१ थीस्‍सलोनीका 4:13 - ल्होमी

¹³ पी़न्‍ज्‍यासो, खीत्‍रङ्‌ल गन्‍दीक्‍म ॱस्‍यो़च्‍च्‍ये मीप्‍पे केच्‍च्‍य च्‍यीक् मी ॱस्‍यीन खुर घयेत्‍ल घन्‍दुक् झ्‍यीब युङ्‌गेन् बेक्‍क हुगो तो़ङ्‌गेन् हीनो। स्‍येन् रीगो मीप्‍पे मी ॱयोङ्‌मा डस्‍सीगी नङेन् खीत्‍रङ्‌ल आक् युङ्‌गेन् बेत्।

१ थीस्‍सलोनीका 4:13 Iomraidhean Croise

मत्‍ती 27:52

रो बेक्‍स घयेत् एत् घेन खुर बेत्। हुनी एल्‍ला ॱस्‍यीनर को़न्‍ज्‍योक्‍की मी चङ्‌म घयेत् ॱसोम्‍बुल लोङ्‌न छ्‌यील थो़न्‍न युङ बेत्।

युहन्‍ना 11:24

ॱनी हील मार्थागी ॱसोम्‍बुल लोङे ङीन् स्‍युक् थमे धी़गी यङ्‌ल हुगो ओक् लोङ्‌गेन् हीम्‍ब ङल ॱस्‍यो़च्‍च्‍ये यो़त् झ्‍यीब बेत्।

ठीक्‍नल 13:36

को़न्‍ज्‍योक्‍की थुल घङ् यो़प्‍पे ले घयेत् दी दाऊद्‌गी रोरङ्‌गी मीजील झ्‍यीन युङ्‌न, हुनी रोरङ् ॱस्‍यीनर बेत्। ॱनी हुगी रो दी रोरङ्‌गी पुबु ॱमुमु घयेक्‍की रो बेक्‍सल ॱलुक्‍न स्‍यक्‍नी, हुदु इप्‍रीक् छ्‌येत्‍नर बेत्।

ठीक्‍नल 7:60

हुनी हस्‍सो़त् पीमुङ् चुन रोगी केत् छ्‌यीम्‍मु तो़न्‍न ॱवे चोव ज्‍यीन्‍दक् हीगी मी घयेत् हीबल हीगी दीक्‍प हीगो को़रो मत् झ्‍यीत् सीन्‍न ॱस्‍येत्‍नी, हुनी उ ठोक् छ्‌येत्‍नर बेत्।

ठीक्‍नल 8:2

ॱनी इस्‍तीफनस्‍की रो दी को़न्‍ज्‍योक्‍ल धेप्‍प झ्‍यीक्‍केन् मी यरीगी डुन रो बेक्‍सल ॱलुक्‍न स्‍यक्‍न खोङ्‌जो़ ढीक्‍ल नङेन् छ्‌यीम्‍मु झ्‍यीब बेत्।

रोमी 1:13

ज्‍यी़त् ॱयोङ् ॱयोङ्‌गी घुङ्‌दु ङे घङ् झ्‍यीबे लेल डेबु छ्‌याब डस्‍सी खीत्‍रङ् च्‍यादु उक् युङ्‌ज्‍ये यो़प्‍पल ङ लेम्‍म गज्‍येन् खीत्‍रङ् च्‍याल युङ्‌ज्‍ये ॱनो़ब झ्‍यीबेन्। ॱनी ङल थङ्‌गक् झ्‍युङ्‌नी, हजो़त् थुक्‍ल युङ् छुमोङ्। पी़न्‍ज्‍यासो हीगो ॱह घोव झ्‍यीज्‍यीत्।

१ कोरीन्‍थी 10:1

पी़न्‍ज्‍यासो, धङ्‌बु ङीक्‍की पुबु ॱमुमु घयेत्‍ल मोशागी ङोल घङ् झ्‍युङे केच्‍च्‍य घयेत् ढेम्‍ब ॱसो़ब झ्‍यीज्‍यीत्। हुब घयेक्‍की लम्‍बा दील ॱमुबे का लोङ्‌न ठीक्‍प बेत्। हुब कुरीक् छ्‌यु ज्‍यम्‍जो छ्‌यीम्‍मी़ घुङ्‌नी फल्‍ल को़न्‍ज्‍योक्‍की तो़म्‍बे लम्‍ल डो छुब बेत्।

१ कोरीन्‍थी 12:1

पी़न्‍ज्‍यासो, धम्‍बे थुगी कबप् घयेक्‍की ढीक्‍ल खीत्‍रङ्‌ल ॱस्‍यो़च्‍च्‍ये मीप्‍प घयेत् ङे ॱस्‍यो़च्‍च्‍ये ॱनो़गुक्।

१ कोरीन्‍थी 15:6

हुनी थङ् च्‍यीक्‍ल ज्‍यब ॱङले ॱल्‍हक्‍मागी पी़न्‍ज्‍या यो़स्‍सल थो़न्‍न ठेप्‍प बेत्। हुब यरी यरीरङ् ॱस्‍यीय बेत्। ॱनी मङा हुन्‍दो ओक् यो़क्‍केन् बेत्।

२ कोरीन्‍थी 1:8

पी़न्‍ज्‍यासो, ङीत्‍ल एशीया लुङ्‌बदु घन्‍दुक्‍मे दुक्‍प छ्‌यीय नोङ्‌दुक्‍क हुगो खीत्‍रङ्‌ल ॱस्‍यो़च्‍च्‍ये युङल ङीत् ॱस्‍यो़क्‍कीन् थेक्‍कुक्। ङीत्‍ल म दीरङ् गुर् दीरङ् ॱमीत् थेक्‍केङ्‌गी दुक्‍प नोङ्‌ज्‍युङ्। हुगी यङ्‌ल ॱसो़ योङ् ॱनो़बे त रीगो दीरङ् मत् युङ्।

एफीसस् 2:12

ॱनी एल्‍ला खीत्‍रङ्‌ल ख्रीष्‍ट् ॱस्‍यो़च्‍च्‍ये मीप्‍प, इस्राएल्‍की मीस्‍सीर् मेम्‍ब, को़न्‍ज्‍योक्‍की कगो़त् धम्‍स्‍यक्‍ल छ्‌यो़त्‍तुम् जेप्‍पे नङ्‌ल मीप्‍प, जम्‍बुलीङ् हीदु रीगो मीप्‍प, को़न्‍ज्‍योक् ॱस्‍यो़च्‍च्‍ये मीप्‍पे मी हीन् ॱनो़ब ॱसम्‍ज्‍यीत्।

एफीसस् 2:3

एल्‍ला हज्‍यरङ् अङ् मी हुबे घुङ्‌दु कोलीमीगी ॱसीम्‍बे धेच्‍च्‍यो ङेम्‍बे ॱवङ्‌ल ॱस्‍योर्न ॱनो़बागी धेत्‍मो़ झ्‍यीक्‍केन् यो़क्‍केन् बेत्। हुगी कप्‍ल हज्‍यरङ् मी ॱयोङ्‌म डस्‍सीरङ् यो़क्‍केन् झ्‍यीनी, हज्‍यरङ्‌ल को़न्‍ज्‍योक्‍की खोङ्‌डोक्‍की छ्‌येप्‍प केन आक्, मत् ओ़ब मीप्‍प बेत्।

१ थीस्‍सलोनीका 4:14

येशु ढोङ्‌नी, यङ् ॱसोम्‍बुल लोङ बेत् सीक्‍केल्‍ल हज्‍यरङ्‌गी छ्‌य स्‍यक्‍न यो़क्‍केन् बेत्। ॱनी हुगो झ्‍यीनी छ्‌य स्‍योक्‍केन् ॱस्‍यीनर घयेत् येशु झ्‍यो़म्‍बे यङ्‌ल खोङ्‌दङ् दल युङ्‌ज्‍येल को़न्‍ज्‍योक्‍की ॱलोङ्‌न ठीक्‍केन् बेत्।

१ थीस्‍सलोनीका 4:15

चोव ज्‍यीन्‍दक्‍की ॱसुङे केच्‍च्‍य हीगो खीत्‍रङ्‌ल ङे ॱस्‍येत् योङ्। चोव ज्‍यीन्‍दक् फीच्‍च्‍य झ्‍यो़न् झ्‍यो़न् थुक्‍ल हज्‍यरङ् ॱमत् ॱस्‍यीय दो़क्‍को़ट्‌टो। ॱनी हुगी यङ्‌ल ॱस्‍यीनर घयेत् हुबले हज्‍यरङ् एल्‍ला थो़न् ॱमीत् छुगेन् बेत्।

१ थीस्‍सलोनीका 5:10

ख्रीष्‍ट् हज्‍यरङ्‌गी धो़न्‍दु ढोङ बेत्। ॱनी हुगो तीङ्‌ला खोङ् झ्‍यो़म्‍बे यङ्‌ल हज्‍यरङ् ॱमत् ॱस्‍यीयरङ् यो़त्, यङ् ॱस्‍यी छररङ् हीन्‍न अक्, खोङ्‌दङ् दल ॱसोम्‍बु दो़च्‍च्‍ये यो़प्‍पे ढीक्‍ल झ्‍युङ बेत्।

१ थीस्‍सलोनीका 5:6

हुगो झ्‍यीनी मी ॱयोङ्‌मा घयेत् ॱङीत्‍ल ॱसोङ डस्‍सी मत् झ्‍यीब, हज्‍यरङ् ॱसीम् ॱनो़जो़त् घङ्‌बी़ ॱवङ्‌ल ॱमत् तङ, ॱसीम् च्‍यङ्‌जो़त् झ्‍यीन दो़त् गोगेन् बेत्।

२ पत्रुस् 3:4

ख्रीष्‍ट् फीच्‍च्‍य युङ्‌गेन् बेत् धङ् युङ्‌गेन् बेत् सीक्‍केन् दी घन ॱनी? ॱङो़न् धङ्‌बु छङ्‌म थम्‍ज्‍येत् छ्‌यादु ची़प्‍पनी झ्‍यीनी घङ् यो़प्‍प हीगो पुबु ॱमुमी़ ङोनी हीन्‍दुक् दीरङ् मत् ज्‍युर दुक् न ॱनी सीन्‍न सीक्‍केन् बेत्।

२ पत्रुस् 3:8

झ्‍यम्‍बे दगुसो, चोव ज्‍यीन्‍दक्‍ल लोङ तोङ्‌डक् च्‍यीक् ङीन् च्‍यीक् डस्‍सील अक् डो छुगेन् बेत्। ॱनी यङ् ङीन् च्‍यीक् लोङ तोङ्‌डक् च्‍यीक् डस्‍सील अक् डो छुगेन् बेत्। हीगो टोक् मत् ज्‍यीब, ॱसीम्‍ल सुङ्‌न स्‍योक्‍च्‍यीत्।