Biblia Todo Logo
Bìoball air-loidhne

- Sanasan -




१ पत्रुस् 5:4 - ल्होमी

4 तीङ्‌ला लुक्‍चीब चो छ्‌यीस्‍स्‍यो इगीनी मल्‍ल झ्‍यो़म्‍बे यङ्‌ल खीत्‍रङ्‌ल तो़प्‍प च्‍येम्‍मे फु तक्‍पे थोप् छ्‌यीम्‍मी़ स्‍यमुङ् थोप्‍केन् बेत्।

Faic an caibideil Dèan lethbhreac




१ पत्रुस् 5:4
22 Iomraidhean Croise  

लुक्‍चीब गङ्‌ज्‍येन् दी ङ हीन्। लुक् घयेक्‍की ढीक्‍ल ङ ङरङ्‌गी ॱरोक् दीरङ् च्‍यो़गेन्।


ज्‍युक्‍रील दुर्री चीगेन् घयेक्‍की हुगी लेमी़ ॱवङ्‌ल तङ्‌न ॱस्‍योज्‍योङ् झ्‍यीक्‍केन् बेत्। हुगो फु ॱमीत् तक्‍केङ्‌गी थोप् छ्‌यीम्‍मी़ स्‍यमुङ् थोबे ढीक्‍लरङ् बेत्। ॱनी हज्‍यरङ् हुगो डस्‍सी मेम्‍ब, हज्‍यरङ्‌ल फु तक्‍केङ्‌गी थोप् छ्‌यीम्‍मी़ स्‍यमुङ् थोबे ढीक्‍ल बेत्।


ह ठीम्‍बो़न् ढङ्‌बु चोव ज्‍यीन्‍दक् झ्‍यो़म्‍बे ङीङ्‌गी यङ्‌ल मी ढङ्‌बुल थोप्‍केन्, थोप् छ्‌यीम्‍मी़ स्‍यमुङ् दी खोङ्‌गी ङे ढीक्‍ल इगीन स्‍यक्‍न यो़क्‍केन् बेत्। ॱनी ङल छ्‌युवक् मेम्‍ब, हुगो खोङ् इगीनी मल्‍ल झ्‍यो़म्‍बल रीगो झ्‍यीन गुक्‍केन् कुरीक्‍ल थोप्‍केन् बेत्।


लुक् घयेत्‍ल तगेन् लुक्‍चीब छ्‌यीम्‍मु हज्‍यरङ्‌गी चोव ज्‍यीन्‍दक् येशु ढोङ्‌नरनी ॱसोम्‍बुल स्‍यीव दीव ॱनङ्‌गेन् को़न्‍ज्‍योक्‍की ॱलोङ बेत्। ॱनी येशु ठक् थो़न्‍न ढोङे धो़न् दी फु तक्‍पे कगो़त् धम्‍स्‍यक् स्‍योक्‍पे ढीक्‍ल बेत्।


छो़त्‍लीङ्‌गी दुक्‍प युङ गुर्न ॱसु थीरीय दो़क्‍कुक्‍क हुगो ॱसोदी च्‍येम्‍म युङ्‌गेन् बेगो। घन्‍ड हीन् सीन्‍न हुगो गुर् थेक्‍प झ्‍यीन हुनी थो़न्‍नी, को़न्‍ज्‍योक्‍की खोङ् रोरङ्‌ल झ्‍यम्‍ब यो़प्‍प च्‍येम्‍म घयेत्‍ल टो़प्‍पे छ्‌यो़त्‍तुम् झ्‍यीबे छीये ज्‍येगी स्‍यमुङ् दी हुल थोप्‍केन् बेत्।


हीगी धो़न् दी तेङ् यी़दु हज्‍यरङ्‌गी ढीक्‍ल स्‍यक्‍न यो़प्‍पे सेच्‍च्‍ये मीप्‍प, येज्‍ये मीप्‍प धङ् नक्‍चक् मीप्‍पे फक् थोबे ढीक्‍ल बेत्।


एल्‍ला खीत्‍रङ् लुक् भत्‍त छ्‌यर्नर डस्‍सी झ्‍युङ्‌न यो़क्‍केन् बेत्। ॱनी ह हुन्‍दो खीत्‍रङ्‌ल तगेन् ॱसीम्‍गी लुक्‍चीब ख्रीष्‍ट् च्‍याल लोक्‍न यो़क्‍केन् बेत्।


खीत्‍रङ्‌गी गेल्‍ल यो़प्‍पे को़न्‍ज्‍योक्‍की लुक् घयेत् ॱसो़ज्‍यीत्। हीगो खेरक्‍की झ्‍यीत् गोगो़त् ॱनो़ब मेम्‍ब, को़न्‍ज्‍योक्‍की थुल यो़प्‍पल ॱसम्‍न ॱलो़लङ्‌गी झ्‍यीज्‍यीत्। लोप् झ्‍यीन पयीसक् ॱसक्‍च्‍ये ॱनो़बे ढीक्‍ल मेम्‍ब, ॱसीम्‍बे यीक्‍नी झ्‍यीच्‍च्‍ये ॱनो़ब ॱसम्‍न झ्‍यीज्‍यीत्।


झ्‍यम्‍बे दगुसो, हज्‍यरङ् को़न्‍ज्‍योक्‍की भीज दीरङ् बेत्। ॱनी तीङ्‌ला हज्‍यरङ् घन्‍दुक् झ्‍यीबल ज्‍युको़र्दङ् हुगो हुन्‍दो कुरीक् क ॱस्‍यो़च्‍च्‍ये मीप्‍प बेत्। ॱनी हुन्‍दो ॱस्‍यो़च्‍च्‍ये यो़प्‍प दी ख्रीष्‍ट् इगीनी मल्‍ल झ्‍यो़म्‍बे यङ्‌ल खोङ् घन्‍दुक् झ्‍यीब यो़दङ् हुगो हज्‍यरङ्‌गी ॱङो़सल् थोङ्‌नी, हुगो डस्‍सीरङ् हज्‍यरङ् अङ् झ्‍युङ् डोगेन् बेत्।


खीत्‍रङ्‌सो तेदे, खोङ् इगीनी मल्‍ल ॱमुबे दल झ्‍यो़ङ्‌गेन् बेत्। हुनी छङ्‌म थम्‍ज्‍येक्‍की खोङ् थोङ्‌गेन् बेत्। खोङ्‌ल दुङ् चुक्‍केन् दीबे एक् थोङ्‌गेन् बेत्। हुनी जम्‍बुलीङ्‌गी ज्‍यी़त् कुरीक् ङुच्‍च्‍यङ् ॱस्‍योर्केन् बेत्। हीगो ॱङो़न्‍ने युङ्‌गेन् बेत्। आमेन्।


ह हुन्‍दो हुगी युङ्‌गेङ्‌गी दुक्‍प हुल खीत्‍रङ् ज्‍यीब मत् झ्‍यीत्। खीत्‍रङ्‌ल छो़त्‍लीन् तज्‍येल दी़क्‍की चो हुगी खीत्‍रङ् यरी यरी चो़ल्‍ल ॱलुक्‍केन् बेत्। ॱनी स्‍यक्‍पु च्‍युजो़त् च्‍यीक् थुक् दुक्‍प नोङ्‌गेन् बेत्। ॱनी ॱस्‍यी गो़रङ् ॱस्‍यर्न आक्, थीरीय दो़त्। हुनी ज्‍येल थोबे थोप् छ्‌यीम्‍मी़ छीये स्‍यमुङ् दी ङे टेत् योङ्।


ङ ज्‍योक्‍पु युङ्‌गेन् हीनो। रङ्‌ल ज्‍ये थोप्‍केन् थोप् छ्‌यीम्‍मी़ स्‍यमुङ् दी ॱसी़ इक् ठोन डो छुज्‍ये मीप्‍पल हुन्‍दो रङ्‌गी ॱसीम्‍ल घङ् यो़प्‍पे लेमु दी तेम्‍बोक्‍म सुङ्‌ज्‍यीत्।


Lean sinn:

Sanasan


Sanasan