१ थीस्सलोनीका 4:3 - ल्होमी3 को़न्ज्योक्की थुल डीक्पल खीत्रङ्गी मीजीगी लेमु दी धक्पर् युङ झ्यीज्यीत्। छ्येगी ढङ्नी भीन दो़च्च्यीत्। Faic an caibideil |
१ थीस्सलोनीका 4:3
47 Iomraidhean Croise
हीगी ढीक्ल ङे खीत्रङ्ल हीगो ॱस्येत् योङ्। मी ॱसी़ रोरङ्गी छ्युङ्म ॱयोङ्दङ् ङीबे ढीक्ल मेम्ब, धो़न् ॱयोङ्गी ढीक्ल ॱलो़ तङ्न ॱनी, हुगी रोरङ्गी छ्युङ्म दी ॱयोङ्दङ् ङीब झ्यीब हीम्बल सोगेन् बेत्। ॱनी हुगो छ्योगो ॱसी़ ॱनमल ठीक्को़दङ् हुगी ले हुगो ॱयोङ्गी ॱनम ठीक्प हीम्बे दीक्पल डोगेन् बेत्।
हुब घयेक्की ॱसीम्बे ॱमीक् दी भीदु ची़त्न मेन्नक्नी मेङ्गल, शैतान्गी लक्नी को़न्ज्योक् ङो़ल युङ्ज्येल धङ् ङल छ्य स्यक्पे लम्नी दीक्प घयेत् धक्न को़न्ज्योक्की धक्पर् हीम्बल सो़बे मी घयेक्की घुङ्दु हुब घयेत् युङ् छुज्ये यो़प्पल ङे रङ् हुब घयेत् च्याल तोङ्गेन् सीन्न ॱङाज्युङ्।
ङ हुदु युङ्नी, खीत्रङ्गी हुन्दुक् झ्यीबे लेमी़ झ्यीत् झ्यीक्की ङे को़न्ज्योक्की ङ ङु छदु ची़त् योङ् ॱनो़बे च्युगा दुक्। घन्ड हीन् सीन्न खीत्रङ्गी उन चङ्ज्ये मीप्प, दयम्, छ्येल ॱनक्सी झ्यीक्केन्, दीक्प झ्यीक्केन् धङ् हुन्दुक् झ्यीब घयेक्की ॱसीम् दी मत् ज्युर ठेत्न ॱसीम्दुक् लङ् योङ् ॱनो़गुक्।
हुगो झ्यीनी खीत्रङ्गी ॱसीम्ल लङ्न युङ्गेन् छ्ये, चङ्ज्ये मीप्पे ढङ्, छ्येलङ्गी ॱसीम्, धेच्च्यो ङेम्बे ढङ् धङ् लोप् झ्यीक्केन् हुन्दुक् झ्यीब ङो़नी खीत्रङ् ॱस्यीनरदङ् छ्येत्मीत् ढेन हुन्दुक् मत् झ्यीज्यीत्। लोप् झ्यीक्केन् हुगो ॱल्ह धङ् कुल छ्यक् छ्यो़प्प पुबदङ् छ्येत्मीत् बेत्।
ॱनी खीत्रङ् च्येन्नी युङे मी ख्रीष्ट् येशुगी ॱयोक्पु इपाफ्रास्की खीत्रङ्ल छ्यक्सुम् थेमु सीगुगो। को़न्ज्योक्की थुल यो़प्पे केच्च्य दी खीत्रङ्गी कुरीक् ॱह घोज्ये यो़प्प धङ् फी़न्सुम् छङल ॱसोङ्न खोङ्गी लम्ल तेम्बर् झ्यीन डो छुज्ये यो़प्पल इपाफ्रास्की खीत्रङ्गी ढीक्ल छीगङ् गन्दीक्म ॱसुव तोप्कुगो।
को़न्ज्योक्की थुल यो़प्पे लेमु घयेत् झ्यीत् छुज्ये यो़प्पल खीत्रङ्ल गो़बे खोज्येत् घयेत् थोप्च्ये यो़प्प तोङ्। खोङ् थु गुवे लेमु घयेत् येशु ख्रीष्ट्की लम्नी हज्यरङ्गी ॱसीम्ल डुप्च्ये यो़प्प तोङ्। ख्रीष्ट्ल धी़ नम ज्यी़न्दु तो़प्प युङ् युङ युङ्ज्ये यो़प्प स्योक्च्यीत्। आमेन्।
ॱनी ॱङीङ् च्युङेत्मु खुर्केन्, छ्य मीत् स्योक्केन्, स्यीलोक्सीगी ले झ्यीक्केन्, मीस्सेन्, छ्ये ज्युक्केन्, जुम्डी़ तो़ङ्गेन्, ॱल्ह धङ् कुल छ्यक् छ्यो़प्प पुगेन् धङ् ॱएजङ हुन्दुक् झ्यीब कुरीक् हुब घयेक्की दो़स्स दी मुसी धङ् मी बर्से छोल युङ्गेन् बेत्। हील ॱस्यीव तीङ्मा सीक्केन् बेत् ॱसुङ्ज्युङ्।
Sanasan