१ तीमोथी 3:4 - ल्होमी

⁴ रोरङ्‌गी ढोङ्‌ब गन्‍दीक्‍म सुङ् छुगेन्, रोरङ्‌गी भीज घयेत् रोरङ्‌गी ॱवङ्‌गी होक्‍ल स्‍योक् छुगेन्, हुनी भीज दीबे एक् रोरङ् छ्‌यप्‍स्‍यक् च्‍येम्‍मे फम हीम्‍ब ॱह घोदु ची़त् छुगेन् युङ् गोगेन् बेत्।

१ तीमोथी 3:4 Iomraidhean Croise

ठीक्‍नल 10:2

हुगो धङ् हुगी मीजङ्‌गी को़न्‍ज्‍योक्‍ल धेप्‍प मो़ब झ्‍यीन ज्‍यीब खुर्न दो़क्‍को़प्‍प बेत्। हुगो मी दुक्‍च्‍या घयेत्‍ल दगु झ्‍यीक्‍केन् धङ् को़न्‍ज्‍योक्‍ल छीगङ् ॱसुव तोप्‍केङ्‌गी मी हीङ्‌गो़प्‍प बेत्।

एफीसस् 5:24

ख्रीष्‍ट्‌की ॱवङ्‌गी होक्‍ल छ्‌यो़ छो यो़प्‍प डस्‍सी भुमु धो़न् घन्‍डल अक् ॱसोस्‍सोरङ्‌गी छ्‌योबी़ ॱवङ्‌गी होक्‍ल दो़त् गोगेन् बेत्।

फीलीप्‍पी 4:8

ह स्‍युक् थदु पी़न्‍ज्‍यासो, दीम्‍बे ढङ्, छ्‌यप्‍स्‍यक् च्‍येम्‍मे ढङ्, ढङ्‌बी़ ढे, चङ्‌मे ढङ्, पम्‍बो़त्‍मे ढङ्, ढक्‍पागी ढङ्, गागी ढङ् धङ् तो़त् ओ़बे ढङ् हीन्‍दुक् झ्‍यीबे ॱवङ्‌ल ॱसीम्‍ब तोङ्‌ज्‍यीत्।

१ तीमोथी 3:12

ॱनी हुगी छ्‌यो़योक्‍प हुगो छ्‌युङ्‌म च्‍यीगी च्‍यीक् च्‍येम्‍म युङ् गोगेन् बेत्। हुगी रोरङ्‌गी ढोङ्‌ब धङ् मीजङ् घयेत् गन्‍दीक्‍म सुङ् छुगेन् युङ् गोगेन् बेत्।

तीतस् 1:6

ॱनी गोयो़प्‍प दील हीन्‍दुक् झ्‍यीबे मी को़ज्‍यीत्। ङीबे च्‍यो़न् मीप्‍प, छ्‌युङ्‌म च्‍यीगी च्‍यीक् च्‍येम्‍म, हुगी भीज घयेत् दी इक् छ्‌यी़री ॱस्‍यो़क्‍केन् धङ् छादल ॱस्‍योरे च्‍यो़न् मीप्‍प, छ्‌य स्‍योक्‍केन् युङ् गोगेन् बेत्।

तीतस् 2:2

ॱनी गेम्‍बा घयेत्‍ल यङ् ॱसीम्‍बे ॱनो़जो़क्‍की ॱवङ्‌ल ॱमीत् तोङ्‌गेन्, ॱम तेम्‍बोक्‍म झ्‍यीक्‍केन्, खेजो़त् झ्‍यीक्‍केन्, छ्‌य स्‍यक्‍पे लेमुल तेम्‍बोक्‍म दो़क्‍केन्, झ्‍यम्‍ब धङ् धु झ्‍यीक्‍केन् युङ् गोगेन् बेत् सीन्‍न ॱलोप्‍स ज्‍योप्‍च्‍यीत्।

तीतस् 2:7

रङ्‌गी गये लेगी ढङ् घयेत् झ्‍यीन हुब घयेत्‍ल ॱमीदे तो़न्‍ज्‍यीत्। ॱसीम् ढङ्‌बु खुर्न ॱम तेम्‍बोक्‍म झ्‍यीन धो़ङ्‌गी ॱलोप्‍स ज्‍योप्‍च्‍यीत्।