१ तीमोथी 2:15 - ल्होमी

¹⁵ म दी भुमी़ मीजील भीज कीगेङ्‌गी लेमु हुगो युङ्‌गेन् बेत्। भुमु रोरङ्‌सो़ छ्‌य स्‍यक्‍प दील तेम्‍बोक्‍म झ्‍यीन, झ्‍यम्‍ब धङ् धक्‍पर् युङल खेजो़त् झ्‍यीन युङ्‌न ॱनी, छी थर्वल थो़ङ्‌गेन् बेत्।

१ तीमोथी 2:15 Iomraidhean Croise

लुका 2:7

भीज दी हुदु कीब बेत्। ॱनी भु गेन्‍स्‍यो दी हुगो हीङ्‌गो़प्‍प बेत्। ॱनी भीज दी आम दीगी घुलक् बदुक्‍की तुम्‍न धी़न्‍डोल दग तीस्‍सल ॱनान स्‍यक्‍प बेत्। हुदु मी मङ् ढानी, ॱनेजङ् दो़स्‍स ॱमत् थोब हीङ्‌गो़प्‍प बेत्।

१ कोरीन्‍थी 12:23

ॱनङ्‌ज्‍युङ् च्‍येम्‍मे सी़गी यल्‍लक् घयेत्‍ल हज्‍यरङ्‌गी पम्‍सो तो़क्‍केन् बेत्। ॱनी पम्‍ज्‍ये मीप्‍पे यल्‍लक् घयेत् यङ् हज्‍यरङ्‌गी मङा तुम्‍गेन् बेत्।

१ तीमोथी 1:14

हज्‍यरङ्‌गी चोव ज्‍यीन्‍दक्‍की ङल थुज्‍यी छ्‌यीम्‍मु ॱनङ्‌न युङ्‌नी, खोङ्‌गी लम्‍नी ङ झ्‍यम्‍ब झ्‍यीत् छुगेल्‍ल धङ् खोङ्‌ल छ्‌य स्‍योक् छुगेल्‍ल झ्‍युङ्।

१ तीमोथी 1:5

ङीक्‍की ॱलोप्‍स हीगो म दी हुब घयेक्‍की ॱसीम् दी चङ्‌म खुर्न ॱनोङ् मीत् युङे लेमु झ्‍यीन ॱसीम्‍बे यीक्‍नी छ्‌य स्‍यक्‍न युङे लम्‍नी झ्‍यम्‍ब झ्‍यीत्‍री ची छुज्‍ये यो़प्‍पे ढीक्‍ल सीन्‍न हीन्।

१ तीमोथी 2:9

भुमु घयेत् यङ् गो मङ् ढाब ॱस्‍येत् ॱस्‍येप्‍प झ्‍यीन सप्‍न ॱसीर् धङ् मुदीक्‍की ज्‍येन्‍ज्‍य तान रीन् छ्‌यीम्‍मु च्‍येम्‍मे घो़ मत् घो़म्‍ब, अच्‍च्‍येत् ङु छा धङ् ॱनोम्‍ज्‍युङ् झ्‍यीन छ्‌यक्‍चो़त् देम्‍बोक्‍मे घो़ घो़न्‍न

तीतस् 2:12

ॱनी हुगी थुज्‍यीगी ॱलोप्‍सनी को़न्‍ज्‍योक् मीत् गुवे ले धङ् जम्‍बुलीङ् ङो़ल यो़प्‍पे धेच्‍च्‍यो ङेम्‍ब घयेत् फङ्‌न, हीगी धी़ हील हज्‍यरङ् ॱसीम्‍बे ॱनो़जो़त्‍ल ॱमत् तङ, खेजो़त् झ्‍यीन दो़त् गोगेन्, ढङ्‌बु धङ् को़न्‍ज्‍योक् गुवे लेमु झ्‍यीत् गोगेन् बेत् सीर हज्‍यरङ्‌गी ॱह घो छुगेन् बेत्।

१ पत्रुस् 4:7

ह छङ्‌म थम्‍ज्‍येत् कुरीक्‍ल थमे धी़ ॱस्‍यच्‍चल ॱलीत् छर बेत्। हीगो झ्‍यीनी खीत्‍रङ्‌सो ॱसुव तप् तब झ्‍यीत् छुज्‍ये यो़प्‍पल च्‍यङ्‌जो़त् झ्‍यीन खीत्‍रङ्‌गी ॱसीम् दी ॱनो़जो़त् घङ्‌बी़ ॱवङ्‌ल ॱमत् तङ दो़च्‍च्‍यीत्।