१ थीस्सलोनीका 2:2 - ल्होमी2 ॱनी हुले एल्ला फीलीप्पी सार्तु ङीत्ल मी घयेक्की घन्दुक्मे दुक्प तङ्न ॱम पब बेक्क हुगो ओक् खीत्रङ्ल ॱस्यो़च्च्ये यो़क्केन् बेत्। ॱनी खीत्रङ् च्येल्ल ॱलीत्नी, हुदु उक् ङीक्की डल मी गज्येन् लोङ्ज्युङ्। ॱनी हीन्न अक्, हज्यरङ्गी को़न्ज्योक्की दगु जेत्नी, खोङ्गी केच्च्य ॱनेम्बु ज्यीक्टक् मीप्प, ङीक्की खीत्रङ्ल ॱस्यो़त् छुज्युङ्। Faic an caibideil |
१ थीस्सलोनीका 2:2
27 Iomraidhean Croise
हीनी पावल्की हुगी ॱसा टो़क्केन् स्यप्च्यी़ब दीबल ङीत् रोम्गी ज्यागक्की मीस्सीर् हीन्। ॱनी हीन्न अक्, ठीम् ॱमत् च्येप्पल कुरीक्की थोङ्सल डेङ्ज्यक् बेन्न चो़ल्ल ॱलुक्च्युङ्। ह ङीत् तोङे यङ्ल यङ् ॱसोप्ल तोङ्गेन् सीक्केन्? ङीत् मीत् डो। हुगी पेम्बु दीब युङ्न तो़न्न मेन्द, ङीत् मीत् डो सीन्न झ्यीब बेत्।
हुगो झ्यीनी ङल हीगो डस्सीगी दुक्प छीगङ् नोङ्गुक्। ॱनी हीन्न अक्, हीगी ढीक्ल ङ ङु छय मीत् झ्यीत्। घन्ड हीन् सीन्न ङे ॱसुल छ्य स्यक्तुक्क हुगो ङे ङु ॱस्यीगो़त्। ङे गेल्ल खोङ्गी घङ् स्यक्न यो़प्प दी खोङ् रोरङ् झ्यो़म्बे ङीन् थुक्ल खोङ्गी छ्योप्न स्योक् छुगेन् हीम्बल ङ ॱलो खीन यो़त्।
झ्यम्बे मीसो, हज्यरङ्गी थर्वे लम् दी च्यीक् बेत्। ॱनी हीगी थर्वे लम् हीगी ढीक्ल एल्लानीरङ् ङे यीगी च्यीक् ढीगीन् थेस्सी झ्युङ्। ॱनी हीगो को़न्ज्योक्की मी चङ्म घयेत्ल फुगी ढीक्ल ॱनङे छ्य स्यक्पे लम् दी खीत्रङ्गी तोर्तु ॱमत् ची़प्प, दक्पु झ्यीन हुल मीत् डीक्पे लेमु युङ्गेन् घयेत्तङ् थुक्च्यीत् सीन्न ॱलोप्स ज्यक्पे तीम्मल हीगो ढी गो़ झ्युङ्।
Sanasan