१ तीमोथी 2:6 - ल्होमी6 ॱनी कोलीमी घयेत् ॱलुवे ॱलुरीन् दील खोङ्गी रोरङ्गी ॱरोक् दीरङ् च्येब बेत्। हीन्दुक् झ्यीन धी़जो़त्ल कोलीमी घयेत् छी थर्वल तो़न्ज्येमे को़न्ज्योक्की थुल यो़प्पे ढो़ दी हीनी ॱह घोगेन् बेत्। Faic an caibideil |
१ तीमोथी 2:6
34 Iomraidhean Croise
हुगी ङीन् दी येशु खोङ् रोरङ्गी मी चङ्म घयेत् च्यानी तो़प्प लीन्दु धङ् खोङ्ल छ्य स्यक्न यो़क्केन् घयेत् यीक् छ्यीन खोङ्ल तो़प्प पुज्ये यो़प्पल इगीनी मल्ल झ्यो़ङ्गेन् बेत्। ङीक्की गन्दीय दीम्ब बेत् सीरे केच्च्यल खीत्रङ्गी छ्य स्यक्न यो़क्केन् झ्यीनी, हुबे दल खीत्रङ् ॱअङ् युङ्गेन् बेत्।
हुगो झ्यीनी हज्यरङ्गी चोव ज्यीन्दक्की ढीक्की केच्च्य ॱस्येत्न टो़प्पल ङु छय मत् झ्यीज्यीत्। खोङ्गी ढीक्ल चो़ल्ल ॱस्योर्न यो़क्केन् ङे ढीक्ल अक् ङु छय मत् झ्यीज्यीत्। बोर केच्च्य ॱनेम्बी़ ढीक्ल नोङे दुक्प रङ्गी इक् गुर्च्यीत्। हुल पीबे ॱस्यीक् को़न्ज्योक्की ॱनङ्गेन् बेत्।
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan