१ तीमोथी 1:5 - ल्होमी5 ङीक्की ॱलोप्स हीगो म दी हुब घयेक्की ॱसीम् दी चङ्म खुर्न ॱनोङ् मीत् युङे लेमु झ्यीन ॱसीम्बे यीक्नी छ्य स्यक्न युङे लम्नी झ्यम्ब झ्यीत्री ची छुज्ये यो़प्पे ढीक्ल सीन्न हीन्। Faic an caibideil |
१ तीमोथी 1:5
43 Iomraidhean Croise
ङीक्की ङोम्ज्येत् दी हीगो यो़त्। जम्बुलीङ्गी मी घयेक्की घुङ्दु धङ् हुले धक्पा खीत्रङ्गी घुङ्दु ङीक्की मीजीगी छ्यलु दी को़न्ज्योक् थु गुव धङ् धक्पर् ॱसीम् चङ्म खुर्न युङेन्। हीगी ढीक्ल सङ् ङेन् च्यो़त् ॱस्यीगेन् ङे ॱसीम्बे धक्पर् झ्यीक्केन् बेत्। हीगो कोलीमीगी झ्यी़रीक् रीक्पे मेम्ब, को़न्ज्योक्की थुज्यीगी बेत्।
ङे भु तीमोथी, रङ्गी ढीक्ल एल्ला युङे ॱङो़स्स्यीगी केच्च्य दी ढेन्सो़ झ्यीज्यीत्। हुल डीक्पे क च्यीक् रङ्ल हरुङ्द टो़क्केन्। रङ्गी छ्य स्यक्प दी तेम्बोक्म झ्यीन ॱसीम् सङ्बु खुर्न ॱनोङ् मीत् युङे लेमु झ्यीज्यीत्। हुन्दुक् झ्यीबे लम्नी खेजो़त् झ्यीन ॱमक् थुक्केन्दङ् छ्येत्मीत् थुक्च्यीत्। मी यरीगी ॱसीम् सङ्बु ॱमत् खुरल हुबे छ्य स्यक्प दी मीत्तल ॱसोङ बेत्।
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
ॱनी तम् ॱस्यो़प्पे यङ्ल ॱम ॱयुङ्बोक्म झ्यीन को़न्ज्योक्ल ज्यीब खुर्न, ॱनोङ् लङ् मीत् गो़गेङ्गी लेमु झ्यीन ॱस्यो़त् गोगेन् बेत्। हुनी खीत्रङ् ख्रीष्ट्की लम्ल युङे छ्यलु गङ्ज्येन् झ्यीप्प दी खीत्रङ्ल ङीब कोप्केन् हुबे थोङ्नी, हुबे रोरङ्सो़ तम् अयेक्प लब घयेत् दी मत् धक्प ॱह घोनी, हुब ङु छ डोगेन् बेत्।
ॱनी हीगी छ्यी़ लम्नी थर हीगो हज्यरङ् बप्तीस्ल स्युबे लम्नी थरदङ् छ्येत्मीत् बेत्। हीगी बप्तीस्की लेमु हीगो सी़बी़ ढीनक् टी़न धक्च्येल मेम्ब, ॱनोङ् मीप्पे ॱसीम् सङ्बु खुर् छुज्ये यो़प्प तोङ् सीन्न को़न्ज्योक्ल स्युव पुज्येगी ढीक्ल बेत्। ॱनी छी थर्व हीगो खुङ् दी येशु ख्रीष्ट् ॱसोम्बुल लोङे लम्नी युङ बेत्।
Sanasan