१ थीस्सलोनीका 5:27 - ल्होमी27 हीगी यीगी हीगो खीत्रङ्गी पी़न्ज्या कुरीक्ल डोन बीन्ज्यीत् सीन्न ङे चोव ज्यीन्दक् पङ्दु स्यक्न यो़दो। Faic an caibideil |
१ थीस्सलोनीका 5:27
19 Iomraidhean Croise
ॱनी हुगी यङ्ल उन ॱनो़प्प अयेक्प तो़न्न दीक्को़त् सीक्केन्, यहुदी गीर्च्यम्ब यरी उन यो़प्प बेत्। ॱनी हुबे एक् चोव ज्यीन्दक् येशुगी छेन् डेन् ज्यप्न ॱनो़प्प अयेक्प स्यीन्नर तो़न्न दीच्च्ये ॱनो़ब झ्यीब बेत्। ॱनी तो़न्न दीप्पे यङ्ल हुबे तम् दी पावल्की ॱस्यो़क्केङ्गी येशु हुगी मीङ्नी ह रङ् थो़ल्ल ज्युक् सीन्न खक्को़ ज्यक्केन् सीन्न झ्यीगो़प्प बेत्।
ङीक्की खीत्रङ् रीदङ् रील पबे भीजल तेबे लेमु डस्सी झ्यीबेन्। को़न्ज्योक्की खोङ् रोरङ्गी ज्यागक् धङ् तो़त्वङ्गी ओ़च्च्य च्येम्मे ॱसज्यल खीत्रङ् भो़ब बेत्। हुगो झ्यीनी खोङ् थु गुवे लम्ल खीत्रङ् डोवल ओ़ब युङे लेमु झ्यीन युङ्ज्ये यो़प्पल ङीक्की छीगङ् खीत्रङ्ल ॱलोप्स ज्यप्न ॱलोप्स्यीक् टेप्पेन्। ॱनी हीगो कुरीक् खीत्रङ्लरङ् ॱस्यो़च्च्ये यो़क्केन् बेत्।
ङे भु तीमोथी, रङ्गी ढीक्ल एल्ला युङे ॱङो़स्स्यीगी केच्च्य दी ढेन्सो़ झ्यीज्यीत्। हुल डीक्पे क च्यीक् रङ्ल हरुङ्द टो़क्केन्। रङ्गी छ्य स्यक्प दी तेम्बोक्म झ्यीन ॱसीम् सङ्बु खुर्न ॱनोङ् मीत् युङे लेमु झ्यीज्यीत्। हुन्दुक् झ्यीबे लम्नी खेजो़त् झ्यीन ॱमक् थुक्केन्दङ् छ्येत्मीत् थुक्च्यीत्। मी यरीगी ॱसीम् सङ्बु ॱमत् खुरल हुबे छ्य स्यक्प दी मीत्तल ॱसोङ बेत्।
Sanasan