१ थीस्सलोनीका 1:5 - ल्होमी5 एल्ला ङीक्की खीत्रङ्ल ॱस्येत्न टेप्पे केच्च्य ॱनेम्बु हुगो ङीक्की नुक्रङ्गी केच्च्य मेम्ब, ङीत्ल धम्बे थुगी ॱस्यीक् ॱङीत्न, दीम्बरङ्गी केच्च्य हीन्। हुगी यङ्ल खीत्रङ्ल फेम्ब युङल ङीक्की झ्यीबे छ्यलु दी खीत्रङ्ल ॱस्यो़च्च्ये यो़क्केन् बेत्। Faic an caibideil |
१ थीस्सलोनीका 1:5
60 Iomraidhean Croise
ॱनी ङीक्की तम्ल नेङ्गेन् उन भुमु लीडीया सीक्केन् च्यीक् यो़प्प बेत्। हुगी ले दी खुङ् थोन्दीक्मे घुलक् ॱमुक्लोक्प चोङ्गो़प्प बेत्। हुगो को़न्ज्योक्ल धेप्प मो़ब झ्यीक्केन् थीयाटीरा सार्की मी हीङ्गो़प्प बेत्। ॱनी हुगी ॱसीम्बे ॱमीक् दी चोव ज्यीन्दक्की भीदु ची़त्नी, हुनी पावल्की ॱस्येप्पे तम्ल हुगी नेन्न युङ बेत्।
हीगो ङल को़न्ज्योक्की तो़न्न ज्युक् सीन्न ॱङानी फीम्बेन्। ॱनी ज्यी़त् ॱयोङ् ॱयोङ्गी मी घयेक्की घुङ्दु ङे घन्दुक् झ्यीबे केच्च्य ॱनेम्बु ॱस्येप्प बेक्क हुगो ङे हुदु छ्यो़ छोगी चो छ्यीया हीन्दोक्पे मी घयेत्ल छ्युवक् ॱस्येप्पेन्। स्येन् ङे ज्युबे ले घयेत् दी धो़म्मीत्ल डोगो़ट्टो ॱनो़ज्युङ्।
ङीक्की हुदु ॱस्येप्पे केच्च्य दील खीत्रङ्गी हीगो मी केच्च्य मेम्ब, को़न्ज्योक्की ॱसुङ्स्येत् बेत् ॱनो़ब ॱसम्न नेन्सोङ्। ॱनी हुगो खुङ्देन् को़न्ज्योक्की ॱसुङ्स्येत् दीरङ् बेत्। ॱनी हीगी खीत्रङ् छ्य स्योक्केन् घयेक्की ॱसीम्ल फेन् थोगेङ्गी ले डुप्केन् बेत्। हीगी ढीक्ल अक् ङीक्की को़न्ज्योक्ल छीगङ् थु छ्यी पु पुब झ्यीक्को़त्।
ॱनी हुबे ॱस्येप्पे कलुङ् दी रोरङ्सो़ फेन्दोगी ढीक्ल मेम्ब, हुगो दङ् हरीङ् हज्यरङ्गी ढीक्ल धङ्बुदु को़न्ज्योक्की हुबल तो़न्न ॱस्यो़त्तु ची़प्प बेत्। ॱनी हुगो दङ् हरीङ्गी केच्च्य ॱनेम्बु हील डोगेन् बेत्। ॱनी दङ् हरीङ् हीगो ॱस्येत्न टोम्गेन् घयेत्ल तेङ् यी़नी तङे धम्बे थुगी दगु जेत्नी, हुबे खीत्रङ्ल हीगो जेङ् ॱस्येत्न यो़क्केन् बेत्। ॱनी हीगी केच्च्ये धो़न् हील तेङ् यी़गी भङ्ज्येम्ब घयेक्की इक् दो़न्दो़त् तगीन् थेप्प झ्युङ बेत्।
हज्यरङ्गी चोव ज्यीन्दक् येशु ख्रीष्ट्की यप् को़न्ज्योक्ल यस्सो युङ् युङ युङ्ज्ये यो़प्प स्योक्च्यीत्। घन्ड हीन् सीन्न खोङ्गी थुज्यी छ्यीम्मु जेत्न येशु ख्रीष्ट् ढोङ्नरनी ॱसोम्बुल ॱलोङ हीम्बे लम्नी हज्यरङ्ल रीगो ॱङो़न्ने दी थोबल खोङ्गी ॱसीम् ॱसम्ब झ्युङ्दु ची़प्प बेत्।
हुगो झ्युङ थोङ्नी धङ्बु कलुङ् ॱस्यो़क्केन् घयेक्की ॱङो़स्स्यीगी केच्च्य घयेत् हुगो दीम्बरङ् बेत् ॱनो़ब ङीक्की ॱह घोज्युङ्। हुगी ॱङो़स्स्यीगी केच्च्य घयेत् हुगो मेन्नक्ल पेक्केन् बत्तीदङ् छ्येत्मीत् झ्यीनी, थोरङ् कच्च्येन् ॱस्यर्न युङदङ् छ्येत्मीत् ख्रीष्ट् फीच्च्य झ्यो़न्न, नम् खीत्रङ्गी ॱसीम्ल नम् लोङ् लोङ् थुक्ल खीत्रङ् हुल धोनङ् झ्यीज्यीत्। हुन्दुक् झ्यीन खीत्रङ्गी धोनङ् झ्यीन ॱनी, हुगो फेन्सी युङ्गेन् बेत्।
Sanasan