१ थीस्‍सलोनीका 4:9 - ल्होमी

⁹ खीत्‍रङ् पी़न्‍ज्‍या नङ्‌दु युङ् गोगेङ्‌गी झ्‍यम्‍बे ढीक्‍ल को़न्‍ज्‍योक्‍कीरङ् खीत्‍रङ्‌ल तो़न्‍न ॱलप्‍तुक्। ङीक्‍की हुगी ढीक्‍ल घन्‍ड अक् ढीन तोङ् गो़दोक्‍प मीन्‍दुक्।

१ थीस्‍सलोनीका 4:9 Iomraidhean Croise

मत्‍ती 22:39

ॱनी हीगी तीङ्‌नी रङ्‌गी लोल यो़क्‍केङ्‌गी मील रङ् डस्‍सीरङ् ॱसम्‍न झ्‍यम्‍ब झ्‍यीज्‍यीत् सीर यो़क्‍केन् बेत्। (लेवी १९:१८)

युहन्‍ना 14:26

ॱनी तीङ्‌ला यप्‍की ङे मीङ्‌नी ज्‍यप्‍तक् धम्‍बे थु खीत्‍रङ् च्‍याल तङ्‌न युङ्‌नी, हुनी खोङ्‌गी कुरीक् खीत्‍रङ्‌ल ॱलप्‍न टो़क्‍केन् बेत्। हुनी ङे ॱस्‍येप्‍पे तम् घयेत् दी इक् खीत्‍रङ्‌ल ढेन्‍सो़ ॱलोङ्‌गेन् बेत्।

ठीक्‍नल 4:32

ॱनी छ्‌य स्‍योक्‍केन् घयेत् दी कुरीक् ॱसीम् च्‍यीक् ली़ च्‍यीक् झ्‍यीन दो़क्‍को़प्‍प बेत्। ॱनी ॱसुल नोर् घन्‍ड यो़त्‍न अक्, हुगो ङे हीन् मीत् सीगो़प्‍प बेत्। बोर हुगो कुरीक्‍की फीस्‍सोम झ्‍यीगो़प्‍प बेत्।

रोमी 12:10

खीत्‍रङ् नङ्‌दु च्‍यीक्‍तङ् च्‍यीक्‍ल चीदुङ् झ्‍यीज्‍यीत्। खीत्‍रङ् च्‍यीक्‍तङ् च्‍यीक्‍ल तो़प्‍प झ्‍यीन रङ्‌ले ॱयोङ्‌ल ॱल्‍हक्‍पा ॱसम्‍ज्‍यीत्।

२ कोरीन्‍थी 9:1

को़न्‍ज्‍योक्‍की मी चङ्‌म घयेत्‍ल दगु झ्‍यीच्‍च्‍येमे धो़ङ्‌गी ढीक्‍ल ह हीले मङागी केच्‍च्‍य ङ ढी मीत् गो़ब यो़त्।

फीलीप्‍पी 3:15

खीत्‍रङ् उन फी़न्‍सुम् छङ च्‍येम्‍म ॱसु ॱसु यो़दङ् हुबे हीगो डस्‍सीगी ॱसम्‍ल तोङ्‌गो़ट्‌टो। ॱनी यङ् हीगो डस्‍सीगी ॱसम्‍ल ॱमीत् तोङ्‌गेङ्‌गी मील तीङ्‌ला को़न्‍ज्‍योक्‍की तो़न्‍न ॱह घोदु ची़क्‍केन् बेत्।

१ थीस्‍सलोनीका 5:1

पी़न्‍ज्‍यासो, हुगी छीरङ् धी़दोक्‍की ढीक्‍ल खीत्‍रङ्‌ल यीगी ढी मीत् गो़ब यो़त्।

हीब्रु 10:16

ङे मीमङ् घयेत्‍तङ् ङ हीन्‍दुक् झ्‍यीबे कगो़त् धम्‍स्‍यक् च्‍यीक् स्‍योक्‍केन् सीन्‍न चोव ज्‍यीन्‍दक्‍की ॱसुङ्‌गुगो। तीङ्‌ला हुगी धी़ल ङे छ्‌यो़डीम्‍गी क घयेत् हुबे ॱसीम्‍ल स्‍युक्‍तु ची़त्‍न हुबे ॱसीम्‍बे यीक्‍ल ढीन स्‍योक्‍केन् सीर थो़ङ्‌गेन् बेत्। (यर्मीया ३१:३३)

हीब्रु 13:1

खीत्‍रङ् पी़न्‍ज्‍या नङ्‌दु झ्‍यम्‍ब झ्‍यीत्‍री चीज्‍यीत्।

१ पत्रुस् 3:8

स्‍युक्‍ल ह खीत्‍रङ् नङ्‌दु ॱसीम् च्‍यीक् ली़ च्‍यीक् झ्‍यीन ॱङीङ्‌ज्‍यी, झ्‍यम्‍ब, चीदुङ् धङ् ॱनोम्‍ज्‍युङ् झ्‍यीज्‍यीत्।

१ पत्रुस् 4:8

ॱनी गो़स्‍योल खीत्‍रङ् नङ्‌जोदु च्‍यीक्‍तङ् च्‍यीक्‍ल ॱसीम्‍बे यीक्‍नी झ्‍यम्‍ब झ्‍यीत् गोगेन् बेत्। झ्‍यम्‍ब झ्‍युङ्‌न ॱनी, घन्‍दुक्‍मे दीक्‍परङ् यो़त्‍न अक्, हुगो ये डोगेन् बेत्।

२ पत्रुस् 1:7

हुनी धेप्‍प मो़ब दील चीदुङ् गो़गेन्, हुनी चीदुङ् दील झ्‍यम्‍ब गो़गेन् बेत्।

१ युहन्‍ना 2:10

ॱनी मी ॱसी़ पी़न्‍ज्‍या नङ्‌गी पी़ल्‍ल झ्‍यम्‍ब झ्‍यीगुक्‍क हुगो मेङ्‌गल यो़प्‍पे मी दी बेत्। हुल दुगेन् घन्‍ड अक् मीत् युङ्‌गेन् बेत्।

१ युहन्‍ना 3:11

हज्‍यरङ्‌गी च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्। हीगो खीत्‍रङ्‌गी गोमनीरङ् ॱह घोन यो़प्‍पे केच्‍च्‍ये चव दी बेत्।

१ युहन्‍ना 3:23

खोङ्‌गी ॱनङे क दी हीगो बेत्। खोङ्‌गी ॱरेबु येशु ख्रीष्‍ट्‌की छेन् डेन्‍न खोङ्‌ल छ्‌य स्‍योक् गोगेन् धङ् ख्रीष्‍ट्‌की ॱनङे कल यो़प्‍पल च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्।

१ युहन्‍ना 4:21

हीगो झ्‍यीनी मी ॱसी़ ॱसीम्‍नी को़न्‍ज्‍योक्‍ल झ्‍यम्‍ब युङ्‌गो़दङ् हुगी पी़न्‍ज्‍या नङ्‌दु उक् झ्‍यम्‍ब झ्‍यीत् गोगेन् बेत् सीरे क खोङ्‌गी ङीत्‍ल ॱनङ्‌न यो़क्‍केन् बेत्।