१ तीमोथी 4:12 - ल्होमी

¹² रङ् हुन्‍दो स्‍यो़म्‍ब हीम्‍बल ॱयोङ्‌मा ॱसी़ इक् रङ् ॱनङ्‌ज्‍युङ्‌ल तङ्‌न, घन्‍ड अक् मेम्‍बल ॱसम्‍ज्‍ये मीप्‍प स्‍योक्‍च्‍यीत्। तम्‍स्‍यु लबल, मीजीगी छ्‌यलुल, झ्‍यम्‍ब झ्‍यीप्‍पल, छ्‌य तेम्‍बर् युङ्‌लुल धङ् ॱसीम् चङ्‌म युङल छ्‌य स्‍योक्‍केन् कुरीक्‍की ढीक्‍ल रङ् ॱमीदेल युङ झ्‍यीज्‍यीत्।

१ तीमोथी 4:12 Iomraidhean Croise

मत्‍ती 18:10

ॱनी हीगी भीज हीब डस्‍सी मी च्‍युङेत्‍मु च्‍यीगी च्‍यीक्‍ल आक् खीत्‍रङ्‌गी हुगो ॱनङ्‌ज्‍युङ्‌ल ॱमत् तोङ्‌ज्‍यीत्। तोक्‍स्‍यीप् झ्‍यीज्‍यीत्। घन्‍ड हीन् सीन्‍न हीबे ढीक्‍ल को़न यो़प्‍पे तेङ् यी़गी भङ्‌ज्‍येम्‍ब घयेत् तेङ् यी़न स्‍युगेन् ङे यप्‍की ढुङ्‌दु छीगङ् दो़क्‍केन् बेत्।

१ कोरीन्‍थी 11:1

ख्रीष्‍ट्‌की ॱमीदेल ङे तेन झ्‍यीब डस्‍सी खीत्‍रङ्‌गी ङे ॱमीदेल तेन झ्‍यीज्‍यीत्।

फीलीप्‍पी 4:8

ह स्‍युक् थदु पी़न्‍ज्‍यासो, दीम्‍बे ढङ्, छ्‌यप्‍स्‍यक् च्‍येम्‍मे ढङ्, ढङ्‌बी़ ढे, चङ्‌मे ढङ्, पम्‍बो़त्‍मे ढङ्, ढक्‍पागी ढङ्, गागी ढङ् धङ् तो़त् ओ़बे ढङ् हीन्‍दुक् झ्‍यीबे ॱवङ्‌ल ॱसीम्‍ब तोङ्‌ज्‍यीत्।

१ थीस्‍सलोनीका 1:6

हुनी हुगी यङ्‌ल खीत्‍रङ्‌गी ङीत् धङ् चोव ज्‍यीन्‍दक्‍की ॱमीदेल तेन दो़क्‍को़त्। हुगी यङ्‌ल खीत्‍रङ्‌ल छ्‌यी मी घयेक्‍की दुक्‍प अयेक्‍प गज्‍येन् तङ्‌न आक्, ङीक्‍की केच्‍च्‍य दील छ्‌यप्‍स्‍यक् स्‍यक्‍न नेन्‍न धम्‍बे थुगी लम्‍नी खीत्‍रङ् गेस झ्‍युङ बेत्।

१ थीस्‍सलोनीका 2:10

खीत्‍रङ् छ्‌य स्‍योक्‍केन् घयेक्‍की घुङ्‌दु ङीक्‍की ॱसीम् चङ्‌म खुर्न ङीबे ज्‍यी़त् घन्‍ड अक् मत् झ्‍यीब, ढङ्‌बु झ्‍यीन देप्‍पेन्। हील खीत्‍रङ् धङ् को़न्‍ज्‍योक् पङ्‌बु यो़क्‍केन् बेत्।

१ तीमोथी 1:14

हज्‍यरङ्‌गी चोव ज्‍यीन्‍दक्‍की ङल थुज्‍यी छ्‌यीम्‍मु ॱनङ्‌न युङ्‌नी, खोङ्‌गी लम्‍नी ङ झ्‍यम्‍ब झ्‍यीत् छुगेल्‍ल धङ् खोङ्‌ल छ्‌य स्‍योक् छुगेल्‍ल झ्‍युङ्।

२ तीमोथी 2:15

को़न्‍ज्‍योक्‍की तेबल रङ् छ्‌यप्‍स्‍यक् च्‍येम्‍मल झ्‍युङ्‌न ङु छ मीत् गो़गेङ्‌गी लेमीय धङ् दीम्‍बे केच्‍च्‍य डीक्‍पोक्‍म ॱस्‍यो़त् ॱस्‍यीगेल्‍ल युङ कले च्‍येत्‍न थो़न् छुब झ्‍यीज्‍यीत्।

२ तीमोथी 2:22

स्‍यो़म्‍बल ॱसीम्‍ल लङ्‌गेङ्‌गी धेत्‍मो़ आक्‍पागी ढङ् घयेत् रङ्‌गी फोङ्‌ज्‍यीत्। हुनी ॱसीम् चङ्‌म खुर्न चोव ज्‍यीन्‍दक् डेन् ज्‍यक्‍केन् घयेत्‍तङ् दल ढङ्‌बु युङल, छ्‌य तेम्‍बर् स्‍योक्‍पल, झ्‍यम्‍ब झ्‍यीप्‍पल धङ् स्‍यीव सोवल थो़न् छुब झ्‍यीज्‍यीत्।

२ तीमोथी 2:7

ङे घन्‍ड सीगुक्‍क हील ॱनोक्‍सम् तोङ्‌ज्‍यीत्। चोव ज्‍यीन्‍दक्‍की रङ्‌ल धो़र्रीक् छङ्‌म थोज्‍ये यो़प्‍पे ॱसीम् ॱनङ्‌गेन् बेत्।

तीतस् 2:15

हीगी केच्‍च्‍य घयेत् हीगो रङ्‌गी ॱहक् छ्‌यीजो़त् झ्‍यीन ॱस्‍यो़च्‍च्‍यीत्। नेन् गोगेन् बेत् सीन्‍न ॱस्‍यो़च्‍च्‍यीत्। लप्‍स्‍य तोङ्‌ज्‍यीत्। मी ॱसी़ इक् रङ् ॱनङ्‌ज्‍युङ्‌ल तोङ्‌ज्‍ये मीप्‍प झ्‍यीज्‍यीत्।

तीतस् 2:7

रङ्‌गी गये लेगी ढङ् घयेत् झ्‍यीन हुब घयेत्‍ल ॱमीदे तो़न्‍ज्‍यीत्। ॱसीम् ढङ्‌बु खुर्न ॱम तेम्‍बोक्‍म झ्‍यीन धो़ङ्‌गी ॱलोप्‍स ज्‍योप्‍च्‍यीत्।

याकुब् 3:13

खीत्‍रङ्‌गी घुङ्‌न झ्‍यी़रीक् च्‍येम्‍म धङ् ॱस्‍यीरप् च्‍येम्‍मे मी ॱसु यो़दङ् हुगी रोरङ्‌गी झ्‍यी़रीक् दी ॱम ॱयुङ्‌बोक्‍म धङ् खेजो़त् झ्‍यीन रोरङ्‌गी छ्‌यलु गङ्‌ज्‍येन् झ्‍यीन युङे लम् दीनी झ्‍यीन तो़न्‍ज्‍यीत्।

याकुब् 3:17

ॱनी तेङ् यी़नी मल्‍ल युङे झ्‍यी़रीक् दी ॱएन्‍स्‍युक्‍ल हुगो चङ्‌म, हुनी थी़म्‍बोक्‍म, हुनी घी़न् थेक्‍पोक्‍म, थी़न्‍डीक्, ॱङीङ्‌ज्‍यी छ्‌यीम्‍मु च्‍येम्‍म, गये डेबु च्‍येम्‍म, दम्‍ङीत् मीत् झ्‍यीक्‍केन् धङ् ॱसीम् सङ्‌बु च्‍येम्‍म युङ्‌गेन् बेत्।

१ पत्रुस् 5:3

खीत्‍रङ्‌गी हुबल ॱवङ्‌यो़त् तङ्‌न मेम्‍ब, हुबल ॱमीदे तो़न्‍न लम्‍बा झ्‍यीज्‍यीत्।