१ तीमोथी 3:16 - ल्होमी16 हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्। Faic an caibideil |
१ तीमोथी 3:16
81 Iomraidhean Croise
ॱनी हुगी ॱसुङ्स्येत् दी क कोलीमील कीन युङ्न हज्यरङ् मी घयेक्की घुङ्दु स्युब बेत्। खोङ् म दीरङ् यप् को़न्ज्योक्की ॱरेबु च्यीगी च्यीक् हीम्ब खोङ्ल यप्की तो़त्वङ् छ्यीम्मु ॱनङ्न यो़प्प ङीक्की थोङ्ज्युङ्। खोङ्ल यप् च्यानी झ्युङे थुज्यी धङ् दीम्ब छङ्न यो़प्प ङीक्की ॱस्यीज्युङ्।
हुनी हुगी छ्यो़ छोगी मीस्सीर् घयेत् जोम्दु ची़त्नी, पावल् धङ् बार्नाबास्की रोरङ्सोल को़न्ज्योक्की दगु जेत्न, रोरङ्सो़ घङ् झ्यीब घयेत् दी धङ् ज्यी़त् ॱयोङ् ॱयोङ्गी मी घयेत्ल अक् छी थर्व युङ्ज्येल घन्दुक् झ्यीन छ्य स्यक्पे लम् दी को़न्ज्योक्की तो़म्ब बेक्क हुगो कुरीक् ॱस्येत्न टेप्प बेत्।
हीगी ढीक्ल ङ केच्च्य च्यीक् ढीगेन्। हीगो इस्राएली घयेक्की ॱह घोव न मत् घोव बेक्क? ॱङो़न्ने ॱह घोव बेत्। हीगी ढीक्ल ॱसुङ्रप्ल केच्च्य ॱस्यो़क्केन् हुबे केत् दी जम्लीङ् की़ङ्गी ॱह घो छर बेत्। हुबे केच्च्य हुगो जम्बुलीङ्गी थल ते ॱलीत् छर बेत् सीर थो़ङ्गेन् बेत्। (ॱसुङ्रप्की गुल्लु १९:४)
हुगो ॱस्युली मेम्बेत्। मी घयेत् म दीरङ् कुरीक् ॱएजङ च्यङ्ज्यङ् बेत्। ॱनी हीन्न अक्, को़न्ज्योक् धक्पर् च्येम्म यो़क्केन् बेत्। खोङ् धक्पर् च्येम्म हीम्बे ढीक्ल ॱसुङ्रप्ल नीज्यरङ्गी घङ् ॱसुङ घयेत् धक्पर् युङ्गेन् बेत्। नीज्यरङ्गी ढीक्ल ठीम् च्येत्न ॱनी, नीज्यरङ् धक्पर्ल थो़ङ्गेन् बेत् सीर थो़ङ्गेन् बेत्। (ॱसुङ्रप्की गुल्लु ५१:४)
कोलीमीगी ली़सीम् हीगो योक्या यो़क्केन् झ्यीनी, छ्यो़डीम्गी लम्नी घङ् डुप् ॱमत् छुब यो़प्प दी को़न्ज्योक्की खोङ् रोरङ्गी ॱरेबु दीक्पे ॱस्याबल तङ्न युङ्न डुब बेत्। खोङ् कोलीमी दीक्च्येङ्गी ली़ डस्सील युङ्न, कोलीमी ली़सीम्ल यो़प्पे दीक्पे लेल्ल फोक्केङ्गी छ्येप्प दी को़न्ज्योक्की खोङ्ल केब बेत्।
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
एल्ला ॱमत् तो़म्बे ॱङीङ्बु चा छ्यीम्मी़ केच्च्य हीगो ज्यी़त् ज्यी़त् घयेत्ल तो़न्ज्ये ॱनो़ब को़न्ज्योक्की थुल झ्युङ बेत्। हीगी केच्च्ये ॱङीङ्बु दी ख्रीष्ट् खीत्रङ्गी नङ्ल स्युन यो़क्केन् दी बेत्। हुगो झ्यीनी खीत्रङ्ल आक् इगीगी तो़त्वङ् च्येम्मे ओ़च्च्य झ्यीस्सल ॱलीक्केङ्गी रीगो यो़क्केन् बेत्।
हुगी ङीन् दी येशु खोङ् रोरङ्गी मी चङ्म घयेत् च्यानी तो़प्प लीन्दु धङ् खोङ्ल छ्य स्यक्न यो़क्केन् घयेत् यीक् छ्यीन खोङ्ल तो़प्प पुज्ये यो़प्पल इगीनी मल्ल झ्यो़ङ्गेन् बेत्। ङीक्की गन्दीय दीम्ब बेत् सीरे केच्च्यल खीत्रङ्गी छ्य स्यक्न यो़क्केन् झ्यीनी, हुबे दल खीत्रङ् ॱअङ् युङ्गेन् बेत्।
खोङ्ल को़न्ज्योक्ल यो़प्पे तो़त्वङ्गी ओ़च्च्य दी थोङ्गेन् बेत्। खोङ् को़न्ज्योक् ठोक् यो़क्केन् बेत्। खोङ्गी ॱस्यीक् छ्यीम्मी़ ॱसुङ्स्येक्की ॱस धङ् ॱनम् हीगो जेङ् सुङ्न यो़क्केन् बेत्। दीक्प धक्तु ची़क्केङ्गी ले खोङ्गी जेत् छर्नी, खोङ् हुन्दो इगी थोरी चीदु स्युगेन्, ॱवङ् की़न् च्येम्मे ज्याबी़ ॱये छ्योन स्युन यो़क्केन् बेत्।
छ्य स्योक्केन् घयेक्की लम्बा ॱङो़म फी़न्सुम् छङल सोगेन् खोङ् येशुल हज्यरङ्गी ॱसीम्बे फोरी तेन ज्युदोङ्ज्यीत्। खोङ्ल दुक्स्यी छ्यीम्मु नोङे यङ्ल खोङ्गी इक् तीङ्मागी ॱसीम् गव युङ्गेन् दील तेनी, कुरुस्तु ॱम पबल तव मत् झ्यीब, हुगो गुर बेत्। हुन्दो खोङ् को़न्ज्योक्की ॱवङ् च्येम्मे स्युडीगी ॱये छ्योन स्युन यो़क्केन् बेत्।
ॱनी हुबे ॱस्येप्पे कलुङ् दी रोरङ्सो़ फेन्दोगी ढीक्ल मेम्ब, हुगो दङ् हरीङ् हज्यरङ्गी ढीक्ल धङ्बुदु को़न्ज्योक्की हुबल तो़न्न ॱस्यो़त्तु ची़प्प बेत्। ॱनी हुगो दङ् हरीङ्गी केच्च्य ॱनेम्बु हील डोगेन् बेत्। ॱनी दङ् हरीङ् हीगो ॱस्येत्न टोम्गेन् घयेत्ल तेङ् यी़नी तङे धम्बे थुगी दगु जेत्नी, हुबे खीत्रङ्ल हीगो जेङ् ॱस्येत्न यो़क्केन् बेत्। ॱनी हीगी केच्च्ये धो़न् हील तेङ् यी़गी भङ्ज्येम्ब घयेक्की इक् दो़न्दो़त् तगीन् थेप्प झ्युङ बेत्।
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
Sanasan