2 चोव ज्यीन्दक् येशुगी ॱवङ्नी ङीक्की खीत्रङ्ल हुदु टेप्पे क घयेत् खीत्रङ्ल ॱस्यो़च्च्ये यो़क्केन् बेत्।
ॱनी ङे खीत्रङ्ल घङ् ॱलप्न झ्यीत्तु ची़प्प घयेत् दी हुबल अक् खीत्रङ्गी हुन्दुक् दीरङ् ॱलप्न नेन्न झ्यीक्केल्ल सो़ज्यीत्। तेदे ङ धी़ ज्यी़न्दु स्युक् थमे धी़ थुक्ल खीत्रङ्दङ् दल दो़क्केन् हीनो झ्यीब बेत्।
छ्यो़डीम्गी नङ्ल मीप्पे ज्यी़त् ॱयोङ् ॱयोङ्गी मी घयेत् कुक् छुज्ये यो़प्पल ङ अक् छ्यो़डीम्गी नङ्ल मीप्प डस्सीरङ् झ्यीक्को़त्। हीम्ब त ङ को़न्ज्योक्की छ्यो़डीम्ल ॱमीत् चीगेन् मेन्। ख्रीष्ट्की कट्टीम्गी होक्ल दो़क्केन् हीन्।
हरुङ् पी़न्ज्यासो, को़न्ज्योक् गुवे मीजीगी लेमु खीत्रङ्गी ङीत् च्यानी ॱस्यीगेन् बेत्। ॱनी हुगो डस्सी दीरङ् खीत्रङ्गी झ्यीक्को़प्पेत्। ॱनी हरुङ् मङ्दु मङ्दु झ्यीज्यीत् सीन्न ङीत् चोव ज्यीन्दक् येशुगी छेन्नी ॱलोप्स ज्यक्केन् हीनो।
को़न्ज्योक्की थुल डीक्पल खीत्रङ्गी मीजीगी लेमु दी धक्पर् युङ झ्यीज्यीत्। छ्येगी ढङ्नी भीन दो़च्च्यीत्।
खीत्रङ्गी घुङ्न ले दीरङ् झ्यीक्कीन् ॱमीत् थेक्केन् ॱसु यो़दङ् हुल सम ॱमत् टो़च्च्यीत् सीन्न खीत्रङ् च्येन्दु यो़प्पे यङ्लरङ् खीत्रङ्ल ङीक्की ॱस्येत्न स्यक्पेन्।
पी़न्ज्यासो, चोव ज्यीन्दक् येशु ख्रीष्ट्की छेन्नी खीत्रङ्ल ङीक्की क हीगो ढीन तोङ्गो़त्। ङीक्की ॱलोप्स ज्यबल मीत् नेङ्गेन्, पी़न्ज्या, उन ॱअर्स्यीय गीर्च्यम् ॱस्यो़क्केन् ॱसु यो़दङ् हुगोदङ् खीत्रङ् भीन दो़च्च्यीत्।