१ थीस्सलोनीका 1:10 - ल्होमी10 ॱनी स्युक् थमल को़न्ज्योक्की खोङ्डोक्की छ्येप्प को़गेन् हुगी लक्नी छ्यीगेन्, ढोङ्नरनी ॱसोम्बुल खोङ्गी ॱलोङ्न यो़क्केन्, खोङ्गी ॱरेबु येशु तेङ् यी़नी मल्ल झ्यो़म्बल खीत्रङ् गुक्कीन् दो़क्कुक् सीर ॱह घोज्युङ्। Faic an caibideil |
१ थीस्सलोनीका 1:10
46 Iomraidhean Croise
जम्बुलीङ् जेङ्ल को़न्ज्योक्की ठीम् ढङ्बु च्यो़च्च्येमे ङीन् खोङ्गी स्यक्न यो़क्केन् बेत्। ठीम् दी खोङ्गी को़बे ठीम्बो़ङ्गी च्यो़क्केन् बेत्। हीगो दीम्बरङ् हीम्ब हज्यरङ् कोलीमी घयेक्की ॱह घोज्ये यो़प्पल, को़न्ज्योक्की खोङ् ढोङ्नरे ॱसनेनी ॱसोम्बुल ॱलोङ बेत् सीन्न ॱस्येप्प बेत्।
हुगो हीन्न ॱनी, खीत्रङ् धङ् इस्राएली घयेत् कुरीक्की हीगो ॱह घोव झ्यीज्यीत्। हीन ढक्नरे मी हीगो नासरत्की येशु ख्रीष्ट्की छेन्नी ढक्तु ची़प्प बेत्। ॱनी खोङ् खीत्रङ्गी कुरुस्ल तान ॱसेत्न आक्, यङ् को़न्ज्योक्की खोङ् ॱसोम्बुल ॱलोङ बेत्। ॱनी खोङ्गी ॱस्यीक्की क हस्सो़त् हीगो ढक्न यो़क्केन् बेत्।
हज्यरङ्गी चोव ज्यीन्दक् येशु ख्रीष्ट्की यप् को़न्ज्योक्ल यस्सो युङ् युङ युङ्ज्ये यो़प्प स्योक्च्यीत्। घन्ड हीन् सीन्न खोङ्गी थुज्यी छ्यीम्मु जेत्न येशु ख्रीष्ट् ढोङ्नरनी ॱसोम्बुल ॱलोङ हीम्बे लम्नी हज्यरङ्ल रीगो ॱङो़न्ने दी थोबल खोङ्गी ॱसीम् ॱसम्ब झ्युङ्दु ची़प्प बेत्।
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
Sanasan