१ थीस्सलोनीका 4:6 - ल्होमी6 हीगी ढीक्ल खीत्रङ् पी़न्ज्या नङ्जोदु रङ् रङ् ॱसोस्सो़ युङ्ज्यी़गी लेमुल तेन ङीब मत् झ्यीज्यीत्। हीगी लेन् चोव ज्यीन्दक्की च्यो़गेन् बेगो। एल्लादु उक् हीगो खीत्रङ्ल गन्दीक्म ॱस्येत्न स्यक्पेन्। Faic an caibideil |
१ थीस्सलोनीका 4:6
50 Iomraidhean Croise
झ्यम्बे दगुसो, ङेम्बे ङेल्लेन् खीत्रङ्गी ॱमत् च्यो़ज्यीत्। हुगो को़न्ज्योक्की छ्यक्तु खोङ्गी खोङ्डोक्की छ्येप्प को़ज्येल स्योक्च्यीत्। हीगी ढीक्ल चोव ज्यीन्दक्की ॱसुङ्गेन् बेत्। ङेल्लेन् च्यो़ज्येम दी ङे लक्ल यो़त्। ङेम्बे ङेल्लेन् च्यो़गेन् दी ङ हीन्। (ठीम्लु ३२:३५)
हुगी पेम्बु हुगो रङ्गी ढीक्ल फेन् थोब झ्यीक्केन् को़न्ज्योक्की ॱयोक्पु बेत्। ॱनी रङ्गी ङीब झ्यीन ॱनी, ज्यीब झ्यीज्यीत्। घन्ड हीन् सीन्न पेम्बी़ धो़म्मीत्ल ढी पदङ् मीत् सीर्केन् बेत्। हुगो को़न्ज्योक्की ॱयोक्पु झ्यीनी, हुगी लम्नी ङीब झ्यीक्केन् घयेत्ल को़न्ज्योक्की छ्येप्प को़गेन् बेत्।
को़न्ज्योक्की थुल डीक्पे ॱसीम्दुक् झ्युङ हुगी खीत्रङ्ल घन्दुक् झ्यीबे डेबु छ्याब बेक्क हुल तो़। घन्दुक्मे धेप्प छ्यीयल झ्युङ बेक्क। हुगी ङीब हुल खीत्रङ्गी मेङ्गी मेन् सीक्केल्ल झ्युङ बेत्। हुगी ङीबे ढीक्ल खीत्रङ् ॱयोङ्म घयेत् घन्दुक्मे खोङ्डोक् झ्युङ बेक्क। घन्दुक्मे ज्यीब झ्यीक्को़प्प। ङल घन्दुक्मे ढेम्ब झ्यीगो़प्प। ङ ङो़ल हुन्दुक्मे छ्योरीगी ज्यीक्प झ्युङ्न, हुल म दीरङ् छ्येप्प को़ज्ये ॱनो़ब झ्यीक्केन् बेत्। हुन्दुक् झ्यीन हुगी ढीक्ल खीत्रङ् घन्डल अक् धक्पर् झ्यीन नक्चक् मीप्पल थो़न्दुक्।
ङीक्की खीत्रङ् रीदङ् रील पबे भीजल तेबे लेमु डस्सी झ्यीबेन्। को़न्ज्योक्की खोङ् रोरङ्गी ज्यागक् धङ् तो़त्वङ्गी ओ़च्च्य च्येम्मे ॱसज्यल खीत्रङ् भो़ब बेत्। हुगो झ्यीनी खोङ् थु गुवे लम्ल खीत्रङ् डोवल ओ़ब युङे लेमु झ्यीन युङ्ज्ये यो़प्पल ङीक्की छीगङ् खीत्रङ्ल ॱलोप्स ज्यप्न ॱलोप्स्यीक् टेप्पेन्। ॱनी हीगो कुरीक् खीत्रङ्लरङ् ॱस्यो़च्च्ये यो़क्केन् बेत्।
Sanasan