१ थीस्सलोनीका 5:12 - ल्होमी12 पी़न्ज्यासो, ङ खीत्रङ्ल ॱलोप्स हीगो ज्यक्केनो। खीत्रङ्गी घुङ्दु चोव ज्यीन्दक्की लेगी ढीक्ल गेन् खुर्न कले च्येत्न खीत्रङ्ल ॱलोप्च्य तो़न्ज्य झ्यीक्केन् घयेत्ल खीत्रङ्गी हुबल ढक्पा हीम्ब ॱसम्ज्यीत्। Faic an caibideil |
१ थीस्सलोनीका 5:12
42 Iomraidhean Croise
खीत्रङ्ल ॱमीदे युङ ङे कुरीक् झ्यीन तो़म्बेन्। ॱनी हुगो डस्सी खीत्रङ्गी इक् दुक्च्या घयेत्ल दगु झ्यीत् गोगेन् बेत्। हीगी ढीक्ल चोव ज्यीन्दक् येशुगी नुक् ॱसुङ्न यो़क्केन् बेत्। छुल्ल लीम्बले त, फल्ल टेप्पल ॱसीम् गया युङ्गेन् बेगो सीक्केन् हीगो ढेम्ब ॱसो़ब झ्यीज्यीत् सीन्न ॱस्येप्प बेत्।
छ्यो़ छो छङ्मल को़न्ज्योक्की को़न यो़प्पल गोम छ्यीस्स्यो दील ठीक्नल घयेत् युङ्गेन् बेत्। हुगी होक्नी कलुङ् ॱस्यो़क्केन् घयेत्, हुगी होक्नी चयेलम घयेत्, हुनी ॱस्यीक् छ्यीम्मी़ ले झ्यीक्केन् घयेत्, हुनी नेप्प ढक्तु ची़च्च्येमे कबप् च्येम्म घयेत्, हुनी फेन् थोबे दगु झ्यीक्केन् घयेत्, हुनी गोयो़त् झ्यीक्केन् घयेत्, हुनी केच्च्योक् ॱमीत् च्यीक्पल तम् ॱस्यो़त् छुगेन् घयेत् को़न युङ्गेन् बेत्।
ॱनी हीन्न अक्, ङ हुन्दो घन्दुक् झ्यीबे मील झ्युङ बेक्क हुगो को़न्ज्योक्की थुज्यीगी लेगी झ्युङ बेत्। ङल खोङ्गी थुज्यी ॱनङ दी धो़म्मीत्ल ॱमत् ॱसोङ, ठीक्नल ॱयोङ्मा घयेत्ले ङे मङा कले च्येत्न युङेन्। ॱनी हुगो म दी ङे ङरङ्गी झ्यीब मेम्ब, ङे दगुल यो़क्केन् को़न्ज्योक्की थुज्यीगी जेप्पे ले बेत्।
ॱनी पी़न्ज्यासो, खीत्रङ्ल हरुङ् ॱलोप्स ज्यक्केन् हीनो। खीत्रङ् नङ्दु ॱअर्स्यीय गीर्च्यम् ॱस्यो़क्केन् घयेत्ल लप्स्य तोङ्ज्यीत्। ॱङीङ् च्युङेत्मु च्येम्म घयेत्ल ॱलोप्स्यीक् टो़च्च्यीत्। ॱलोप्स्यीक् मीप्पे मी योक् योक्म घयेत्ल रोरम् झ्यीज्यीत्। मी कुरीक्तङ् ङङ्रीन् झ्यीज्यीत्।
खीत्रङ् हुगी गो दी़क्केन् गोयो़प्प घयेक्की खल नेल्ल हुबे ॱवङ्गी होक्ल दो़च्च्यीत्। हुबे को़न्ज्योक्ल ची पु गोगो़त् ॱनो़ब ॱसम्न खीत्रङ्ल भच्ची झ्यीक्केन् बेत्। हुबल घी़रीम थो़न्दु ॱमत् ची़प्प, ॱसीम् गव झ्यीन हुगी गोयो़प्पे ले दी झ्यीत् छुज्ये यो़प्पल खीत्रङ् हुबे खल नेन्ज्यीत्। स्येन् खीत्रङ्ल फेन्दो घन्ड अक् मीत् युङ्गेन् बेत्।
रङ्गी थोङे ङे लक्प ॱये छ्योगी कर्म दी़म्बु दी धङ् ॱसीर्की छ्यो़त्मी दी़म्बु दीगी तीङ् सप्पोक्मे धो़न् दी हीगो बेगो। कर्म दी़म्बु दी छ्यो़ छो दी़म्बी़ ढीक्ल को़बे को़न्ज्योक्की भङ्ज्येम्ब दी़ल्ल डोगेन् बेत्। छ्यो़त्मी दी़म्बु दी छ्यो़ छो दी़ल्ल डोगेन् बेत् सीन्न सीच्च्युङ्।
हीगो सार्डीस्की छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो को़न्ज्योक्की थु दी़न् धङ् कर्म दी़न् यो़प्प च्येम्मे सीगुगो झ्यीज्यीत्। खीत्रङ्गी घङ् झ्यीप्पे ले घयेत् कुरीक् ङल ॱस्यो़च्च्ये यो़त्। खीत्रङ् ॱसोम्बु हीन् त कुरीक्की सीक्केन् बेत्। हुगो मेम्ब, खीत्रङ् ॱस्यीनर हीम्ब ङल ॱस्यो़च्च्ये यो़त्।
हीगो फीलाडेल्फीयागी छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो धक्पर् धङ् दीम्बर् यो़क्केन्, ज्याबु दाऊद्गी च्यी थोप्न यो़प्प च्येम्मे सीगुगो झ्यीज्यीत्। हीगी गोच्च पीक्सोङ्न ॱनी, ॱसी़ इक् च्यो़त् ॱमीत् छुगेन् बेत्। ॱनी यङ् हीगी गोच्च च्येस्सोङ्न ॱनी, हुगो ॱसी़ इक् पीक् ॱमीत् छुगेन् बेत्।
Sanasan