खीत्रङ् च्यङ् थोन दो़च्च्यीत्। घन्ड हीन् सीन्न खीत्रङ् यरी सुङ्न ठीम्सल च्यो़गेन् बेत्। यहुदीगी छ्यो़गी छोगङ् घयेक्की नङ्दु दुङ्गेन् बेत्। ॱनी खीत्रङ् पेम्बु छ्यीम्मु धङ् ज्याबु घयेत् च्याल सुङ्न ठीक्केन् बेत्। ॱनी हुदु ङे ढीक्ल दीम्बरङ् बेत् सीन्न ॱस्यो़त् गो़ ॱस्यर्केन् बेत्।
१ तीमोथी 4:16 - ल्होमी16 रङ्गी मीजीगी छ्यलु दी धङ् ॱलोप्स ज्यक्लु दी च्यङ्जो़त् झ्यीन खेजो़त् झ्यीज्यीत्। हुन्दुक् झ्यीन ॱनी, रङ् धङ् रङ्गी तम्ल नेङ्गेन् घयेत् दीब छी थर्वल थो़न् छुगेन् बेत्। Faic an caibideil |
१ तीमोथी 4:16
38 Iomraidhean Croise
पी़न्ज्यासो, खीत्रङ्ल ङ ॱलोप्स हीगो ज्यक्केनो। खीत्रङ्गी उन छुङ्न दो़त्तु ॱमीत् ची़क्केन्, पोङ्ज पोङ्जल भीदु ची़क्केन्, ॱयोङ्गी धेप्पल भर्च्येत् तोङ्गेन् हुब घयेत्तङ् च्यङ्जो़त् झ्यीन दो़च्च्यीत्। हुबे ॱलोप्स हुगो खीत्रङ्गी एल्ला घोवे ॱलोप्सल मीत् डीक्केन् बेत्। हुबदङ् भीन दो़च्च्यीत्।
ङे ॱस्येप्पे केच्च्य घयेत् हीगो रङ्गी उन यो़प्पे पी़न्ज्या घयेत्ल ॱस्येत्न बीन्न ॱनी, रङ् ख्रीष्ट् येशुगी स्यप्च्यी़ब गङ्ज्येन् हीम्ब युङ्गेन् बेत्। हुनी रङ्गी छ्य स्यक्पे लेमी़ केच्च्ये लम् दीनी धङ् रङ्गी चीन युङे दीम्बे ॱलोप्स दीनी रङ्गी ॱसीम्ल आक् खङ्गी डुप्केन् बेत्।
मीत् डीक्केङ्गी ॱलोप्स यो़च्चो़त् ज्यबल नेन्न खीत्रङ् ॱमत् छ्यी़ज्यीत्। समे ढीक्ल यो़प्पे क घयेत्ल चीन युङे लम्नी हज्यरङ् डम्दु मीत् डोगेन् बेत्। हज्यरङ् डम्दु दील को़न्ज्योक्की थुज्यी ॱनङ्नी क, हस्सो़त् युङ्गेन् बेत्। हुन्दुक् झ्यीबे कल चीन युङे मी घयेत्ल हुगी फेन् ॱमत् थोब बेत्।
Sanasan