17 ज्यी़न्दु ॱसुव तप् तब झ्यीज्यीत्।
हुनी येशुगी रोरङ्गी ॱलोप्टुक् दीबल ॱअयु ॱमत् छ्यक्प, छीगङ् ॱसुव तप् तब झ्यीत् गोगेङ्गी ढीक्ल पी च्यीक् हीन्दुक् सीन्न ॱस्येप्प बेत्।
खीत्रङ् छीगङ् तोक्स्यीप् झ्यीन दो़च्च्यीत्। हुन्दुक् झ्यीब घयेत्नी खीत्रङ् थर् छुज्ये यो़प्पल धङ् कोलीमीगी ॱरेबी़ ढुङ्दु थो़म्बल ॱलोप्स्यीक् ॱङीच्च्ये यो़प्पल ॱसुव तप् तब झ्यीन दो़च्च्यीत् सीन्न ॱसुङ बेत्।
रीगो यो़प्पल ॱसीम् गव झ्यीज्यीत्। दुक्प नोङे यङ्ल हुगो गुर्च्यीत्। धुरेत् झ्यीन ॱसुव तप् तब झ्यीज्यीत्।
धम्बे थुगी लम् ज्यी़त्नी छीगङ् छङ्म थम्ज्येक्की ढीक्ल ॱसुव तप्न स्युदेन् ज्यप् ज्यब झ्यीज्यीत्। हीगी ढीक्ल ॱसीम् च्यङ्जो़त् झ्यीन को़न्ज्योक्की मी चङ्म घयेक्की ढीक्ल धु च्यङ्न ॱसुव तप् तब झ्यीज्यीत्।
खीत्रङ् धु च्यङ्न को़न्ज्योक्ल ॱसुव तप् तब झ्यीज्यीत्। को़न्ज्योक्ल थु छ्यी पु पुब झ्यीन च्यङ्जो़त् झ्यीन दो़च्च्यीत्।
ह छङ्म थम्ज्येत् कुरीक्ल थमे धी़ ॱस्यच्चल ॱलीत् छर बेत्। हीगो झ्यीनी खीत्रङ्सो ॱसुव तप् तब झ्यीत् छुज्ये यो़प्पल च्यङ्जो़त् झ्यीन खीत्रङ्गी ॱसीम् दी ॱनो़जो़त् घङ्बी़ ॱवङ्ल ॱमत् तङ दो़च्च्यीत्।
