१ तीमोथी 5:17 - ल्होमी17 छ्यो़ छो खेबोक्म च्योङ्गेन् गोयो़प्प घयेत्ल तो़प्प ङीबक् झ्यीप्पल ओ़ब युङ्गेन् बेत्। ॱनी हरुङ्द कले च्येत्न ॱसुङ्रप्की केच्च्य ॱस्यो़क्केन् धङ् ॱसुङ्रप्की ॱलोप्स ज्यक्केन् घयेत्ल ज्यीक्पा झ्यीत् गोगेन् बेत्। Faic an caibideil |
१ तीमोथी 5:17
41 Iomraidhean Croise
खीत्रङ्ल ॱमीदे युङ ङे कुरीक् झ्यीन तो़म्बेन्। ॱनी हुगो डस्सी खीत्रङ्गी इक् दुक्च्या घयेत्ल दगु झ्यीत् गोगेन् बेत्। हीगी ढीक्ल चोव ज्यीन्दक् येशुगी नुक् ॱसुङ्न यो़क्केन् बेत्। छुल्ल लीम्बले त, फल्ल टेप्पल ॱसीम् गया युङ्गेन् बेगो सीक्केन् हीगो ढेम्ब ॱसो़ब झ्यीज्यीत् सीन्न ॱस्येप्प बेत्।
ॱलोप्स्यीक् टो़त् ॱस्यीगेङ्गी कबप् यो़प्प च्येम्मे ॱलोप्स्यीक् दी टो़च्च्यीत्। ॱयोङ्ल फेन् थोब तीक्केङ्गी कबप् यो़प्प च्येम्मे ॱसीम्नी फो़त्न टो़च्च्यीत्। गोयो़प्प झ्यीक्केङ्गी कबप् यो़प्प च्येम्मे टेत् च्येत्न गोयो़त् दी झ्यीज्यीत्। ॱयोङ्ल फेन् थोब ॱङीङ्ज्यी झ्यीक्केङ्गी कबप् यो़प्प च्येम्मे ॱसीम् गवे झ्यीज्यीत्।
हीगो रोसो़ ॱलो़लङ्गी दी़न स्यक्तुक्। ॱनी म दी हुबल यहुदी घयेक्की ढीन् छक्न यो़क्केन् बेत्। घन्ड हीन् सीन्न ज्यी़त् ॱयोङ् ॱयोङ्गी मी घयेत्ल ॱसीम्ल फेम्बे ॱमेल्लम् घयेत् दी यहुदी घयेत् च्येन्नी युङ बेत्। हीगो झ्यीनी यहुदी घयेत्ल सी़ल फेम्बे खोज्येत् घयेत् दी ज्यी़त् ॱयोङ् ॱयोङ्गी मी घयेक्की टो़त् गोगेन् बेत्।
ॱनी हीन्न अक्, ङ हुन्दो घन्दुक् झ्यीबे मील झ्युङ बेक्क हुगो को़न्ज्योक्की थुज्यीगी लेगी झ्युङ बेत्। ङल खोङ्गी थुज्यी ॱनङ दी धो़म्मीत्ल ॱमत् ॱसोङ, ठीक्नल ॱयोङ्मा घयेत्ले ङे मङा कले च्येत्न युङेन्। ॱनी हुगो म दी ङे ङरङ्गी झ्यीब मेम्ब, ङे दगुल यो़क्केन् को़न्ज्योक्की थुज्यीगी जेप्पे ले बेत्।
ङे ले च्यीक्की छ्यीट्टो दीम्बरङ्, रङ्गी हुगी भुमु ॱङीबु हुगो डीक्च्या झ्यीन टो़त्रो झ्यी सीन्न सीक्को़दो। केलेमेन्ट् धङ् ङे ले च्यीक्की छ्यीट्टो ॱयोङ्म घयेत्तङ् दल भुमु ॱङीबु हुबे एक् केच्च्य ॱनेम्बु टोम्बे लेल टेत् च्येत्न ङल दगु झ्यीज्युङ्। हुब कुरीक्की मीङ् दी छीये थोल ढीन यो़क्केन् बेत्।
ङे ॱस्येप्पे केच्च्य घयेत् हीगो रङ्गी उन यो़प्पे पी़न्ज्या घयेत्ल ॱस्येत्न बीन्न ॱनी, रङ् ख्रीष्ट् येशुगी स्यप्च्यी़ब गङ्ज्येन् हीम्ब युङ्गेन् बेत्। हुनी रङ्गी छ्य स्यक्पे लेमी़ केच्च्ये लम् दीनी धङ् रङ्गी चीन युङे दीम्बे ॱलोप्स दीनी रङ्गी ॱसीम्ल आक् खङ्गी डुप्केन् बेत्।
खीत्रङ् हुगी गो दी़क्केन् गोयो़प्प घयेक्की खल नेल्ल हुबे ॱवङ्गी होक्ल दो़च्च्यीत्। हुबे को़न्ज्योक्ल ची पु गोगो़त् ॱनो़ब ॱसम्न खीत्रङ्ल भच्ची झ्यीक्केन् बेत्। हुबल घी़रीम थो़न्दु ॱमत् ची़प्प, ॱसीम् गव झ्यीन हुगी गोयो़प्पे ले दी झ्यीत् छुज्ये यो़प्पल खीत्रङ् हुबे खल नेन्ज्यीत्। स्येन् खीत्रङ्ल फेन्दो घन्ड अक् मीत् युङ्गेन् बेत्।
Sanasan