१ थीस्‍सलोनीका 3:12 - ल्होमी

¹² ङीक्‍की खीत्‍रङ्‌ल झ्‍यम्‍ब यो़प्‍प डस्‍सी खीत्‍रङ्‌गी च्‍यीक्‍तङ् च्‍यीक्‍ल धङ् मी कुरीक्‍ल झ्‍यम्‍ब झ्‍यीक्‍केङ्‌गी झ्‍यम्‍सीम् दी चोव ज्‍यीन्‍दक्‍की हरुङ् छ्‌यीदु डोदु ची़च्‍च्‍ये यो़प्‍प तोङ्।

१ थीस्‍सलोनीका 3:12 Iomraidhean Croise

मत्‍ती 22:39

ॱनी हीगी तीङ्‌नी रङ्‌गी लोल यो़क्‍केङ्‌गी मील रङ् डस्‍सीरङ् ॱसम्‍न झ्‍यम्‍ब झ्‍यीज्‍यीत् सीर यो़क्‍केन् बेत्। (लेवी १९:१८)

मत्‍ती 7:12

ॱनी खीत्‍रङ्‌गी ॱसीम्‍बे ॱयोङ् च्‍यानी घन्‍दुक् झ्‍यीबे रीगो झ्‍यीक्‍को़दङ् हुगो डस्‍सी ॱयोङ्‌मल आक् खीत्‍रङ्‌गी झ्‍यीत् गोगेन् बेत्। छ्‌यो़डीम्‍ल धङ् कलुङ् ॱस्‍यो़क्‍केन् घयेक्‍की ढीबे ॱसुङ्‌रप्‍ल ओ़ब डीक्‍पे क दी हीगो बेत्।

लुका 17:5

ॱनी ठीक्‍नल दीबे चोव ज्‍यीन्‍दक्‍ल ङीक्‍की छ्‌य स्‍यक्‍प दी ज्‍यीक्‍तु डोज्‍ये यो़प्‍प जेत्‍रो ॱनङ् सीन्‍न स्‍यी़ब बेत्।

रोमी 13:8

खीत्‍रङ् नङ्‌जोदु झ्‍यम्‍ब झ्‍यीत् गोगेङ्‌गी लेमु हुगो मेन्‍द, खीत्‍रङ् ॱसुल आक् भुलीन् मीप्‍प युङ झ्‍यीज्‍यीत्। मी ॱयोङ्‌ल झ्‍यम्‍ब झ्‍यीक्‍केन् हुगी छ्‌यो़डीम्‍गी क छङ्‌मल चीगेन् हीम्‍बल डोगेन् बेत्।

२ कोरीन्‍थी 9:10

ॱसो़न् गो़बल ॱसो़न् धङ् सम गो़बल सम ॱनङ्‌गेन् को़न्‍ज्‍योक्‍की खीत्‍रङ्‌गी गये लेगी डेबु दी ज्‍येबर् छ्‌याज्‍ये यो़प्‍पल खीत्‍रङ्‌ल यो़प्‍पे ॱसो़न् घयेत् दी हरुङ् ज्‍यीक्‍तु सो़न ॱयोङ्‌ल फेम्‍ब युङल सोगेन् बेत्।

गलाती 5:22

ॱनी धम्‍बे थु च्‍यानी युङ्‌गेङ्‌गी डेबु दी हीगो बेत्। झ्‍यम्‍ब, गव, ॱसीम् दीव, ङङ्‌रीन्, गये ले, गङ्‌ज्‍येन् झ्‍यीक्‍केन्, तेम्‍बोक्‍म,

गलाती 5:6

ख्रीष्‍ट् येशुदङ् मत् ढेब यो़क्‍केन् ङीत् घयेत्‍ल यहुदीगी दक् हुगो ज्‍यप्‍न अक् बेत्। मत् ज्‍यप्‍न अक् बेत्। हुगी फेन् घन्‍ड अक् ॱमीत् थोगेन् बेत्। ॱनी फेन् थोस्‍योल छ्‌य स्‍यक्‍प दी धङ् छ्‌य स्‍यक्‍पे लम्‍नी झ्‍यीन युङे झ्‍यम्‍ब हुगो ॱनेगेन् बेत्।

फीलीप्‍पी 1:9

खीत्‍रङ् नङ्‌जोल यो़प्‍पे झ्‍यम्‍ब दी ज्‍यीक्‍तु, ॱनी धो़न् दी गदु ॱह घोज्‍ये यो़प्‍प धङ् गवक् ॱयुव पीक्‍लु दी गदु ॱस्‍यीज्‍ये यो़प्‍पे ढीक्‍ल ङे ॱसुव तोप्‍को़त्।

१ थीस्‍सलोनीका 2:8

खीत्‍रङ्‌ल ङीक्‍की च्‍यीब झ्‍यम्‍ब झ्‍यीक्‍कीन् थेच्‍च्‍युङ्। हुगो झ्‍यीनी खीत्‍रङ्‌ल को़न्‍ज्‍योक्‍की केच्‍च्‍य ॱनेम्‍बु दी ॱसीम् गव झ्‍यीन ॱस्‍यो़च्‍च्‍ये ॱनो़ब छ्‌युवक् मेम्‍ब, ङीक्‍की ली़सीम् दीरङ् जेङ् खीत्‍रङ्‌ल टो़त् गो़ ॱस्‍यर्न आक्, टो़त् छुबे ॱसीम् झ्‍युङ्। घन्‍ड हीन् सीन्‍न खीत्‍रङ् ङीक्‍की झ्‍यम्‍बे मील झ्‍युङ बेत्।

१ थीस्‍सलोनीका 4:1

हरुङ् पी़न्‍ज्‍यासो, को़न्‍ज्‍योक् गुवे मीजीगी लेमु खीत्‍रङ्‌गी ङीत् च्‍यानी ॱस्‍यीगेन् बेत्। ॱनी हुगो डस्‍सी दीरङ् खीत्‍रङ्‌गी झ्‍यीक्‍को़प्‍पेत्। ॱनी हरुङ् मङ्‌दु मङ्‌दु झ्‍यीज्‍यीत् सीन्‍न ङीत् चोव ज्‍यीन्‍दक् येशुगी छेन्‍नी ॱलोप्‍स ज्‍यक्‍केन् हीनो।

१ थीस्‍सलोनीका 5:15

ॱनी खीत्‍रङ्‌गी ॱसुल आक् ङेल्‍लेन् ॱमत् च्‍यो़ब, मी छ्‌यीनङ्‌मीत् कुरीक्‍ल छीगङ् गय झ्‍यीच्‍च्‍ये ॱनो़बे ॱसीम्‍ब खुर्च्‍यीत्।

२ थीस्‍सलोनीका 1:3

पी़न्‍ज्‍यासो, खीत्‍रङ्‌गी छ्‌य स्‍यक्‍प दी डम्‍दु डम्‍दु झ्‍युङ्‌न युङ दील धङ् च्‍यीक्‍तङ् च्‍यीक्‍ल झ्‍यीक्‍केङ्‌गी झ्‍यम्‍ब दी छ्‌यीदु छ्‌यीदु ज्‍येन युङ दील ङीक्‍की छीगङ् को़न्‍ज्‍योक्‍ल थु छ्‌यी पु पुब झ्‍यीत् गोगो़त्।

याकुब् 1:17

गये ढङ्‌गी ॱनङ्‌ज्‍येत् घयेत् धङ् फी़न्‍सुम् छङ च्‍येम्‍मे ॱनङ्‌ज्‍येत् घयेत् जेङ् ॱनम्‍गी ओ़च्‍च्‍य च्‍येम्‍म घयेत् छ्‌यादु ची़क्‍केन् इगी यप् च्‍यानी मल्‍ल युङ्‌गेन् बेत्। खोङ् ज्‍युरुव मीप्‍प धङ् खोङ् झ्‍यीस्‍सन ढीक्‍मक् मीप्‍प यो़क्‍केन् बेत्।

२ पत्रुस् 1:7

हुनी धेप्‍प मो़ब दील चीदुङ् गो़गेन्, हुनी चीदुङ् दील झ्‍यम्‍ब गो़गेन् बेत्।

२ पत्रुस् 3:18

हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट्‌की थुज्‍यीगी धो़र्रीक् खीत्‍रङ्‌ल ज्‍येबर् युङ्‌ज्‍ये यो़प्‍प धङ् खोङ्‌गी धो़र्रीक् खीत्‍रङ्‌गी गदु ॱस्‍यीज्‍ये यो़प्‍प झ्‍यीज्‍यीत्। खोङ्‌ल हुन्‍दो धङ् धी़ ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।