१ तीमोथी 4:14 - ल्होमी14 रङ्ल एल्ला छ्यो़ छोगी गोयो़प्प घयेक्की लक्पे ॱवङ् केन, रङ्गी ढीक्ल कलुङ् ॱस्येप्पे यङ्ल थोबे थुज्यीगी कबप् दी ॱनङ्ज्युङ्ल ॱमत् तोङ्ज्यीत्। Faic an caibideil |
१ तीमोथी 4:14
18 Iomraidhean Croise
हीगो हीन् धङ् मेल्ल छ्यो़प्पो़न् चो छ्यीस्स्यो धङ् छोक्तेन् छ्यीम्मी़ हज्यरङ्गी गेम्बा छ्यीया घयेत्ल ॱस्यो़च्च्ये यो़क्केन् बेत्। हुब घयेक्की क ङल रोरङ्सो़ फम पी़न् दमस्कस्की यहुदी घयेत्ल तो़न्ज्येमे पुर्ची ढीन तङ्ज्युङ्। ॱनी हीगी ॱहक् हीगो ङल थोप्नी, येशुगी लम्ल डोगेन् घयेत् कीङ्न यरुशलेम्ल च्येन छ्येप्प को़ज्येल ङ दमस्कस्ल ठीक्तु फीम्बेन्।
ङे भु तीमोथी, रङ्गी ढीक्ल एल्ला युङे ॱङो़स्स्यीगी केच्च्य दी ढेन्सो़ झ्यीज्यीत्। हुल डीक्पे क च्यीक् रङ्ल हरुङ्द टो़क्केन्। रङ्गी छ्य स्यक्प दी तेम्बोक्म झ्यीन ॱसीम् सङ्बु खुर्न ॱनोङ् मीत् युङे लेमु झ्यीज्यीत्। हुन्दुक् झ्यीबे लम्नी खेजो़त् झ्यीन ॱमक् थुक्केन्दङ् छ्येत्मीत् थुक्च्यीत्। मी यरीगी ॱसीम् सङ्बु ॱमत् खुरल हुबे छ्य स्यक्प दी मीत्तल ॱसोङ बेत्।
छ्य स्यक्पे लम् दील रङ् खेजो़त् झ्यीन दुर्न ज्ये छुब झ्यीज्यीत्। एल्ला रङ्गी मी गज्येङ्गी दोङ्दु दीम्बरङ् छ्य स्योक्केन् हीन् सीन्न केच्च्य गस्सी ॱस्यो़प्पे यङ्ल रङ्ल थोप्न यो़प्पे फु तक्पे छी दी सुङ् सुङ झ्यीज्यीत्। को़न्ज्योक्की भो़च्च्ये दी इक् रङ् हीगी ढीक्लरङ् बेत्।
Sanasan