16 खीत्रङ् ज्यी़न्दु ॱसीम् गव झ्यीज्यीत्।
हीगी ढीक्ल खीत्रङ् गव झ्यीन गेस गन्दीक्म झ्यीज्यीत्। घन्ड हीन् सीन्न हीगो गुरे ढीक्ल खीत्रङ्ल तेङ् यी़दु ॱल छ्यीम्मु थोप्केन् बेत्। कलुङ् ॱस्यो़क्केन् घयेत्ल अक् मी घयेक्की धङ्बुनीरङ् नुक् दीरङ् झ्यीन दुक्प अयेक्प तङ्न युङ बेत्।
ॱनी हीन्न अक्, खीत्रङ्गी गेस दी ॱनो़प्प अयेक्प घयेत् खीत्रङ्गी ॱवङ्यो़त्ल नेन्ज्युङ् ॱनो़बल मेम्ब, खीत्रङ् घयेक्की मीङ् दी इगी तेङ् यी़गी थोल ढीन यो़प्पे ढीक्ल गेस झ्यीज्यीत् सीन्न ॱसुङ बेत्।
हीनी हुब घयेक्की खोङ्ल नीज्यरङ्गी सम हुगो ङीत्ल छीगङ् ॱनङ्रो झ्यी झ्यीब बेत्।
रीगो यो़प्पल ॱसीम् गव झ्यीज्यीत्। दुक्प नोङे यङ्ल हुगो गुर्च्यीत्। धुरेत् झ्यीन ॱसुव तप् तब झ्यीज्यीत्।
ॱसीम्ल दुक्ङा झ्युङ्। ॱनी हीन्न अक्, छीगङ् गेस झ्यीक्को़त्। ङीत् टङ्बु हीन्न अक्, ङीक्की ॱयोङ्मा छ्युक्पुल सोगो़त्। ङीत्ल घन्ड अक् मीप्प डस्सी यो़त्न अक्, ङीत्ल म दी कुरीक् यो़त्।
चोव ज्यीन्दक्तङ् मत् ढेब यो़प्पल खीत्रङ् ज्यी़न्दु गव झ्यीज्यीत्। हरुङ्द यङ् फीच्च्य सीक्केनो। गव झ्यीज्यीत्।
