१ पत्रुस् 5:13 - ल्होमी

¹³ बेबीलोन् सार्न यो़प्‍पे खीत्‍रङ्‌दङ् च्‍यीक्‍प दम्‍बे छ्‌यो़ छोगी मी घयेत् धङ् ङे भु डस्‍सी मर्कुस्‍की इक् खीत्‍रङ्‌ल छ्‌यक्‍सुम् थेमु सीगुगो।

१ पत्रुस् 5:13 Iomraidhean Croise

ठीक्‍नल 12:12

ॱनी पत्रुस्‍की हीगो ॱह घोनी, रोरङ् युहन्‍ना मर्कुस् सीक्‍केन् च्‍यीक्‍की आम मरीयम्‍गी खीम्‍ल फीम्‍ब बेत्। ॱनी उन मी गज्‍येन् जोम्‍न ॱसुव तोप्‍कीन् यो़प्‍प बेत्।

ठीक्‍नल 12:25

ॱनी बार्नाबास् धङ् शावल्‍की हुगी चेन्‍ड दी यरुशलेम्‍ल च्‍येनी, हुब ॱङीबु युहन्‍ना मर्कुस् सीक्‍केन् दी ठीक्‍न एन्‍टीयोक्‍ल लोक्‍प बेत्।

ठीक्‍नल 15:37

ॱनी बार्नाबास्‍की लेम्‍बुल नुक्‍म हीन्‍न, युहन्‍ना मर्कुस् हुगो ओक् कङ्‌ज्‍यीक्‍ल ठीक्‍न डो सीन्‍न झ्‍यीब बेत्।

ठीक्‍नल 15:39

ॱनी हीगी ढीक्‍ल पावल् धङ् बार्नाबास् खन्‍डुक् ॱस्‍योर्न, हीनी घीनर बेत्। हीनी बार्नाबास्‍की युहन्‍ना मर्कुस् ठीक्‍न ढु छ्‌यीम्‍मुल स्‍युन सैप्‍रस्‍की लुङ्‌बल टप्‍नर बेत्।

कलस्‍सी 4:10

ङदङ् दल चो़ल्‍ल कङ्‌ज्‍यीक्‍ल यो़क्‍केन् अरीसतार्खस्‍की खीत्‍रङ्‌ल छ्‌यक्‍सुम् थेमु सीगुगो। हुनी बार्नाबास्‍की पी़न् मर्कुस्‍की इक् खीत्‍रङ्‌ल छ्‌यक्‍सुम् थेमु सीगुगो। मर्कुस्‍की ढीक्‍ल खीत्‍रङ्‌ल ङे एल्‍लादु ॱङान स्‍यक्‍पेन्। ॱनी रो हुदु ॱलीत्‍नी, खीत्‍रङ्‌गी ङो धङ् थोङ् झ्‍यीज्‍यीत्।

फीलेमोन् 1:24

ॱनी ङे ले च्‍यीक्‍की छ्‌यीट्‌टो मर्कुस्, अरीसतार्खस्, डेमास् धङ् लुका झ्‍यीबे रङ्‌ल छ्‌यक्‍सुम् थेमु यो़दो सीन्‍न सीगुगो।

२ युहन्‍ना 1:1

ङ छ्‌यो़ छोगी गोयो़प्‍पे हीगो को़न्‍ज्‍योक्‍की दम्‍बे भुमु नीज्‍यरङ् धङ् नीज्‍यरङ्‌गी भीज घयेत्‍ल ढीन तोङ्‌गो़दो। खीत्‍रङ् घयेत्‍ल ङे दीम्‍बरङ्‌गी झ्‍यम्‍ब यो़दो। ॱनी हीगो ङ छ्‌युवक्‍की मेम्‍ब, दीम्‍ब ॱस्‍यो़च्‍च्‍ये यो़क्‍केन् घयेत् कुरीक्‍की झ्‍यम्‍ब यो़क्‍केन् बेत्।

२ युहन्‍ना 1:13

दम्‍बे भुमु नीज्‍यरङ्‌गी भीज घयेक्‍की हीनी नीज्‍यरङ्‌ल छ्‌यक्‍सुम् थेमु यो़दो सीन्‍न तोङ्‌गुक्।

ॱसाल्‍केत् 17:5

हुगी थोक्‍कोक् दील तीङ् सप्‍पोक्‍मे मीङ् हीन्‍दुक् झ्‍यीब च्‍यीक् दुक्। बेबीलोन् छ्‌यीम्‍मु हुगो छ्‌येमु घयेत् धङ् जम्‍बुलीङ्‌गी स्‍यीलोक्‍सीगी ढङ् घयेक्‍की आम बेत् सीन्‍न ढीन दुक्।

ॱसाल्‍केत् 18:2

ॱनी हुगी केत् छ्‌यीम्‍मुल बेबीलोन् छ्‌यीम्‍मु ह रम् डोगेन् बेत्। रम् डोगेन् बेत्। हुगो ॱनो़प्‍प अयेक्‍प घयेक्‍की दो़स्‍स धङ् ॱनो़प्‍प स्‍यीलोक्‍पोक्‍म घयेक्‍की छङ् धङ् झ्‍यज्‍युङ्‌म ढीप्‍लङ् च्‍येम्‍म स्‍यीलोक्‍सी घयेक्‍की दो़स्‍सल युङ्‌गेन् बेत्।