१ थीस्‍सलोनीका 1:6 - ल्होमी

⁶ हुनी हुगी यङ्‌ल खीत्‍रङ्‌गी ङीत् धङ् चोव ज्‍यीन्‍दक्‍की ॱमीदेल तेन दो़क्‍को़त्। हुगी यङ्‌ल खीत्‍रङ्‌ल छ्‌यी मी घयेक्‍की दुक्‍प अयेक्‍प गज्‍येन् तङ्‌न आक्, ङीक्‍की केच्‍च्‍य दील छ्‌यप्‍स्‍यक् स्‍यक्‍न नेन्‍न धम्‍बे थुगी लम्‍नी खीत्‍रङ् गेस झ्‍युङ बेत्।

१ थीस्‍सलोनीका 1:6 Iomraidhean Croise

मत्‍ती 16:24

हुनी ॱलोप्‍टुक् ॱयोङ्‌म दीबल ङे लम्‍ल मी ॱसु युङ्‌गीन् थेक्‍को़दङ् हुगी रोरङ्‌गी धेच्‍च्‍यो घयेत् फङ्‌न रोरङ्‌गी कुरुस् खुर्न युङ् गोगेन् बेत्।

युहन्‍ना 8:12

हुनी येशुगी च्‍यारी दीदु जोम्‍बे मी घयेत् दील हीन्‍दुक् सीन्‍न ॱस्‍येप्‍प बेत्। जम्‍बुलीङ्‌गी मी घयेत्‍ल युङे मेङ्‌ग दी ङ हीन्। ॱनी ङे लम्‍ल युङ्‌गेन् दी मेन्‍नक्‍ल गीर् मीत् गो़ब, हुगोल छी टो़क्‍केङ्‌गी मेङ्‌ग युङ्‌गेन् बेत् झ्‍यीब बेत्।

ठीक्‍नल 13:52

ॱनी ॱसोङ्‌न आक्, हुदु येशुगी ॱलोप्‍टुक्‍ल स्‍युन यो़प्‍प घयेत् दी गेस झ्‍यीन धम्‍बे थुगी घेङ्‌न यो़प्‍प बेत्।

ठीक्‍नल 5:41

हुनी ठीक्‍नल दीब हुगी छोक्‍तेन् छ्‌यीम्‍मु दीनी छ्‌यील थो़न्‍न युङ बेत्। ॱनी येशुगी छेङ्‌गी ढीक्‍ल रोरङ्‌सो ॱम पप्‍न युङल हुगो ओ़ब झ्‍युङ को़न्‍ज्‍योक्‍की ॱसम्‍गेन् झ्‍यीनी, हुल हुब गेस झ्‍यीब बेत्।

ठीक्‍नल 9:31

ॱनी हुगी धी़ल यहुदीया, गालीला धङ् सामरीयान यो़प्‍पे छ्‌यो़ छो घयेत्‍ल घल अक् दुक्‍प मत् युङ, स्‍यीव झ्‍युङ बेत्। धम्‍बे थुगी ॱलोप्‍स्‍यीक् ॱनङ्‌न, छ्‌यो़ छो घयेत् हरुङ् ज्‍यीक्‍तु ज्‍यीक्‍तु ज्‍येन युङ बेत्। ॱनी चोव ज्‍यीन्‍दक्‍ल ज्‍यीब खुर्न युङ्‌नी, छ्‌यो़ छोल मी ॱसम्‍ब गज्‍येन् फीन युङ बेत्।

रोमी 15:13

खीत्‍रङ्‌गी रीगो दी छ्‌यीदु छ्‌यीदु युङ्‌ज्‍ये यो़प्‍पल धम्‍बे थुगी ॱस्‍यीक् झ्‍युङ्‌न, खीत्‍रङ् छ्‌य स्‍योक्‍केन् घयेक्‍की ॱसीम्‍ल रीगो च्‍येम्‍मे को़न्‍ज्‍योक्‍की गव धङ् दीव ॱनङ्‌न घेङ्‌ज्‍ये यो़प्‍प तोङ्।

१ कोरीन्‍थी 11:1

ख्रीष्‍ट्‌की ॱमीदेल ङे तेन झ्‍यीब डस्‍सी खीत्‍रङ्‌गी ङे ॱमीदेल तेन झ्‍यीज्‍यीत्।

१ कोरीन्‍थी 11:2

खीत्‍रङ् घयेक्‍की ङ ढेन्‍न ङे खीत्‍रङ्‌ल ॱलबे केच्‍च्‍य घयेत् दील थीरीय नेन्‍न देप्‍पल ङे खीत्‍रङ् तो़क्‍केन् हीनो।

१ कोरीन्‍थी 4:16

हीगो झ्‍यीनी खीत्‍रङ् ङे ॱमीदेल तेन दो़च्‍च्‍यीत् सीन्‍न ॱलोप्‍स ज्‍यक्‍केनो।

२ कोरीन्‍थी 6:10

ॱसीम्‍ल दुक्‍ङा झ्‍युङ्। ॱनी हीन्‍न अक्, छीगङ् गेस झ्‍यीक्‍को़त्। ङीत् टङ्‌बु हीन्‍न अक्, ङीक्‍की ॱयोङ्‌मा छ्‌युक्‍पुल सोगो़त्। ङीत्‍ल घन्‍ड अक् मीप्‍प डस्‍सी यो़त्‍न अक्, ङीत्‍ल म दी कुरीक् यो़त्।

२ कोरीन्‍थी 8:5

ॱनी ङीक्‍की ॱनो़बले एक् ॱल्‍हक्‍मा हुबे को़न्‍ज्‍योक्‍की थुल डीक्‍पल गोम दी हुबे रोरङ्‌सो़ ली़सीम् दीरङ् छङ्‌म चोव ज्‍यीन्‍दक्‍की ॱवङ्‌गी होक्‍ल युङ्‌ज्‍ये यो़प्‍पल च्‍योसोङ्। हुनी ङीक्‍की ॱवङ्‌गी होक्‍ल अक् युङ्‌ज्‍ये यो़प्‍पल ॱलीच्‍च्‍युङ्।

गलाती 5:22

ॱनी धम्‍बे थु च्‍यानी युङ्‌गेङ्‌गी डेबु दी हीगो बेत्। झ्‍यम्‍ब, गव, ॱसीम् दीव, ङङ्‌रीन्, गये ले, गङ्‌ज्‍येन् झ्‍यीक्‍केन्, तेम्‍बोक्‍म,

एफीसस् 5:1

खीत्‍रङ् को़न्‍ज्‍योक्‍की झ्‍यम्‍बे भीज झ्‍यीनी, खोङ्‌गी ॱमीदेल तेन झ्‍यीन युङ् गोगेन् बेत्।

फीलीप्‍पी 3:17

ङे पी़न्‍ज्‍यासो, खीत्‍रङ्‌गी मीजीगी छ्‌यलु दी ङे ॱमीदेल तेन झ्‍यीज्‍यीत्। ङीक्‍की हुदु पी तो़म्‍बल तेन झ्‍यीक्‍केन् घयेक्‍की मीजीगी ॱमीदेल तेन खीत्‍रङ् झ्‍यीज्‍यीत्।

२ थीस्‍सलोनीका 1:4

ॱनी खीत्‍रङ्‌ल छ्‌यी मी घयेक्‍की दुक्‍प अयेक्‍प धङ् दुक्‍स्‍यी गज्‍येन् तङ्‌न आक्, खीत्‍रङ् घन्‍दुक्‍मे गुर् थेक्‍पे धु छ्‌यीय धङ् छ्‌य स्‍यक्‍पे लम्‍ल थीरी देप्‍प बेक्‍क हुगी ढीक्‍ल ङीक्‍की को़न्‍ज्‍योक्‍की छ्‌यो़ छो घदु उक् हीगी ढीक्‍ल पेगेत् ॱस्‍यो़त् छुगो़त्।

२ थीस्‍सलोनीका 3:7

हुदु दो़प्‍पे यङ्‌ल ङीक्‍की खीत्‍रङ्‌ल घन्‍दुक् झ्‍यीबे ॱमीदे तो़न्‍ज्‍युङ हुगो खीत्‍रङ्‌गी थोङ बेत्। ङीत् गीर्च्‍यम् ॱस्‍येस्‍सोङक् ॱनी?

२ थीस्‍सलोनीका 3:9

स्‍येन् ङीत्‍ल ॱहक् त यो़त्। ॱनी हीन्‍न अक्, खीत्‍रङ् ङीक्‍की ॱमीदेल तेन युङ्‌ज्‍ये यो़प्‍पल ङीत् ङीत्‍रङ्‌गीरङ् ले झ्‍यीन सेबेन्।

२ तीमोथी 4:2

ॱसुङ्‌रप्‍की केच्‍च्‍य ॱस्‍येत् ॱस्‍येप्‍प झ्‍यीज्‍यीत्। धी़जो़त्‍ल ॱमत् तय, छीगङ् ॱस्‍यो़त् छ्‌योक् झ्‍यीन दो़च्‍च्‍यीत्। ङङ्‌रीन् झ्‍यीन ॱलोप्‍स ज्‍योप्‍च्‍यीत्। लप्‍स्‍य तोङ्‌ज्‍यीत्। ङीब तो़न्‍न ॱरोङ्‌ज्‍यीत्। ॱलोप्‍स्‍यीक् टो़च्‍च्‍यीत्।

हीब्रु 10:34

ॱनी चो़ल्‍ल ॱस्‍योर्न यो़प्‍पे छ्‌यीट्‌टो घयेत्‍ल अक् खीत्‍रङ् ॱङीङ् छन दगु झ्‍यीब बेत्। हुगो छ्‌युवक् मेम्‍ब, खीत्‍रङ्‌ल नम्‍ल अक् मीत् सेक्‍केङ्‌गी चा छ्‌यीम्‍मी़ नोर् च्‍यीक् यो़प्‍प खीत्‍रङ्‌गी ॱह घोनी, हुनी खीत्‍रङ्‌ल हीन यो़प्‍पे नोर् दी ॱयोङ्‌गी लुप्‍न न अक्, च्‍युगा घन्‍ड अक् मत् झ्‍यीब, ॱसीम् गव झ्‍यीब बेत्।

१ पत्रुस् 1:6

हीगो झ्‍यीनी खीत्‍रङ्‌ल हुन्‍दो ॱरीप्‍चो़त् च्‍यीक् छो़त्‍लीन्‍दङ् छ्‌येत्‍मीत् दुक्‍प ॱनजो नोङ्‌न अक्, खीत्‍रङ् गेस छ्‌यीम्‍मु झ्‍यीक्‍केन् बेत्।

१ पत्रुस् 1:8

खीत्‍रङ्‌गी ख्रीष्‍ट् ॱमीत् थोङ्‌गो़त्‍न आक्, खीत्‍रङ्‌गी ॱसीम्‍न खोङ्‌ल झ्‍यम्‍ब यो़क्‍केन् बेत्। ॱनी हुन्‍दो ॱमीत् थोङ्‌गो़त्‍न आक्, खीत्‍रङ्‌गी खोङ्‌ल ॱलो केन दो़क्‍केन् बेत्। हुगो झ्‍यीनी खीत्‍रङ्‌गी ॱसीम्‍ल छीक्‍टल ज्‍युर्न ॱस्‍यो़त् दीरङ् ॱमीत् ॱस्‍यीगेङ्‌गी गेस छ्‌यीम्‍मु युङ्‌गेन् बेत्।

१ पत्रुस् 3:13

खीत्‍रङ्‌गी गस्‍सीम् देन गये ले झ्‍यीक्‍को़त्‍न ॱनी, हील मी ॱसु दीगी ॱनो़त् च्‍यो़दु युङ्‌गेन्?

३ युहन्‍ना 1:11

झ्‍यम्‍बे दगु रङ् ॱमीदे आक्‍पाल मेम्‍ब, गागी ॱमीदेल तो़ज्‍यीत्। गा झ्‍यीक्‍केन् दी को़न्‍ज्‍योक् ङो़गी बेत्। ॱनी आक्‍पा झ्‍यीक्‍केन् दी को़न्‍ज्‍योक्‍तङ् ङोस्‍स्‍यीन् मत् युङे मी बेत्।