Biblia Todo Logo
Bìoball air-loidhne

- Sanasan -




१ तीमोथी 3:15 - ल्होमी

15 घन्‍ड हीन् सीन्‍न पीन ङ ढीम्‍सी युङ् ॱमत् छुब झ्‍युङ्‌न ॱनी, ॱसोम्‍बु हीम्‍बे को़न्‍ज्‍योक्‍की छ्‌यो़ छो दीम्‍बे का धङ् ॱसप्‍तेन् झ्‍यीनी खोङ्‌गी ढोङ्‌बे मीजङ् घयेक्‍की मीजीगी छ्‌यलु दी घन्‍दुक् झ्‍यीब युङ् गोगेन् बेक्‍क हुगो रङ्‌गी ॱस्‍यीज्‍ये यो़प्‍पल ङे हीगो ढीगो़त्।

Faic an caibideil Dèan lethbhreac




१ तीमोथी 3:15
55 Iomraidhean Croise  

ॱनी हीगी लेल्‍ल शीमोन् पत्रुस्‍की नीज्‍यरङ् ॱसोम्‍बु हीम्‍बे को़न्‍ज्‍योक्‍की ॱरेबु च्‍यप्‍को़न् ख्रीष्‍ट् बेत् झ्‍यीब बेत्।


हीगी ढीक्‍ल ङे खीत्‍रङ्‌ल गन्‍दीय ॱस्‍येत् योङ्। ॱस जम्‍बुलीङ्‌दु खीत्‍रङ्‌गी घन्‍ड मीत् युङेत् सीक्‍को़दङ् हुगो तेङ् यी़दु उक् हुन्‍दुक् दीरङ् युङ्‌गेन् बेत्। ॱनी ॱस जम्‍बुलीङ्‌दु खीत्‍रङ्‌गी घन्‍ड युङेत् सीक्‍को़दङ् हुगो तेङ् यी़दु उक् हुन्‍दुक् दीरङ् युङ्‌गेन् बेत्।


छ्‌यो़डीम् म दी को़न्‍ज्‍योक्‍की मोशागी लम्‍नी ॱनङ बेत्। ॱनी थुज्‍यी धङ् दीम्‍ब दी येशु ख्रीष्‍ट्‌की लम्‍नी युङ बेत्।


ॱनी येशुगी हुल लम्, दीम्‍ब धङ् छीये खुङ् दी ङ हीन्। ङ च्‍यानी फीन्‍न मेन्‍द, स्‍येन् ॱसु उक् यप् च्‍याल ॱलीत् ॱमीत् छुगेन् बेत्।


हुनी पीलातस्‍की यङ् नुक्‍म हीन्‍न, खो़त् ज्‍याबु दीरङ् हीन् सीगो़प्‍प ॱनी? सीन्‍नी, हील येशुगी नीज्‍यरङ्‌गी सीक्‍केन् हुगोरङ् ङ हीन्। ङ जम्‍बुलीङ् हीदु दीम्‍ब तो़न्‍न ॱस्‍यो़क्‍केल्‍ल कीन युङ हीन्। दीम्‍ब ङो़गी मी दी ॱसु हीन्‍न अक्, हुगी ङे तम्‍ल नेङ्‌गेन् बेत् झ्‍यीब बेत्।


नीज्‍यरङ् चङ्‌म को़न्‍ज्‍योक् च्‍यानी युङ हीम्‍बल ङीक्‍की छ्‌य स्‍यक्‍न यो़त्। ॱनी हीगो खुङ् हीम्‍ब दी इक् ङीक्‍की ॱह घोज्‍युङ् झ्‍यीब बेत्।


ॱवे खीत्‍रङ्‌सो, घन्‍डल हीन्‍दुक् झ्‍यीक्‍केन्। ङीत् इत् खीत्‍रङ् डस्‍सीगी मीरङ् हीन्। हीन्‍दुक् झ्‍यीब घो ॱमीत् छ्‌यो़क्‍की ले च्‍यम् स्‍योक्। तेङ् यी़, जम्‍बुलीङ्, छ्‌यु ज्‍यम्‍जो छ्‌यीम्‍मु धङ् घङ् यो़प्‍प घयेत् छ्‌यादु ची़क्‍केन् ॱसोम्‍बु हीम्‍बे को़न्‍ज्‍योक् च्‍याल लोक् छुज्‍ये यो़प्‍पल खीत्‍रङ्‌ल केच्‍च्‍य ॱनेम्‍बु ॱस्‍यो़त्‍तु ङीत् युङ हीन्।


फेन् दी त घन्‍डल अक् थोगेन् बेत्। गोम स्‍येन् को़न्‍ज्‍योक्‍की ॱसुङ्‌रप् छङ्‌म यहुदी घयेत्‍ल ॱनङ्‌न झ्‍यीत्‍तु ची़प्‍प बेत्।


ॱनी हरुङ् ॱसुङ्‌रप्‍ल हीगो थो़ङ्‌गेन् बेत्। खीत्‍रङ् ङे मीस्‍सीर् मेम्‍बेत् सीस्‍स दीदुरङ् खीत्‍रङ् ॱसोम्‍बु हीम्‍बे को़न्‍ज्‍योक्‍की भीज बेत् सीक्‍केन् बेत्। (होशे १:१०)


यहुदीरङ् हीन्, ज्‍यी़त् ॱयोङ्‌गी मीरङ् हीन्, को़न्‍ज्‍योक्‍की छ्‌यो़ छोरङ् हीन्‍न अक्, हुल च्‍यो़न् युङे लेमु मत् झ्‍यीज्‍यीत्।


खीत्‍रङ् को़न्‍ज्‍योक् स्‍युसे छ्‌यो़गङ् धङ् खीत्‍रङ्‌गी नङ्‌ल को़न्‍ज्‍योक्‍की थु स्‍युन यो़प्‍प हीम्‍ब खीत्‍रङ्‌ल ॱस्‍यो़च्‍च्‍ये यो़ट्‌टो।


हुदु ङीक्‍की स्‍यप्‍च्‍यी़गी लेगी झ्‍युङे ख्रीष्‍ट्‌की ढीबे यीगी दी खीत्‍रङ्‌सो घयेत् झ्‍युङ्‌न यो़क्‍केन् बेत्। हुगो ॱनक्‍चागी ढीब मेम्‍ब, ॱसोम्‍बु हीम्‍बे को़न्‍ज्‍योक्‍की थुगी ढीब बेत्। हुगो दो ॱयम्‍बक्‍ल ढीब मेम्‍ब, कोलीमी ॱसीम्‍ल ढीन स्‍यक्‍न यो़क्‍केन् बेत्।


को़न्‍ज्‍योक् स्‍युसे छ्‌यो़गङ्‌दङ् कु घयेत् घन्‍दुक् दी झ्‍यीन डीक् छुगेन्? घन्‍ड हीन् सीन्‍न हज्‍यरङ्‌गी सी़ हीगो ॱसोम्‍बु हीम्‍बे को़न्‍ज्‍योक् स्‍युसे छ्‌यो़गङ् बेत्। हीगी ढीक्‍ल को़न्‍ज्‍योक्‍की हीन्‍दुक् ॱसुङ थो़ङ्‌गेन् बेत्। ङ हीगी मी हीबे घुङ्‌दु देत्‍न हीबदङ् मुल डोगेन्। ङ ॱनी हीबे को़न्‍ज्‍योक् धङ् हीब ङे मीस्‍सीर्ल युङ्‌गो़त्। (लेवी २६:१२)


दीम्‍बे केच्‍च्‍य ॱस्‍यो़प्‍पल, को़न्‍ज्‍योक्‍की ॱस्‍यीक् युङल, लक्‍प ॱये धङ् ॱयेल्‍ल ढङ्‌बु हीम्‍बे छो़न्‍ज्‍य ज्‍येम्‍बल धङ् हुन्‍दुक् झ्‍यीब ॱनजो गुजो घन्‍दुक् झ्‍यीबलरङ् हीन्‍न अक्, ङीत् को़न्‍ज्‍योक्‍की ॱयोक्‍पु ॱङो़न्‍ने हीम्‍बल थो़ङ्‌गो़त्।


ॱनी को़न्‍ज्‍योक्‍की थुज्‍यीगी ङ घन्‍दुक्‍मे लेल को़ब बेक्‍क हुगो चो छ्‌यीया छ्‌यो़ छोगी का धोम्‍बु डस्‍सील ॱसम्‍न यो़क्‍केन् याकुब्, पत्रुस् धङ् युहन्‍ना झ्‍यीबे हुनी क ॱह घोसोङ्। खोबसो यहुदी घयेत् च्‍येल्‍ल डोवल धङ् यङ् ङदङ् बार्नाबास् ज्‍यी़त् ॱयोङ् ॱयोङ्‌गी मी च्‍याल डोवल छ्‌य च्‍यीक्‍की मी हीम्‍ब ॱसम्‍न ङीत्‍ल खोबसो़ लक्‍प ॱयेब तङ्‌न थी़न्‍डीक् झ्‍यीज्‍युङ्।


ॱवे गलातीया घुर्तीङ घयेस्‍सो, खीत्‍रङ्‌ल ख्रीष्‍ट् कुरुस्‍ल ढोङे धो़न् ङे एल्‍लादु खीत्‍रङ्‌गी ॱमीक्‍की दोङ्‌दु गन्‍दीक्‍म ॱस्‍येत्‍न स्‍योक्‍कीन् स्‍योक्‍कीन् हुन्‍दो खीत्‍ल ॱसी़ ॱङुव ज्‍यप्‍न सुक्‍च्‍युङ?


हुगो खीत्‍रङ्‌गी ॱह घोन यो़क्‍केन् बेत्। येशुदङ् मत् ढेब यो़प्‍पे मी झ्‍यीनी, खोङ्‌गी दीम्‍बे केच्‍च्‍य खीत्‍रङ्‌ल ॱस्‍यो़च्‍च्‍ये यो़क्‍केन् बेत्।


खीत्‍रङ्‌गी ढीक्‍ल तेङ् यी़न दक्‍सुम् झ्‍यीन स्‍यक्‍न यो़प्‍प दी गन्‍दीय थोप्‍केन् बेत् ॱनो़बे रीगो दी खीत्‍रङ्‌ल यो़क्‍केन् झ्‍यीनी, हुनी क खीत्‍रङ्‌गी हुगो डस्‍सीगी लेमु झ्‍यीक्‍केन् बेत्। हीगी रीगो हीगो खीत्‍रङ्‌गी गोम दीम्‍बे केच्‍च्‍य ॱह घोवे यङ्‌नीरङ् झ्‍यी ॱस्‍यीदुक्।


घन्‍ड हीन् सीन्‍न मी ॱयोङ् ॱयोङ्‌गी इक् हीन्‍दुक् सीन्‍न च्‍योर्कुक्। ङीत् खीत्‍रङ् च्‍येन्‍दु दो़प्‍पे यङ्‌ल खीत्‍रङ्‌गी ॱल्‍ह धङ् कु घयेत् ॱलो़ तङ्‌न ॱसोम्‍बु खुङ् हीम्‍बे को़न्‍ज्‍योक्‍ल धेप्‍प झ्‍यीदुक्।


ॱनी म दी ङ रङ् च्‍येल्‍ल ज्‍योक्‍पु युङ्‌ज्‍ये ॱनो़बे रीगो यो़त्। ॱनी हीन्‍न अक्, ङे केच्‍च्‍य घयेत् हीगो एल्‍ला यीगील ढीन तोङ्‌गो़त्।


हज्‍यरङ्‌गी छ्‌यो़लुगी धो़न् हीगो तीङ् सप्‍पोक्‍म ॱह लेसी यो़प्‍प कुरीक्‍की छोर्केन् बेत्। ख्रीष्‍ट् कोलीमील कीन थो़न्‍न युङ बेत्। खोङ् धक्‍पर् हीम्‍ब धम्‍बे थुगी तो़म्‍ब बेत्। खोङ् तेङ् यी़गी भङ्‌ज्‍येम्‍ब घयेक्‍की इक् थोङ बेत्। ज्‍यी़त् ज्‍यी़त् घयेक्‍की घुङ्‌दु खोङ्‌गी ढीक्‍की केच्‍च्‍य घयेत् ॱस्‍येत्‍न टम्‍ब बेत्। जम्‍बुलीङ्‌गी मी गज्‍येङ्‌गी खोङ्‌ल छ्‌य स्‍यक्‍प बेत्। हुनी खोङ् तो़त्‍वङ्‌गी ओ़च्‍च्‍ये ॱसज्‍य इगीनल ठीक्‍नर बेत्।


ॱनी हीगो झ्‍यीक्‍केन् दी ङीबे च्‍यो़न् मीप्‍प, छ्‌युङ्‌म च्‍यीगी च्‍यीक् च्‍येम्‍म, ॱसीम्‍ब ॱनो़जो़क्‍की ॱवङ्‌ल ॱमीत् तोङ्‌गेन्, च्‍यङ्‌जो़त् झ्‍यीन दो़क्‍केन्, ॱम तेम्‍बोक्‍म झ्‍यीक्‍केन्, डोम्‍बुल थोङ् झ्‍यीक्‍केन्, ॱसुङ्‌रप्‍की ॱलोप्‍स ज्‍यक् ॱस्‍यीगेन्,


ॱनी रोरङ्‌गी ढोङ्‌ब अक् त गन्‍दीक्‍म सुङ् ॱमीत् छुगेङ्‌गी मी घन्‍दुक् झ्‍यीन को़न्‍ज्‍योक्‍की छ्‌यो़ छोल त छुगेन्?


हीगी ढीक्‍ल क ङीत् कले च्‍येत्‍न दुको़र्त्। घन्‍ड हीन् सीन्‍न हज्‍यरङ्‌गी रीगो दी ॱसोम्‍बु हीम्‍बे को़न्‍ज्‍योक्‍ल झ्‍यीक्‍केन् बेत्। खोङ्, मी कुरीक्‍की, हुनी मङ्‌स्‍योल छ्‌य स्‍योक्‍केन् घयेक्‍की च्‍यप्‍को़न् बेत्।


नम् नम्‍ल अक् मीत् ढोङ्‌गेन् दी खोङ् च्‍यीगी च्‍यीक्‍रङ् यो़क्‍केन् बेत्। खोङ् ॱसु उक् डो ॱमीत् छुगेङ्‌गी ओ़च्‍च्‍यल स्‍युगेन् बेत्। कोलीमी ॱसी़ इक् थोङ् ॱमत् ॱनोङ, ॱसी़ इक् ॱमीत् थोङ्‌गेन्, को़न्‍ज्‍योक्‍ल धी़ नम ज्‍यी़न्‍दु ॱवङ् धङ् तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।


ॱनी हीन्‍न अक्, को़न्‍ज्‍योक्‍की ॱसप्‍तेन् तीङ दी तेम्‍बोक्‍म यो़क्‍केन् बेत्। हुल हीन्‍दुक् झ्‍यीबे इक्‍टी़ पर् थो़त्‍न यो़क्‍केन् बेत्। खोङ् रोरङ्‌गी मी दी ॱसु ॱसु हीन्‍दङ् हुगो चोव ज्‍यीन्‍दक्‍की ङु ॱस्‍यीगेन् बेत् सीर धङ् (ढङ्‌ज्‍युक् १६:५) चोव ज्‍यीन्‍दक्‍की छेन् डेन् ज्‍यक्‍केन् दी ॱसु दुक्‍क हुगी मत् ढङागी ढङ् घयेत् फोङ्‌ज्‍यीत् सीर यो़क्‍केन् बेत्।


ढोङ्‌ब छ्‌यीम्‍मु च्‍येम्‍म घदु उक् ॱसीर् धङ् ॱङुगी ॱनो़च्‍च्‍य छ्‌युवक् मेम्‍ब, ॱस्‍यीङ् धङ् जमे ॱनो़च्‍च्‍य आक् युङ्‌गेन् बेत्। यरी पम्‍दङ् जील खो़ज्‍येम धङ् यरी पम्‍सोल मेम्‍ब, छीगङ् खो़ज्‍येम आक् युङ्‌गेन् बेत्।


को़न्‍ज्‍योक्‍की ढोङ्‌बे मीजङ् हज्‍यरङ् घयेत्‍ल छ्‌यो़प्‍पो़न् छ्‌यीम्‍मु दी खोङ् यो़क्‍केन् बेत्।


खीत्‍रङ् हुगो डस्‍सील युङ मेम्‍ब, सीयोन्‍गी लदोक् ॱसोम्‍बु हीम्‍बे को़न्‍ज्‍योक्‍की सार् तेङ् यी़गी यरुशलेम्‍ल युङ्‌न यो़क्‍केन् बेत्। ॱनी उन तेङ् यी़गी भङ्‌ज्‍येम्‍ब छेत्‍मीत् ढङ्‌मीत् धङ्


पी़न्‍ज्‍यासो, च्‍यङ्‌जो़त् झ्‍यीन दो़च्‍च्‍यीत्। ॱसीम् अयेक्‍प धङ् ॱलो ॱमत् खीब झ्‍यीन ॱसोम्‍बु हीम्‍बे को़न्‍ज्‍योक् च्‍यानी भीन डोगेन् हुब डस्‍सी खीत्‍रङ् ॱसु उक् युङ्‌ज्‍ये मीप्‍प झ्‍यीज्‍यीत्।


ॱनी हीले ज्‍यीक्‍पा हज्‍यरङ् ॱस्‍यीस्‍सल च्‍यो़गेङ्‌गी हज्‍यरङ्‌गी मत् ओ़बे ले झ्‍यीबे ॱनोङ् घयेत् दी ख्रीष्‍ट्‌की ठक्‍की टी़न धक्‍तु ची़क्‍केन् बेत्। हुनी क हस्‍सो़त् ॱसोम्‍बु हीम्‍बे को़न्‍ज्‍योक्‍ल हज्‍यरङ्‌गी धेप्‍प झ्‍यीत् छुगेन् बेत्। ॱनी हीगो धी़ ज्‍यी़न्‍दु स्‍युगेन् धम्‍बे थुगी रोरम् जेत्‍न, नक्‍चक् मीप्‍प ख्रीष्‍ट्‌की खोङ् रोरङ्‌गी ॱरोक् को़न्‍ज्‍योक्‍ल पुबे लम्‍नी झ्‍युङ बेत्।


ॱनी हीगो डस्‍सी खीत्‍रङ् ॱअङ् दो ॱसोम्‍बु बेत्। धम्‍बे थु स्‍युसे स्‍युगङ् दी खीत्‍रङ् घयेत्‍नी सोगेन् बेत्। खीत्‍रङ् को़न्‍ज्‍योक्‍की ढीक्‍ल पी़प्‍पे छ्‌यो़प्‍पो़न् चङ्‌म दी बेत्। खीत्‍रङ्‌गी ॱसीम्‍नी पुबे छ्‌यो़प्‍प दी येशु ख्रीष्‍ट्‌की लम्‍नी को़न्‍ज्‍योक्‍की स्‍यागी स्‍यीगेन् बेत्।


ह को़न्‍ज्‍योक्‍की ठीम् च्‍येत्‍न छ्‌येप्‍प को़बे धी़ ॱलीत् छर बेत्। खोङ्‌गी ठीम् दी गोम रोरङ्‌गी मीजङ्‌नी झ्‍यीन च्‍यो़क्‍केन् बेत्। ॱनी खोङ्‌गी ठीम् दी हज्‍यरङ्‌नी एल्‍ला झ्‍यीन च्‍यो़क्‍को़त्‍न ॱनी, को़न्‍ज्‍योक्‍की ॱसुङ्‌रप् ॱनेम्‍बुल मीत् नेङ्‌गेन् घयेत्‍ल ॱसुम्‍ब तीङ्‌ला घन्‍दुक् झ्‍यीबे गोल ॱलीक्‍को़दङ्?


हीनी यङ् तेङ् यी़गी भङ्‌ज्‍येम्‍ब ॱयोङ्‌म च्‍यीक् जम्‍बुलीङ्‌गी ॱस्‍यर् ङो़नी यल्‍ल थो़म्‍ब ङे थोङ्‌ज्‍युङ्। ॱनी हुगी लक्‍ल ॱसोम्‍बु हीम्‍बे को़न्‍ज्‍योक्‍की थीजी ज्‍यक्‍च्‍येम च्‍यीक् खुर्न दुक्। ॱनी जम्‍बुलीङ्‌ल धङ् छ्‌यु ज्‍यम्‍जो छ्‌यीम्‍मुल च्‍यो़न् तोङ्‌ज्‍येमे ॱवङ् खुरे हुगी तेङ् यी़गी भङ्‌ज्‍येम्‍ब स्‍यीबु दील हुगी च्‍यीक्‍पु दीगी केत् छ्‌यीम्‍मु तो़न्‍न


Lean sinn:

Sanasan


Sanasan