यीत्। हुन्दुक् झ्यीबे लम्नी खेजो़त् झ्यीन ॱमक् थुक्केन्दङ् छ्येत्मीत् थुक्च्यीत्। मी यरीगी ॱसीम् सङ्बु ॱमत् खुरल हुबे छ्य स्यक्प दी मीत्तल ॱसोङ बेत्।
ॱनी हीगी मीत् ज्युर्केङ्गी छ्यो़त्तुम् धङ् ॱन झ्यीबे केच्च्य ॱङीबु हुगो ॱएलम ज्यक् ॱमीत् ॱस्यीगेङ्गी को़न्ज्योक्की ॱसुङ्न यो़क्केन् बेत्। हुगो झ्यीनी हीगी रीगो हीगो ॱलो़ ॱमत् तङ दो़च्च्ये यो़प्पल हज्यरङ् खोङ्ल च्यीप्न दो़क्केन् घयेत्ल ॱलोप्स्यीक् छ्यीम्मु ॱङीक्केन् बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
झ्यम्बे मीसो, हज्यरङ्गी थर्वे लम् दी च्यीक् बेत्। ॱनी हीगी थर्वे लम् हीगी ढीक्ल एल्लानीरङ् ङे यीगी च्यीक् ढीगीन् थेस्सी झ्युङ्। ॱनी हीगो को़न्ज्योक्की मी चङ्म घयेत्ल फुगी ढीक्ल ॱनङे छ्य स्यक्पे लम् दी खीत्रङ्गी तोर्तु ॱमत् ची़प्प, दक्पु झ्यीन हुल मीत् डीक्पे लेमु युङ्गेन् घयेत्तङ् थुक्च्यीत् सीन्न ॱलोप्स ज्यक्पे तीम्मल हीगो ढी गो़ झ्युङ्।
Sanasan