खीत्रङ् म दीरङ् दी़क्की चोवे भीज बेत्। ॱनी खीत्रङ्गी पबे धेत्मो़ दी डस्सी खीत्रङ्गी इक् झ्यीच्च्ये ॱनो़ब यो़क्केन् बेत्। हुगो धङ्बुनीरङ् मीस्सेन् यो़क्केन् बेत्। हुल म दीरङ् दीम्बे ज्यी़त् दीरङ् मीप्पल दीम्बदङ् दल दो़त् ॱमीत् छुगेन् बेत्। हुगो ॱएलम घयेक्की पब बेत्। हुगो ॱएलमे छङ् झ्यीनी, ॱएलम हुगी खोक्नी लेगी थो़ङ्गेन् बेत्।
१ तीमोथी 1:10 - ल्होमी10 छ्ये ज्युक्केन्, छ्योगो ॱनम्बु दयम् झ्यीक्केन्, मी चोङ्गेन्, ॱएलम ज्यक्केन्, ॱएलमे ॱन सगेन् धङ् धक्पर् च्येम्मे ॱलोप्सल मीत् डीक्केङ्गी ले झ्यीक्केन् घयेक्की ढीक्ल ॱनङ बेत्। Faic an caibideil |
१ तीमोथी 1:10
34 Iomraidhean Croise
ङे ॱस्येप्पे केच्च्य घयेत् हीगो रङ्गी उन यो़प्पे पी़न्ज्या घयेत्ल ॱस्येत्न बीन्न ॱनी, रङ् ख्रीष्ट् येशुगी स्यप्च्यी़ब गङ्ज्येन् हीम्ब युङ्गेन् बेत्। हुनी रङ्गी छ्य स्यक्पे लेमी़ केच्च्ये लम् दीनी धङ् रङ्गी चीन युङे दीम्बे ॱलोप्स दीनी रङ्गी ॱसीम्ल आक् खङ्गी डुप्केन् बेत्।
हुगी केच्च्य हुगो खुङ्देन् बेत्। हुगो झ्यीनी हुगी ॱयोङ्गोर् ज्यक्केन् घयेत् हुबल हीन्दुक् झ्यीबे तम् ॱस्यो़त्। दीम्ब फोङ्गेन् यहुदी घयेक्की स्यङे क घयेत्ल धङ् हुबे मीत् दीम्बे यो़च्चो़क्की केच्च्य घयेत्ल मत् नेन् झ्यी। बोर दीम्ब ङो़ल छ्य स्यक्पे लम्ल लोक्लेत् सीन्न हुब घयेत्ल गन्दीक्म लप्स्य तोङ्।
हीगो डस्सी सदोम् सार् धङ् गमोरा सार्, ॱनी हुगी थप्स्यीगी सार् घयेक्की मी इक् हुन्दुक् दीरङ् झ्यीन छ्येगी ॱवङ्ल ॱस्योर्न, कोलीमीगी लुसल मीप्पे झ्यीत् मत् रुङे ले एक् झ्यीब बेत्। हुन्दुक् झ्यीनी हुबल को़न्ज्योक्की छ्येप्प केब बेत्। ॱनी हुगो फुगी मी बर्से ॱनर्मी नोङ्से लेमु डस्सी झ्युङ बेत्।
ॱनी ॱङीङ् च्युङेत्मु खुर्केन्, छ्य मीत् स्योक्केन्, स्यीलोक्सीगी ले झ्यीक्केन्, मीस्सेन्, छ्ये ज्युक्केन्, जुम्डी़ तो़ङ्गेन्, ॱल्ह धङ् कुल छ्यक् छ्यो़प्प पुगेन् धङ् ॱएजङ हुन्दुक् झ्यीब कुरीक् हुब घयेक्की दो़स्स दी मुसी धङ् मी बर्से छोल युङ्गेन् बेत्। हील ॱस्यीव तीङ्मा सीक्केन् बेत् ॱसुङ्ज्युङ्।
Sanasan