2 ॱनी हुन्दुक् झ्यीबे ॱलोप्स छ्यीलेल नङ् मत् लेब, ॱएलम ज्यक्केन्, ॱसीम्ब मी छीक्नर डस्सी सङ् ङेन् च्यो़त् ॱमीत् ॱस्यीगेङ्गी मी घयेक्की ॱस्यो़क्केन् बेत्।
घन्ड हीन् सीन्न हुगी यङ्ल ख्रीष्ट् जी़म धङ् कलुङ् जी़म ॱस्यो़क्केन् गज्येन् थो़न्न युङ्न हुबे यीक् छ्यीम्मी़ लेगी ता धङ् यम् छेम्मे ले गज्येन् झ्यीन तो़न्न दम्बे मी घयेत्ल अक् ॱयोङ्गोर् ज्यक् छुब झ्यीक्केन् बेत्।
कलुङ् जी़म ॱस्यो़क्केन् घयेत्नी धोजीम् झ्यीन दो़च्च्यीत्। घन्ड हीन् सीन्न हुब लुक्की सोप्ताल लुक्पक् घो़न्न, छ्यी दी लुक् डस्सी झ्यीन खीत्रङ् च्याल युङ्गेन् बेत्। ॱनी नङ् दी च्यङ्गु ॱमङ्ङम् लङ्नर डस्सी यो़क्केन् बेत्।
खीत्रङ्गी घुङ्नीरङ् मी यरी हुन्दुक् झ्यीब थो़न्न हुबे तम् फीलोक्प ॱस्येत्न ॱलोप्टुक्ल स्युन यो़प्प घयेत् रोरङ्सो़ तीङ्ल ठीक्च्ये ॱनो़न ॱयो कोर्केन् बेत्।
हुबे को़न्ज्योक् ॱसम्न खोङ् ङु ॱस्यीब युङे लेमु दी हुबे गज्ये ॱमत् छोर, फङ्न स्यक्न झ्यीच्च्ये मीत् युङ्गेङ्गी लेमु झ्यीन युङ्नी, हुबे ङेम्बे ॱसीम् दी को़न्ज्योक्की हुन्दुक् दीरङ् स्यक् तङ बेत्।
घन्ड हीन् सीन्न हुन्दुक् झ्यीबे मी हुब हज्यरङ्गी चोव ज्यीन्दक् ख्रीष्ट्ल स्यप्च्यी़ ज्युक्केन् मेम्ब, हुब रोरङ्सो़ धेत्मो़ ङेम्बे ॱयोक् ज्युक्केन् बेत्। हुबे मी ॱयुङ्बोक्म घयेत्ल तम् ॱनेम्बोक्म ॱस्येत्न तो़च्च्य की़न ॱयो कोर्न छ्यी़दु ची़क्केन् बेत्।
ॱनी यङ् हज्यरङ् छ्यु भङ्ज्यीत् ॱलोङ्ज्यीत् झ्यीन ढु यल्लेङ् यी़ल्लेङ् ॱयुन ॱलुङ्बी़ ॱसोर् डोगेन् डस्सी धङ् मी खप् लेबे ॱयोज्यी़ ठम्ज्यी़गी ॱयोङ्गोर्ल छ्यी़ डोगेङ्गी ॱनोक्सम् मीप्पे भीज घयेत् डस्सी मेम्ब,
हुब ङु छय मीत् झ्यीप्प, छ्येल ॱनक्प धङ् चङ्ज्ये मीप्पे ले घयेत् झ्यीन हुन्दुक् झ्यीबल जीम्ब मीत् झ्यीप्प, हुगी ॱवङ्ल ॱस्योर्न यो़क्केन् बेत्।
हुबे छ्यलु दीगी म दी को़न्ज्योक् ॱसम्गेन् हीन्दोक्प झ्यीक्केन्, ॱनी म दी हुगी लेमुल ॱस्यीक् मीप्प हीम्ब ॱसम्गेन् बेत्। हुन्दुक् झ्यीबदङ् रङ् भीन दो़च्च्यीत्।
हुगी ॱनो़प्प अयेक्प ॱसुम्बु हुगी यीक् छ्यीम्मी़ लेगी ता गज्येन् तो़न्न ॱयो कोर्न, जम्लीङ् की़ङ्गी ज्याबु घयेत् ॱमक् थुक्च्येल ॱयोप्कुक्। हीगो ॱवङ् की़न् च्येम्मे को़न्ज्योक्की स्यक्पे ङीन् छ्यीम्मी़ यङ्ल डुप्केन् बेत्।