१ थीस्सलोनीका 3:13 - ल्होमी13 हज्यरङ्गी चोव ज्यीन्दक् येशु खोङ् रोरङ्गी मी चङ्म घयेत्तङ् दल इगीनी मल्ल झ्यो़म्बे यङ्ल हज्यरङ्गी यप् को़न्ज्योक्की ढुङ्दु खीत्रङ् धक्पर् हीम्ब धङ् ङीबे ज्यी़त् मीप्प थो़न् छुज्ये यो़प्पल खीत्रङ्गी ॱसीम् दी चोव ज्यीन्दक्की तेम्बोक्म सोज्ये यो़प्प तोङ्। Faic an caibideil |
१ थीस्सलोनीका 3:13
28 Iomraidhean Croise
ख्रीष्ट्की ढीक्की केच्च्य ॱनेम्बु टोम्गेन् को़न्ज्योक्की ले झ्यीक्केन् ङीक्की छ्यीट्टो हज्यरङ्गी पी़न्ज्या तीमोथी तोङ्ज्ये दी खीत्रङ्ल नोङे दुक्प हुल खीत्रङ् योक् ठी़त् मीप्प दो़त् छुज्ये यो़प्पे ढीक्ल, खीत्रङ्गी छ्य स्यक्प दी डम्दु सोदु धङ् ॱलोप्स्यीक् टो़त्तु सीन्न तङेन्। म दी हज्यरङ् हुन्दुक् झ्यीबे दुक्प नोङ्ज्येगी ढीक्ल अक् खो़प्प बेत्। हीगो खीत्रङ्ल ॱस्यो़च्च्ये यो़क्केन् बेत्।
हुगी ङीन् दी येशु खोङ् रोरङ्गी मी चङ्म घयेत् च्यानी तो़प्प लीन्दु धङ् खोङ्ल छ्य स्यक्न यो़क्केन् घयेत् यीक् छ्यीन खोङ्ल तो़प्प पुज्ये यो़प्पल इगीनी मल्ल झ्यो़ङ्गेन् बेत्। ङीक्की गन्दीय दीम्ब बेत् सीरे केच्च्यल खीत्रङ्गी छ्य स्यक्न यो़क्केन् झ्यीनी, हुबे दल खीत्रङ् ॱअङ् युङ्गेन् बेत्।
हुनी क खीत्रङ् धङ् ङीत् दुक्पे लक्नी थर्केन् बेत्। हुगी यङ्ल चोव ज्यीन्दक् येशु मीज्ये छ्यीम्मुल भप्न खोङ् रोरङ्गी भङ्ज्येम्ब ज्यीक्पा घयेत्तङ् दल तेङ् यी़नी मल्ल कुरीक्की थोङ्सल झ्यो़ङ्गेन् बेत्। ॱनी हुगी यङ्ल को़न्ज्योक् ॱमीत् ॱसम्गेन् धङ् हज्यरङ्गी चोव ज्यीन्दक् येशुगी केच्च्य ॱनेम्बुल मीत् नेङ्गेन् घयेत्ल खोङ्गी लेन् च्यो़गेन् बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
हुन्दुक् झ्यीबे मी घयेक्की ढीक्ल धङ्बु आदम्नी झ्यीनी मीदोक् दी़न् ॱसोङ्नी, थो़म्बे हनोक्की हीन्दुक् झ्यीबे ॱङो़स्स्यी ॱस्येत्न यो़क्केन् बेत्। मी छङ्म थम्ज्येत्ल ठीम् च्यो़त्तु चोव ज्यीन्दक् इगीनी मल्ल खोङ् रोरङ्गी मी चङ्म ठी बुम्गी दल झ्यो़ङ्गेन् बेत्। ॱनी हुगी यङ्ल को़न्ज्योक् ॱमीत् ॱसम्गेन् घयेक्की ङीबे ले री रील धङ् खोङ्ल ॱमीत् चीगेन् दीक्च्येन् घयेक्की खोङ्ल ङेन्दम् लब घयेत् थम्ज्येक्की ढीक्ल ठीम् च्येत्न छ्येप्प को़गेन् बेत् सीर यो़क्केन् बेत्।
Sanasan