१ थीस्‍सलोनीका 5:18 - ल्होमी

¹⁸ खीत्‍रङ् ख्रीष्‍ट् येशुदङ् मत् ढेब यो़क्‍केन् घयेत्‍ल गदुक् घन्‍ड झ्‍युङ्‌न अक्, को़न्‍ज्‍योक्‍की थुल डीक्‍पल छीगङ् खोङ्‌ल थु छ्‌यी पु पुब झ्‍यीज्‍यीत्।

१ थीस्‍सलोनीका 5:18 Iomraidhean Croise

एफीसस् 5:20

धो़न् घन्‍ड झ्‍युङ्‌न अक्, हुगी ढीक्‍ल यप् को़न्‍ज्‍योक्‍ल चोव ज्‍यीन्‍दक् येशु ख्रीष्‍ट्‌की छेङ्‌गी लम्‍नी छीगङ् थु छ्‌यी पु पुब झ्‍यीज्‍यीत्।

फीलीप्‍पी 4:6

घन्‍डे ढीक्‍ल अक् च्‍युगा मत् झ्‍यीज्‍यीत्। नम् घन्‍दुक् झ्‍यीब झ्‍युङ्‌न अक्, खीत्‍रङ्‌ल घङ् गो़बे खोज्‍येत् घयेक्‍की ढीक्‍ल को़न्‍ज्‍योक्‍ल ॱसुव तप्‍न थु छ्‌यी पुन स्‍युव ज्‍योप्‍च्‍यीत्।

कलस्‍सी 3:17

ॱनी चोव ज्‍यीन्‍दक् येशुगी लम्‍नी यप् को़न्‍ज्‍योक्‍ल खीत्‍रङ्‌गी छीगङ् थु छ्‌यी पु पुब झ्‍यीन खीत्‍रङ्‌गी तम् लप्‍लु दी धङ् ले झ्‍यीत्‍लु दी चोव ज्‍यीन्‍दक् येशुगी मी हीम्‍ब डस्‍सी झ्‍यीन युङ् गोगेन् बेत्।

१ थीस्‍सलोनीका 4:3

को़न्‍ज्‍योक्‍की थुल डीक्‍पल खीत्‍रङ्‌गी मीजीगी लेमु दी धक्‍पर् युङ झ्‍यीज्‍यीत्। छ्‌येगी ढङ्‌नी भीन दो़च्‍च्‍यीत्।

हीब्रु 13:15

को़न्‍ज्‍योक्‍ल येशुगी लम्‍नी हज्‍यरङ्‌गी खनी छीगङ् तो़प्‍पे छ्‌यो़प्‍प पु पुब झ्‍यीदोङ्‌ज्‍यीत्। खोङ् चोव ज्‍यीन्‍दक् दीरङ् बेत् सीन्‍न तो़प्‍पे ले हुगो हज्‍यरङ्‌गी खनी थो़म्‍बे डेबु दी बेत्।

१ पत्रुस् 2:15

ॱस्‍यो़च्‍च्‍ये मीप्‍पे मी, नम् च्‍यो़त् ॱमीत् ॱस्‍यीगेन्, नक् कोप्‍केन् घयेत् हुबे खल खीत्‍रङ्‌गी गये ले झ्‍यीन दक्‍क ज्‍यक् गोगेन् बेत्। हीगो को़न्‍ज्‍योक्‍की थुल यो़क्‍केन् बेत्।

१ पत्रुस् 4:2

हुगी रोरङ्‌गी मीजी भोर्ल ॱसीम्‍बे धेत्‍मो़ ङेम्‍बे कोलीमी लेमु मीत् झ्‍यीप्‍प, को़न्‍ज्‍योक्‍की थुल यो़प्‍पे लेमुल डीक्‍प झ्‍यीन दो़क्‍केन् बेत्।

१ युहन्‍ना 2:17

जम्‍बुलीङ् धङ् जम्‍बुलीङ्‌न यो़क्‍केन् धेत्‍मो़ हुन्‍दुक् झ्‍यीबे ढङ् घयेत् कुरीक् ये डोगेन् बेत्। ॱनी को़न्‍ज्‍योक्‍की थुल यो़प्‍प झ्‍यीक्‍केन् घयेत् दीरङ् क मीत् येब, धी़ ज्‍यी़न्‍दु दो़क्‍केन् बेत्।